VOVWORLD_ស្រុកSin Ho ចំណុះខេត្តLai Chau ប៉ែកពាយព្យភូមិ
ភាគខាងជើង​វៀតណាមជាតំបន់ដាច់ស្រយាលមួយដែលពិបាកធ្វើដំណើ
រដោយសារផ្លូវខ្វាត់ខ្វែងរដិបរដុប។ប៉ុន្តែនៅពេលមកទស្សនាស្រុកនេះ 
ភ្ញៀវទេសចរនឹងបានគយគន់ទេសភាពធម្មជាតិដ៏ស្រស់ស្អាតព្រមទាំង
ស្វែងយល់ពីវប្បធម៌ប្រពៃណីរបស់ប្រជាជនគ្រប់ជនជាតិនៅទីនេះទៀត
ផង។

        ស្រុកSin Hoមានចំងាយ៦០គីឡូម៉ែត្រពីខាងលិចខេត្ត Lai Chau។
ខាងជើង​ស្រុក​នេះជាប់ព្រំដែនចិន​ ខាងត្បូងជាប់នឹងស្រុក Tua Chua
ខាងកើតជាប់ស្រុក Phong Tho ហើយខាងលិចទល់នឹងស្រុក Muong Te។
ផ្លូវពីទីរួមខេត្តLai Chauទៅកាន់ស្រុក Sin Ho ឆ្លងកាត់ព្រៃស្រោង ដោយ
មានជ្រោះជ្រលងនិងរូងភ្នំជាច្រើន។នៅតាមផ្លូវភ្ញៀវទេសចរ​អាច​មើល
ឃើញទេសភាពធម្មជាតិស្រស់ស្អាតគ្របដណ្ដប់ដោយពពកពេញមួយឆ្នាំ។

        ស្រុក Sin Ho ស្ថិតនៅទីតាំងខ្ពស់បំផុតនៃខេត្តLai Chauហើយតាម
ភាសាតំបន់  Sin​ Ho មានន័យថាកន្លែងសំបូរជ្រោះ។លោក​Nguyen Thanh
 Trung ជាប្រជាពលរដ្ឋ​មួយ​រូបនៅ Sin Hoបានឲ្យដឹងថា

“ខ្ពង់រាបSin Hoត្រូវបាចាត់ទុកជាដំបូលផ្ទះរបស់ខេត្តLai Chau។
អាកាសធាតុ​នៅ​ទីនេះមានលក្ខណៈស្រដៀងនឹងនៅទីរួមស្រុក Sa Paខេត្ត
Lao Cai ដែលត្រជាក់​ស្រួល​ពេញមួយឆ្នាំហើយមានផ្កានិងផ្លែឈើដ៏សំបូរ
បែបដូចជាផ្លែព័រ ប៉ែសនិងផ្លែព្រូន។នៅSin Hoមានរមណីយដ្ឋានគួរឲ្យ
ទាក់ទាញដូចជាក្លោងទ្វារមេឃ ភ្នំទេវតា​ ភ្នំតាថ្ម​ រួមជាមួយ​វាលស្រែកាំ
ជណ្ដើរនៅលើខ្នងកូនភ្នំទៀតផង ”។

នៅតាមផ្លូវភ្ញៀវទេសចរអាចមើលឃើញទេសភាពធម្មជាតិស្រស់ស្អាតគ្របដណ្ដប់ដោយពពកពេញមួយឆ្នាំ(រូបថត Le Hong Ha)

        មកទស្សនាតំបន់ខ្ពង់រាបSin Ho ភ្ញៀវទេសចរមានឱកាសស្វែងយល់
ជីវភាពរស់​នៅ​របស់ប្រជាជនជនជាតិភាគតិច។គេតែងតែចូលមកទស្សនា
ភូមិ Pu Dao  Ta Ghenh  Hoang Ho Ta Phin និងភូមិPhang Xo Lin របស់ជន
ជាតិ​ Mong និងជនជាតិDao។​នៅទី​នេះ​ប្រជាជនរស់នៅក្នុងផ្ទះឈើហើយរស់
នៅដោយការដាំស្រូវ ពោត និងចិញ្ចឹម​បសុ​សត្វ។ស្ដីពីចំណាប់អារម្មណ៍ពេល
មកទស្សនាខ្ពង់រាបSin Hoនេះ  អ្នកស្រី Nguyen Thuy Linh ជាទេសចរមួយ
រូបមកពីក្រុងហាណូយបានថ្លែងថា

  “ដំណើរមកទស្សនាSin Hoរបស់ខ្ញុំគឺមានអត្ថន័យណាស់។ទេសភាពនៅ
ទីនេះគឺ​ស្រស់​ត្រកាលនិងសុខសាន្តត្រានដោយរក្សាបាននូវធម្មជាតិយ៉ាងល្អ។
​ប្រការ​នេះ​ទាក់​ទាញភ្ញៀវទេចរនិងយុវជនមកទស្សនានិងស្វែងយល់យ៉ាង
ខ្លាំង។ម្ហូបអាហាររបស់អ្នកភូមិដែលរួមមានសាច់ក្របីចៀន សាច់ពពែអាំង 
សាច់ជ្រូកខ្វៃ ត្រីជ្រោះ បាយដំណើបឬស៊ុបសេះនោះគឺសុទ្ធតែឆ្ងាញ់។ជាពិសេស
នៅSin Hoយើងខ្ញុំបានភ្លក់ម្ហូប​ច្នៃធ្វើពីសាច់​ត្រីសាម៉ុងដែលចិញ្ចឹមដោយ
បងប្អូនកសិករនៅនឹងកន្លែងទៀតផង”។

        នៅស្រុកSin Hoមានជនជាតិចំនួន១៥រួមរស់ជាមួយគ្នា ក្នុងនោះច្រើន
បំផុត​គឺ​ជនជាតិ Mong  ជនជាតិThai និងជនជាតិDao។ប្រជាជននៅខ្ពង់
រាបនេះតែងតែ​បើក​ផ្សារ​ក្នុងរយៈពេល២ថ្ងៃចុងអាទិត្យដែលចាប់ផ្ដើមនា
ពេល​ព្រឹកថ្ងៃសៅរ៍។​ពេលដើរ​ផ្សារ​ម្ដងៗបងប្អូនជនជាតិដើមភាគតិចនាំយក
កសិផលនិងទំនិញគ្រប់មុខផលិតដោយខ្លួនឯងមកលក់យកប្រាក់ឬដូរ
យកទំនិញផ្សេងនៅផ្សារ។រួចគេជួបសំណេះសំណាលជាមួយញាតិមិត្តនិង
អញ្ជើញគ្នាពិសារម្ហូបនិងផឹកស្រា។នេះជាផ្នត់វប្បធម៌ប្រពៃណីដ៏ល្អប្រសើរ
របស់ប្រជាជនលើតំបន់ខ្ពង់រាបSin Ho៕