VOVWORLD_ភូមិ Hai Minh ចំណុះស្រុកHai Hau ខេត្តNam Dinhភាគ​
ខាង​ជើង​វៀត​ណាម។អ្នកភូមិនេះមានរបរកែច្នៃគ្រឿងសង្ហារឹមតាមបែបបុរាណ
យ៉ាងប្រណិតដែលទាក់ទាញអតិថិជនជាច្រើននាក់មកទស្សនានិងទិញផលិតផល។

ពីទីក្រុងNam Dinhធ្វើដំណើរប្រមាណ៤០គឡូម៉ែត្រនឹងទៅដល់ឃុំ Hai Minh។
​ភូមិនេះ​ល្បី​ឈ្មោះ​ដោយ​របរកែច្នៃគ្រឿងឈើសិប្បកម្មវិចិត្រសិល្បៈ។នាបច្ចុប្បន្ន​នៅ
​ក្នុងឃុំ​ទាំង​មូលមានមូលដ្ឋានផលិតកម្មអាជីវកម្មចំនួន២០០ដែលជំនាញកែ​ច្នៃ
មុខ​ទំនិញនេះ។តាមលោក Nguyen Van Truong ជាម្ចាស់មូលដ្ឋានផលិតកម្មមួយ
នៅក្នុងឃុំ Hai Minh បាន ឲ្យ​ ដឹងថា​

“ ភូមិរបរនេះមានតាំងពីយូរណាស់មកហើយ។ផលិតផលសំខាន់នៅ​ទីនេះ​គឺ​
គ្រឿង​​សង្ហារឹមតាមបែបបុរាណដូចជាគ្រែ ទូ តុ​កៅអី។យើងខ្ញុំខិតខំរៀនសូត្រ​បន្ត
មុខ​របរពីជំនាន់​ដូនតា​បន្សល់ទុក​មកហើយផលិតផលទាំងនេះមិនចេះហួស​
សម័យ​ទេ”។

កែច្នៃគ្រឿងសង្ហារឹម

មកទស្សនាភូមិផលិតគ្រឿងឈើHai Minh ភ្ញៀវទេសចរនឹងលឺសំលេងដាប់
 ឆ្លាក់​និង​សំលេង​រណារឈើលាន់រំពងពេញភូមិ។ នៅតាមរោងជាងនានាសុទ្ធតែ​
ឃើញ​សិប្បករ​​​ទាំង​ក្រុមៗកំពុងផ្ដោតការយកចិត្តទុកដាក់ទៅលើការកែច្នៃ
ផលិតផល​របស់​ខ្លួន​។​សិប្បករមួយចំនួនឆ្លាក់រូបសត្វនាគលើទ្វារទូ ខ្លះទៀតឆ្លាក់
រូបសត្វ​ក្ងោកឬរូប​ស្លឹក​ឈើ​លើគ្រែ។ទំនិញរបស់ភូមិ Hai Minh ទាក់ទាញ​អតិថិជន
យ៉ាងខ្លាំង។​មូលហេតុ​សំខាន់​គឺ​ដោយ​សារ​សិប្បករភូមិនេះចេះគួបផ្សំរូបមន្តកែច្នៃ​
សោភ័ណភាពនៃគ្រឿងឈើ​ពីជំនាន់​ដូនតាជាមួយម៉ូដគ្រឿងសង្ហារឹមនា
បច្ចុប្បន្នកាលតាមចំណង់ចំណូលចិត្តរបស់អតិថិជន។ស្ដីពីបច្ចេកទេសកែច្នៃ
ផលិតផល លោកPham Van Tiep ជាជាងចំលាក់​មួយរូបនៅភូមិ Hai Minh បាន
ឲ្យដឹងថា

“​ នៅពេលសំឡឹងមើលផលិតផល ដំបូងបង្អស់អ្នកផងគេចាប់អារម្មណ៍ដល់
ស្នាម​ឆ្លាក់​។ដើម្បីឆ្លាក់បាននូវរូបភាពប្រណិតមួយ ជាងចំលាក់ត្រូវតែ​ឆ្លងកាត់
ការ​រៀនសូត្រ​ហាត់ពត់លត់ដំយូរអង្វែង។ ទន្ទឹមនឹងនោះគឺត្រូវតែផ្ដោតអារម្មយ៍
យ៉ាងខ្លាំងទើបអាចឆ្លាក់បាននូវរូបភាពរស់រវើកលើផលិតផល​”។

គ្រឿងឈើសិប្បកម្មវិចិត្រសិល្បៈនៅ Hai Minh មានគ្រប់ប្រភេទជាអាទិ៍ទូ 
តុ កៅអី​គ្រែ និងគ្រឿងសំណែន។ដោយឡែកគ្រឿងឈើធ្វើតាមបែបបុរាណរបស់
អ្នកភូមិគឺល្បីឈ្មោះតាំងពីយូរមកហើយ។ឥឡូវនេះផលិតផលគ្រឿឈើរបស់ Hai
Minh បានក្លាយទៅជាពាណិជ្ជសញ្ញាដ៏មានកិត្យានុភាពនៅក្នុងទូទាំងប្រទេស
វៀតណាម៕