(VOV)_ដោយបានដាក់អោយដំណើការចាប់ពីឆ្នាំ ២០០៦មក ក្រោយរយៈ​ពេល
ជាង១០ឆ្នាំកន្លងទៅ “របៀងសេដ្ឋកិច្ចកើត-លិច”( EWEC) បានរួមចំណែក​មិន​តូច
តាចចំពោះការអភិវឌ្ឍន៍នៅប្រទេសជាសមាជិកនីមួយៗ។ ខេត្ត  Quang Tri ដោយ
មានឧត្តមភាពជាខេត្តស្ពានតភ្ជាប់​នឹង​ខេត្តផ្សេងៗ​នៅភូមិភាគកណ្ដាលវៀតណាម
 បានជាខេត្តនេះទទួលបានផលប្រយោជន៍ច្រើនបំផុតពីរបៀង​សេដ្ឋកិច្ចនេះ។

ច្រកទ្វារព្រំដែនអន្តរជាតិ Lao Bao

          ដោយស្ថិតនៅក្នុងកំណាត់ផ្លូវតភ្ចាប់ឡាវ-ថៃ-មីយ៉ាន់ម៉ា តាមច្រកទ្វារព្រំដែន
​អន្តរជាតិ Lao Bao និងកំពង់ផែសមុទ្រ ៖Cua Viet, Chan May, Da Nang, Vung Ang​ 
Quang Tri មានលក្ខណះងាយស្រួលជាច្រើនដើម្បីបើកទូលាយកិច្ច​សហ​ប្រតិ​បត្តិការ
សេដ្ឋកិច្ចពាណិជ្ជកម្ម ដឹកជញ្ជូនអន្តរជាតិ សេវាកម្មនិងទេសចរណ៍។​ លោក Dinh
Ngoc Thanh អនុប្រធាននាយកដ្ឋានគយខេត្ត Quang Tri បា​ន​អោយដឹងថា៖ ចាប់
ពីពេលដាក់អោយដំណើការ បរិមាណទំនិញឆ្លងកាត់EWEC បានកើនឡើងជាច្រើន
​គិតជាមធ្យមពី១០ដល់៣០% ជាប្រចាំឆ្នាំ៖

          “ ដើមឆ្នាំ២០១៦ យើងខ្ញុំបានរួមសហការជាមួយផ្នែកគយនៅច្រកទ្វារព្រំ​ដែន
 Densavanh (ឡាវ) អនុវត្តជោគជ័យរូបសណ្ឋានត្រួតពិនិត្យ”ច្រកទ្វារតែមួយ-ឈប់តែ
មួយដង” នៅច្រកទ្វារព្រំដែនអន្តរជាតិ Lao Bao – Densavanh។ នេះជា​រូបសណ្ឋានគំ
រូអំពីកំណែទម្រង់បែបបទក្នុងរបៀងសេដ្ឋកិច្ច​កើត-លិច។”

          “ របៀងសេដ្ឋកិច្ចកើត-លិច (EWEC)”ជារបៀងមួយក្នុងចំណោមរបៀង​សេដ្ឋ
កិច្ចចំនួន៥ នៅអនុតំបន់ទន្លេមេគង្គបើកទូលាយ (GMS ដែលបានដាក់​អោយដំ
ណើការនាថ្ងៃទី២០ធ្នូឆ្នាំ២០០៦មក។ នេះជាគំរោងការណ៍ធំមួយ ឆ្លងកាត់ខេត្តចំនួន១៣ របស់វៀតណាម ឡាវ ថៃ មីយ៉ាន់ម៉ា ដោយមានប្រវែង ១៤៥០គីឡូម៉ែត្រ។

          ដោយមានចរិតលក្ខណះឆ្លងកាត់ប្រទេសជាច្រើន​ បានជា EWEC ​បាន​រួមចំ
ណែកជំរុញកិច្ចសហប្រតិបត្តិការសេដ្ឋកិច្ចរវាងបណ្ដាតំបន់តាមខ្សែផ្លូវនេះ កាត់បន្ថយ
ចំណាយដឹកជញ្ជូន ជួយឧបត្ថម្ភអោយការដឹកជញ្ជូនទំនិញនិង​អតិថិជនប្រកបដោយ
ប្រសិទ្ធភាពខ្ពស់ថែមទៀត។ ជាក់ស្ដែង វាបានតភ្ជាប់ជា​មួយខ្សែផ្លូវសំខាន់មួយចំនួន
 ដូចជា៖ Yangon – Dawei , Chiang Mai – Bangkok (ថៃ) ផ្លូវលេខ១៣ (ឡាវ) និងផ្លូវជាតិលេខ1A(វៀតណាម) ហេតុដូច្នេះ ខេត្ត Quang Tri ក៏ដូច​ជាខេត្តផ្សេងៗទៀត
តាមបណ្ដោយផ្លូវនេះ សុទ្ធតែ​ទទួលបានអត្ថប្រយោជន៍​ជា​ច្រើនដើម្បីអភិវឌ្ឍន៍ពា
ណិជ្ជកម្ម។ នាបច្ចុប្បន្ន ខេត្ត Quang Tri បានបង្កើត​មណ្ឌល​ឧស្សាហកម្មចំនួន១៥ 
ដើម្បីទាក់ទាញវិនិយោគិន។លោក Nguyen Van Binh នាយកមជ្ឈមណ្ឌលគ្រប់គ្រង
ការនាំចូលរបស់ខេត្ត Quang Tri បាន​វាយតំលៃថា៖

          “ នាបច្ចុប្បន្ន ខេត្ត Quang Tri កំពុងកសាងមណ្ឌលសេដ្ឋកិច្ច Dong Nam មាន
ចំងាយពីទីក្រុង Dong Ha គឺ៣៥គីឡូម៉ែត្រ ប៉ែកខាងត្បូង។ មណ្ឌល​សេដ្ឋកិច្ចនេះ​បាន
តភ្ជាប់ជាមួយកំពង់ផែ My Thuy ហើយរបៀងសេដ្ឋកិច្ចកើត-លិចនេះនឹងកាត់បន្ថយ
ប្រវែងចំងាយជាង១៥០គីឡូម៉ែត្រ។”

          ដោយមានការខំប្រឹងប្រែងយ៉ាងខ្លាំង ខេត្ត Quang Tri បានទាក់ទាញ​វិនិយោ​
គិន​ជាច្រើននៅក្នុងនិងក្រៅប្រទេស ដូចជា៖CAMEL , សមព័ន្ធក្រុមហ៊ុន CP របស់​
ថៃ និងបណ្ដាសម្ព័ន្ធក្រុមហ៊ុនរបស់សិង្ហបុរី។ លោក Nguyen Quoc Tuan អនុប្រធាន
មន្ទីរផែនការនិងវិនិយោគ ខេត្ត Quang Tri បានអោយដឹងថា៖

          “ នាពេលថ្មីៗនេះ ខេត្ត Quang Tri ទទួលបានការយកចិត្តទុកដាក់ជាច្រើនពី​
សម្ព័ន្ធក្រុមហ៊ុនធំៗ ដូចជា៖ សម្ព័ន្ធក្រុមហ៊ុនអគ្គីសនីជាតិថៃ EGAT បានបង្កើត​ក្រុម
ហ៊ុន​កូននៅវៀតណាម គឺ EGATi ដោយមានទុនវិនិយោគចំនួន២ពាន់​លានដុល្លារ
អាមេរិក។ នាពេលថ្មីៗនេះ សម្ព័ន្ធក្រុមហ៊ុន Kinder World របស់សិង្ហ​បុរីក៏បានស្រាវ
ជ្រាវនៅមណ្ឌលទេសចរណ៍ Cua Tung, Cua Viet កោះ Con Co ដើម្បីអនុវត្តគំរោង
ការណ៍កសាងមណ្ឌលទេសចរណ៍អប់រំ បណ្ដុះបណ្ដាលនៅខេត្ត Quang Tri។ទន្ទឹមនឹង
នោះ សម្ព័ន្ធក្រុមហ៊ុន AMATA របស់ថៃ និង VSIP របស់សិង្ហបុរីក៏កំពុងស្រាវជ្រាវ
ដើម្បីវិនិយោគក្នុងតំបន់នេះផងដែរ។”

          ក្រៅពីនោះ នៅខេត្ត Quang Tri រដ្ឋាភិបាលវៀតណាមក៏បានកំពុងជំរុញ​ការ​កសាង​មណ្ឌលសេដ្ឋកិច្ច Lalay ដោយតភ្ជាប់ខេត្ត Quang Tri ជាមួយខេត្ត​ Salavan របស់ឡាវ និងខេត្ត Salavan របស់ឡាវ តភ្ជាប់ជាមួយខេត្តUdonthani របស់ថៃ។​នេះ​ជារបៀងឧបត្ថម្ភបន្ថែម សំរាប់ EWEC។​ដូច្នេះ នាពេលខាងមុខ​ លទ្ធផលតភ្ជាប់​រវាង​បណ្ដាតំបន់ ពីខាងកើតទៅខាងលិច និងផ្ទុយទៅវិញ គឺពហុបែបនិងងាយស្រួលជាង៕