មិត្ត សុខ សំណាង និងមិត្តអ្នកស្ដាប់ជាទីមេត្រី!

នៅទីក្រុងហូជីមិញ នាដើមឆ្នាំ ២០១៨ ប្រជាជន និងភ្ញៀវទេសចរបានតែងតែនាំគ្នាជើលរើសសកម្មភាពលែងកំសាន្តជាច្រើន ក្នុងបំណងសម្រាកលំហែកាយផង និងបង្ហាញនូវបំណងប្រាថ្នាសម្រាប់ឆ្នាំថ្មីពោរពេញទៅដោយភាពសុខសាន្តត្រាណផង។

ទីមកដល់ថ្មីមួយ នៅទីក្រុងហូជីមិញ ដែលទទួលបានការជ្រើសរើសរបស់ប្រជាជន និងភ្ញៀវទេសចរគឺកំពង់ផែ Bach Dang ។ កំពង់ផែ Bach Dang មានទីតាំងស្ថិតនៅខ័ណ្ឌ ទី ១ នៃមជ្ឈមណ្ឌលទីក្រុងហូជីមិញ។ នៅក្បែរនេះ មានវិមានស្ដេច Tran Hung Dao ដ៏ក្លាហានអង់អាច ដែលចង្អុលដៃទៅទិសកំពង់ផែ Bach Dang បង្កើតឡើងផ្ទាំងទស្សនីយភាពគួរឲ្យទាក់ទាញ។ ប្រជាជនទីក្រុងបានបណ្ដាក់ទុនកសាងរមណីដ្ឋាននេះ ដើម្បីរំលឹកដល់ជ័យជំនេះដ៏ត្រចះត្រចង់របស់កងទ័ព និងប្រជាជនវៀតណាម ក្នុងការប្រយុទ្ធនៅ Bach Dang ដោយបានវាយបរាជ័យកងទ័ព Nguyen – Mong កាលពីឆ្នាំ ១២៨៨។ នាបច្ចុប្បន្ន កំពង់ផែ Bach Dang គឺជារមណីដ្ឋានមួយនៅទីក្រុងហូជីមិញ ដោយទាក់ទាញភ្ញៀវទេសចរណ៍ជាច្រើនកុះករមកទស្សនា។ តាំងពីព្រឹកព្រលឹមរមណីដ្ឋាននេះ បានទទួលភ្ញៀវទេសចរជាច្រើនអនេកមកទស្សនា និងបួងសួងសុំឲ្យឆ្នាំថ្មីពោរពេញទៅដោយលាភសំណាង។ លោកស្រី  Nguyen Khanh Linh ភ្ញៀវទេសរមួយអ្នកមកពីខេត្ត Hoa Binh បានចែករំលែកថា៖

"នាដើមនិទាឃរដូវ ទៅទស្សនានៅរមណីដ្ឋានដែលសម្បូរទឹកដូច្នេះ នឹងនាំមកនូវសំណាងល្អនៅពេញមួយឆ្នាំ។ ពិតណាស់ថា កំពង់ផែ Bach Dang មានសោភណភាពស្រស់បំព្រង និងរ៉ូម៉េនទិកបំផុតនាពេលរាត្រី"

មណ្ឌលទេសចរណ៍វប្បធម៌ Suoi Tien (ទឹកជ្រោះទេពធិតា) (Internet)

មណ្ឌលទេសចរណ៍វប្បធម៌ Suoi Tien (ទឹកជ្រោះទេពធិតា) មានទីតាំងស្ថិតនៅក្នុងតំបន់ដីទួលមានរូបរាង្គជាអក្សរ  “S” ដោយមានផ្ទៃដី ២ ហ្មឺនម៉ែត្រការ៉េ ។បណ្ឌលទេសចរណ៍នេះត្រូវបានសាងសង់ និងជួសជុលឡើង វិញក្នុងគោលបំណងតភ្ជាប់វិស័យទេសចរណ៍ជាមួយវិស័យវប្បធម៌ប្រវត្តិសាស្ត្រ។ នៅទីនេះ មានល្បែងកំសាន្តដ៏ថ្មីថ្មោង និងចំឡែកជាច្រើន ដោយទាក់ទាញ ភ្ញៀវទេសចរឆ្លងកាត់ពិសោធន៍ជាច្រើនដូចជា៖ ការស្ទួចក្រពើ និងធ្វើដំណើរតាមរថភ្លើងបែបអឺរ៉ុបជាដើម។ ល្បែងកំសាន្តទាំងនេះ បានជួយឲ្យអ្នកចូលរួមលំហាត់ជំនាញរបស់ខ្លួនឲ្យបានប៉ិនប្រសប់ ហើយលើកកម្ពស់សុខភាព ក៏ដូចជាតភ្ជាប់ទំនាក់ទំនងជាមួយក្រុមគ្រួសារ និងមិត្តភក្តិ។ លោក Duc Trung ភ្ញៀវទេសចរមួយរូបមកពីក្រុងហាណូយបានចែករំលែកថា៖

"នាដើមឆ្នាំថ្មី គឺជាឱកាស សម្រាប់ក្រុមគ្រួសារខ្ញុំទៅដើរលេងយ៉ាងសប្បាយរីករាយជាមួយគ្នា ដើម្បីបំបាត់ភាពតានតឹងពីការងារ។ នេះក៏ជាឱកាស សម្រាប់កូនៗខ្ញុំ ស្វែងយល់អំពីប្រភពដើម តាមរយៈរូបភាព ស្ថាបត្យកម្ម និងល្បែងកំសាន្តផ្សេងៗទៀតដែលពោរពេញទៅដោយភាពវិសេសវិលាលផងដែរ" ។

លោកអ្នកនាងជាទីមេត្រី! សង្ឃឹមថាលោកអ្នកនាងនឹងពេញចិត្តនូវព័តមានដែលយើងខ្ញុំទើបផ្តល់ជូន។ សូមអស់លោកអ្នកនាងផ្ញើសំបុត្រមកយើងខ្ញុំតាមអាស័យដ្ឋាន៖ កម្មវិធីផ្សាយជាភាសាខ្មែរ គណកម្មការកិច្ចការបរទេស វិទ្យុសម្លេងវៀតណាមលេខ ៤៥ វិថី Ba Trieu ទីក្រុងហាណូយ ឬ email: vov5khmer@gmail.com។ លោកអ្នកនាងអាចស្តាប់និងអានឡើងវិញរាល់ខ្លឹមសាររបស់កម្មវិធីផ្សាយជាភាសាខ្មែរលើគេហទំព័រ www.vovworld.vn.។កម្មវិធីប្រអប់សំបុត្រយើងខ្ញុំសូមបញ្ចប់នៅត្រឹមនេះ។សូមជួបអស់លោកអ្នកនាងនាសប្តាហ៍ខាងមុខ៕