(VOV)_ហ្វេស្ថិតនៅភាគកណ្ដាលវៀតណាមជាអតីតបរមរាជវាំងក្នុងរជ្ជកាលស្ដេច
ង្វៀន ចាប់ពីឆ្នាំ ១៨០២ ដល់ឆ្នាំ ១៩៤៥។ បណ្តាតំលៃបេតិកភ័ណ្ឌវប្បធម៌នៅទីនេះ បាន
ប្រមូលផ្តុំរាល់អត្តសញ្ញាណវប្បធម៌ជាតិផង និងបង្ហាញចំណុចដ៏វិសេសវិសាល គួរអោយ
ទាក់ទាញរបស់តំបន់វប្បធម៌នេះទៀតផង។ ហ្វេជាតំបន់តែមួយគត់នៅវៀតណាមដែល
នៅរក្សាបាននូវប្រភេទតូរ្យតន្ត្រីព្រះរាជទ្រព្យ។ នេះជាបេតិកភ័ណ្ឌវប្បធម៌អរូបីដែល
ទើបនឹងបាន UNESCO ទទួលស្គាល់។
 |
| អតីតរាជវាំងហ្វេ |
និយាយរួម បណ្ដាសំណង់ស្ថាប័ត្យកម្មអតីតបរមរាជវាំងហ្វេសុទ្ធតែស្ថិតនៅត្រើយ
ខាងជើង ទន្លេ Huong ។ នោះគឺជាបណ្ដាកំពែង វិមាន ជាទីកន្លែងធ្វើការ និងរស់នៅ
របស់ព្រះមហាក្សត្រ និងរាជវង្សានុវង្ស។ នៅត្រើយភាគខាងត្បូងទន្លេ Huong ជាតំបន់
ព្រៃភ្នំ ដោយមានផ្ទៃដីជាង២០ ០០០ហិកតា ដែលបានកសាងវិមាន វត្ត វិហារ និងទីធ្វើ
សក្ការះបូជា។ ក្នុងនោះ មានប្រាសាទចំនួន៤ដ៏ល្បីឈ្មោះ មានចរិតលក្ខណះខុសគ្នា ៖
ប្រាសាទ Gia Long ប្រាសាទ Minh Mang ប្រាសាទ Tu Duc ប្រាសាទ Khai Dinh ។
 |
| អតីតរាជវាំងហ្វេ |
គ្រប់សំណង់ស្ថាបត្យកម្មនៅហ្វេ ពី៖ប្រាសាទ វិមាន វត្តអារាម ដល់ផ្ទះចំការជាដើម
សុទ្ធតែមានទិដ្ឋភាពធម្មជាតិ ឬសិប្បនិម្មិត ដូចជា៖ ទន្លេ ភ្នំ បឹងបួរ ដើមឈើ។ ទន្ទឹម
នឹងនោះ ហ្វេនៅជាមជ្ឈមណ្ឌលពុទ្ធសាសនាទៀតផង។ ហ្វេនិងតំបន់ជំវិញនានា មាន
វត្តចំនួនជាងមួយពាន់ ដោយមានតំលៃខាងស្ថាប័ត្យកម្ម និងសិល្បះខ្ពស់ ដូចជា៖ វត្ត
Thien Mu , វត្ត Tu Dam វត្ត Dieu De។
ចំណុចពិសេសនៃវប្បធម៌នៅទីនេះ សុទ្ធតែមានការរួមផ្សុំរវាងវប្បធម៌ប្រជាប្រិយ និង
វប្បធម៌រាជវាំង។ បណ្ដាចង្វាក់ចម្រៀង Ho និងរបាំរាជវាំង មានតំលៃសិល្បះខ្ពស់។ មក
ដល់ហ្វេ មិត្តអាចជិះទូក ស្ដាប់កំសាន្តបទចម្រៀងប្រជាប្រិយ របស់នារីហ្វេដ៏ស្រស់ស្អាត
អាវផាយពណ៌ស្វាយ និងដួនស។ រួមជាមួយនោះ តំបន់ដីនេះក៏ល្បីឈ្មោះ ដោយមានមុខ
ម្ហូបអាហារនិងផលិតផលពីភូមិរបរនានា និងពិធីបុណ្យប្រជាប្រិយ ពោពេញទៅដោយ
អត្តសញ្ញាណជាតិផងដែរ។
 |
| អតីតរាជវាំងហ្វេ |
លោកអ្នកនាងជាទីមេត្រី!
សង្ឃឹមថាអស់លោកអ្នកនាងនិងប្រិយមិត្តពេញចិត្តជាមួយព័ត៌មានពោលខាង
លើ។រាល់សំណួររបស់ប្រិយមិត្តសូមផ្ញើរមកអាស័យដ្ឋាន៖កម្មវិធីផ្សាយជាភាសាខ្មែរកា
ណាល់ផ្សាយជាភាសាបរទេស វិទ្យុសម្លេងវៀតណាម លេខ៤៥វិថីBa Trieu ខ័ណ្ឌHoan
Kiemរដ្ឋធានីហាណូយឬ email៖vov5khmer@yahoo.អំបុក.vn។នាទីប្រអប់មិត្តអ្នក
ស្ដាប់របស់យើងខ្ញុំសូម បញ្ចប់នៅត្រឹមនេះ។សូមជួបអស់ប្រិយមិត្តនាសប្ដាហ៍ខាងមុខ៕