ប្រធានាធិបតីអាមេរិកមានសុទិដ្ឋិនិយមអំពីការដោះស្រាយជំលោះពាណិជ្ជកម្មជាមួយប្រទេសចិន
(VOVWORLD) - នាថ្ងៃទី ១៣ ខែឧសភា ប្រធានាធិបតីអាមេរិក លោក Donald Trump បានសម្តែងនូវសុទិដ្ឋិនិយមអំពីការដោះស្រាយជំលោះពាណិជ្ជកម្មរវាងប្រទេសអាមេ រិកនិងចិន។
សង្គ្រាមពាណិជ្ជកម្មរវាងអាមេរិកនិងចិន (រូបថតឧទាហរណ៍) |
ថ្លែងនៅសេតវិមានលោក Trump បានមានប្រសាសន៍ថារដ្ឋមន្ត្រីក្រសួងហិរញ្ញវត្ថុអាមេរិក លោក Steven Mnuchin បានវិលត្រលប់មកប្រទេសអាមេរិកវិញបន្ទាប់ពីចូលរួមក្នុងកិច្ចចរចាពាណិជ្ជកម្មនៅប្រទេសចិនកាលពី ២ សប្តាហ៍មុន។ ម្ចាស់ផ្ទះសេតវិមាន លោក Trump បានលើកច្បាស់ថាក្នុងរយៈពេល ៣ ដល់ ៤សប្តាហ៍ខាងមុខនោះ ទីក្រុងវ៉ាស៊ីនតោននឹងប្រកាសថាតើការចរចានឹងទទួលបានជោគជ័យដែរឬទេ ហើយលោកក៏អះអាងថា«លោកមានអារម្មណ៍ថាកិច្ចចរចារនឹងទទួលបានជោគជ័យយ៉ាងខ្លាំងណាស់» ផងដែរ។
នាថ្ងៃដដែលនោះដែរ លោក Trump បានប្រកាសថាលោកគ្រោងនឹងជួបជាមួយប្រធានរដ្ឋចិន លោក ស៊ីជីនភីង នៅខែក្រោយ ខណៈដែលបណ្តាថ្នាក់ដឹកនាំពិភពលោក នឹងចូលរួមកិច្ចប្រជុំកំពូលនៃក្រុមខឿនសេដ្ឋកិច្ចអភិវឌ្ឍន៍និងទើបលេចចេញជួរមុខលើពិភពលោក (G20) នៅជប៉ុនផងដែរ៕