លោក Do Thang Hai អនុរដ្ឋមន្រ្តីក្រសួងឧស្សាហកម្មនិងពាណិជ្ជកម្មវៀតណាម បានចាត់ទុកថា អាមេរិកឡាទីនជាតំបន់ដែលមានខឿនសេដ្ឋកិច្ចអភិវឌ្ឍន៍យ៉ាង ស្វាហាប់និងប្រកបដោយស្ថិរភាព រួមជាមួយប្រភពធនធានធម្មជាតិដ៏សម្បូរ បែប។ ដោយហេតុនេះ តំបន់នេះជាទីផ្សារគួរអោយទាក់ទាញចំពោះពិភពលោក ទាំងមូល ក្នុងនោះរួមមានវៀតណាម ផងដែរ។ ក្នុងរយៈពេលប៉ុន្មានឆ្នាំថ្មីៗនេះ ទីផ្សារអាមេរិក ឡាទីនកំពុងក្លាយទៅជាដៃគូពាណិជ្ជកម្មដ៏សំខាន់របស់វៀតណាម ដោយមាន កំណើនប្រមាណ២០%ក្នុងមួយឆ្នាំ។

        បណ្ដាអ្នកជំនាញចាត់ទុកថា ការបើកពង្រីកទីផ្សារនាំចេញរបស់វៀតណាម ទៅកាន់តំបន់អាមេរិកឡាទីននោះ គឺជាឱកាសសម្រាប់សហគ្រាសវៀតណាម ដើម្បីធ្វើពិពិធកម្មទីផ្សារ ក៏ដូចជាកាត់បន្ថយការពឹងផ្អែកទៅលើទីផ្សារប្រពៃណី ផងដែរ។ គោលដៅរបស់វៀតណាមនោះគឺបង្កើនទំហំពាណិជ្ជ កម្មទ្វេភាគី ជាមួយទីផ្សារអាមេរិកឡាទីនឡើងទៅពី១៥ដល់១៨ពាន់លានដុល្លាអាមេរិក និងទាក់ទាញដើមទុនប្រមាណ៣ពាន់លានដុល្លាអាមេរិកពីតំបន់អាមេរិកឡាទីននាឆ្នាំ២០២១៕