ការសម្តែងសិល្បៈក្នុងពិធី (VOV)

អញ្ជើញថ្លែងមតិនៅវេទិកានេះ ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh បានសង្កត់ធ្ងន់ថា៖ ទំនាក់ទំនង កិច្ចសហប្រតិបត្តិការអ្នកជិតខាងល្អប្រសើរ និងមិត្តភាពជាប្រពៃណីរវាងវៀតណាមនិងកម្ពុជាកំពុងរីកចម្រើនយ៉ាងខ្លាំង។ ពោលគឺ នាពេលបច្ចុប្បន្ននេះ វៀតណាមជាដៃគូសេដ្ឋកិច្ចឈានមុខរបស់កម្ពុជា ដោយទំហំពាណិជ្ជកម្មទ្វេភាគីក្នុងឆ្នាំ ២០១៨ សម្រេចបានចំនួន ៤,៧ ពាន់លានដុល្លារអាមេរិក។ មិនត្រឹមតែប៉ុណ្ណោះ វៀតណាមនៅមានគម្រោងវិនិយោគនៅកម្ពុជាចំនួន ២១៤ ដែលមានដើមទុនចុះបញ្ជីសរុបជាង ៣ ពាន់លានដុល្លារអាមេរិកទៀតផង។

ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh អញ្ជើញថ្លែងក្នុងពិធី

ឯកអគ្គរដ្ឋទូត លោក Vu Quang Minh បានគូសបញ្ជាក់ថា៖ វេទិកាស្តីពីការជំរុញពាណិជ្ជកម្មនិងវិនិយោគវៀតណាមនិងកម្ពុជាលើកនេះ នឹងជួយឱ្យអាជីវកម្មចាប់ យកសក្តានុពលនិងកាលានុវត្តន៍ភាពថ្មីៗ។ ម្យ៉ាងវិញទៀត នេះក៏ជាឱកាសសម្រាប់អាជីវកម្មនៃប្រទេសទាំងពីរ ដើម្បីជួបប្រាស្រ័យនិងចែករំលែកនូវបទពិសោធន៍រួមទាំងដាក់ចេញនូវអនុសាសន៍ដល់អាជ្ញាធរនៃប្រទេសទាំងពីរ ដើម្បីដោះស្រាយបន្ទាន់រាល់ឧបសគ្គ រួមទាំងបង្កលក្ខណៈងាយស្រួលបន្ថែមទៀតសម្រាប់កិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងប្រទេសទាំងពីរឲ្យបានអភិវឌ្ឍយ៉ាងខ្លាំងក្លា ដើម្បីផលប្រយោជន៍នៃភាគីទាំងពីរផងដែរ”។

ទិដ្ឋភាពនៃពិធី

នៅឯវេទិកានេះ វាគ្មិននិងតំណាងស្ថានទូតវៀតណាមបានឆ្លើយសំណួរជាច្រើនរបស់ សហគ្រាសវៀតណាម ដោយផ្តោតលើការចេញទិដ្ឋាការ បែបបទវិនិយោគ គោលនយោបាយអនុគ្រោះ ការកំណត់ពន្ធក្នុងចំណោមវិស័យជាក់លាក់ ដើម្បីសហគ្រាសទាំងអស់នេះដែលមានគម្រោងវិនិយោគនៅកម្ពុជាបានជ្រាបផងដែរ៕