នៅក្នុងសេចក្តីថ្លែងការណ៍រួម ដែលត្រូវបាននាំចេញបន្ទាប់ពីកិច្ចប្រជុំពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាននិងរដ្ឋមន្រ្តីឧស្សាហកម្មនិងពាណិជ្ជកម្មឥណ្ឌា លោក Piyush Goyal នៅទីក្រុងបាងកក (ប្រទេសថៃ) ភាគីទាំងពីរក៏បានឲ្យដឹងទៀតថានឹងបង្កើតគណៈកម្មាធិការចម្រុះមួយដើម្បីអនុវត្តការពិនិត្យឡើងវិញនេះ។ សេចក្តីថ្លែងការណ៍នោះមានសំណេរមួយដែលសរសេរថា "រដ្ឋមន្រ្តីទាំងឡាយបានឯកភាពគ្នាចាប់ផ្តើមអនុវត្តដំណើរការពិនិត្យឡើងវិញនូវកិច្ចព្រមព្រៀងពាណិជ្ជកម្មអាស៊ាន - ឥណ្ឌា ដើម្បីធ្វើឱ្យឯកសារនេះកាន់តែមានភាពជិតស្និទសម្រាប់អ្នកប្រើប្រាស់ ព្រមទាំងធ្វើឲ្យសមាញ្ញនិងងាយស្រួលសម្រាប់សហគ្រាសផងដែរ"៕