ឥណ្ឌូនេស៊ី៖ កើតឡើងការបំផ្ទុះគ្រាប់បែកនៅ Java ប៉ែកខាងកើត

អ្នកនាំពាក្យប៉ូលីសនៅខេត្ត Java ប៉ែកខាងកើត លោក  Frans Barung Mangera បានឲ្យដឹងថា៖ ករណីបំផ្ទុះគ្រាប់បែកចំនួន ១ ត្រូវបានកើតមានឡើង ដោយបណ្ដាលឲ្យបុគ្គលិកប៉ូលីសមួយនាក់នៅមូលដ្ឋានត្រូវរងរបួស។

នាថ្ងៃទី ១៣ ឧសភា នៅ Surabaya ដែលជាទីក្រុងធំលំដាប់ទី ២ នៅឥណ្ឌូនេស៊ី បានកើតឡើងករណីបំផ្ទុះគ្រាប់បែកចំនួនបីលើកតម្រង់ទៅលើវិហារកាតូលិកចំនួន ៣ បណ្ដាលឲ្យមនុស្សចមនួន ១៣ នាក់ស្លាប់ និង មនុស្សរាប់សិបនាក់ទៀតរងរបួស។

បន្ទាប់ពីករណីបំផ្ទុះគ្រាប់បែកជាបន្តបន្ទាប់តម្រង់ទៅលើវិហាកាតូលិកចំនួន ៣ នៅ Surabaya នោះ ទីក្រុងទេសចរណ៍ និងតំបន់ធំៗជាច្រើននៅឥណ្ឌូនេស៊ី ត្រូវបានដាក់ក្នុងស្ថានភាពប្រកាសអាសន្នខាងសន្តិសុខនៅកម្រិតខ្ពស់បំផុត។

ស្ដីពីស្ថានភាពទាំងនេះ ប្រធានាធិបតីឥណ្ឌូនេស៊ីលោក Joko Widodo នាថ្ងៃទី ១៤ ឧសភាបានប្រកាសថា៖ រាល់ករណីវាយប្រហារអត្ថឃាតពោលខាងលើ តម្រង់លើទីក្រុង Surabaya ចំណុះខេត្ត Java ប៉ែកខាងកើត គឺជាកាយវិការគួរឲ្យស្អប់ខ្ពើម៕