សន្និសីទរដ្ឋមន្ត្រីហិរញ្ញវត្ថុ APEC ឆ្ពោះទៅគោលដៅកំណើននិងអភិវឌ្ឍន៍និរន្តរភាពបណ្ដាខឿនសេដ្ឋកិច្ច

(VOVworld) – ចូលរួមសន្និសីទរដ្ឋមន្ត្រីហិរញ្ញវត្ថុ APEC និងបណ្ដាសន្និសីទទាក់ទិននឹងមាន តំណាងជាតិនិងអន្តរជាតិចំនួន ៥០០ នាក់ រួមមានបណ្ដារដ្ឋមន្ត្រីហិរញ្ញវត្ថុ ថ្នាក់ដឹកនាំ ស្ថាប័នហិរញ្ញវត្ថុនិងថ្នាក់ដឹកនាំធនាគារមជ្ឈឹមនៃខឿនសេដ្ឋកិច្ចជាសមាជិកចំនួន ២១ ក្នុងតំបន់ ថ្នាក់ដឹកនាំជាន់ខ្ពស់នៃអង្គការហិរញ្ញវត្ថុអន្តរជាតិនានាដូចជា៖ មូលនិធិរូបីយ វត្ថុ (IMF) ធនាគារពិភពលោក (WBG) ធនាគារអភិវឌ្ឍន៍ទ្វីបអាស៊ី (ADB) និងអង្គការ សហប្រតិបត្តិការនិងអភិវឌ្ឍន៍សេដ្ឋកិច្ច (OECD)។

        ប្រធានបទអទិភាពសហប្រតិបត្តិការចំនួន ៤

       ដោយឈរលើមូលដ្ឋានប្រធានបទនៃឆ្នាំ APEC ២០១៧ «បង្កើតកំលាំងចលករ ថ្មី រួមជាមួយគ្នាពូនជ្រុំអនាគត» បណ្ដារដ្ឋមន្រ្តីហិរញ្ញវត្ថុប្រមូលផ្តុំពិភាក្សាអំពីស្ថានភាព សេដ្ឋកិច្ចនិងម៉ាក្រូហិរញ្ញវត្ថុពិភពលោកទាំងមូលនិងក្នុងតំបន់នៅសន្និសីទលើកនេះ។តាមនោះ ប្រធានបទអាទិភាពចំនួន ៤ រួមមាន ៖ ការវិនិយោគក្នុយរយៈពេលយូរអង្វែង សំរាប់ហេដ្ឋារចនាសម្ព័ន្ធ សំណឹកមូលដ្ឋានពន្ធនិងការផ្លាស់ប្តូរប្រាក់ចំណេញ ហរិញ្ញវត្ថុ និងការធានារ៉ាប់រងហានិភ័យដោយគ្រោះធម្មជាតិនិងហិរញ្ញវត្ថុទូទៅ។ ប្រធាន នាយកដ្ឋានសហប្រតិបត្តិការអន្តរជាតិចំណុះក្រសួងហិរញ្ញវត្ថុវៀតណាម លោក Vu Nhu Thang បានឲ្យដឹងថា៖

«វៀតណាមបានផ្តើមឡើងប្រធានបទអទិភាពទាំង ៤ នាចុងឆ្នាំ ២០១៦ បន្ទាប់ ពីការពិគ្រោះយោបល់ជាមួយបណ្ដាប្រទេសជាសមាជិក APEC។ បញ្ហាទាំង ៤ ពោល ខាងលើត្រូវបានពិភាក្សានៅបណ្ដាសន្និសីទ APEC ឆ្នាំ ២០១៧។ ក្រៅពីនោះ រដ្ឋមន្ត្រី ទាំងឡាយនឹងមានសម័យសន្ទនា «បង្កើនតភ្ជាប់បណ្ដាអ្នកកំណត់គោលនយោបាយជា មួយខឿនសេដ្ឋកិច្ចឯកជន ការសន្ទនារវាងបណ្ដារដ្ឋមន្ត្រីសេដ្ឋកិច្ច  APEC ជាមួយក្រុម ប្រឹក្សាពិគ្រោះយោបល់សហគ្រាស APEC»។ នេះគឺជាយន្តការដើម្បីផ្លាស់ប្តូរព័ត៌មាន និងផ្ទៀងស្តាប់មតិរបស់សហគ្រិននិងសម្ព័ន្ធក្រុមហ៊ុនធំៗក្នុងតំបន់។»

        លទ្ធផលនៃកិច្ចសហប្រតិបត្តិការលើវិស័យអាទិភាពទាំង ៤ ពោលខាងលើនឹង ត្រូវបានរាយការណ៍ដល់បណ្ដារដ្ឋមន្ត្រីនាថ្ងៃទី ២១ តុលា ឆ្នាំ ២០១៧ ដោយឈរលើ មូលដ្ឋាននោះ បណ្ដារដ្ឋមន្ត្រីនឹងចេញផ្សាយសេចក្តីថ្លែងការណ៍រួមដើម្បីបង្ហាញ ទស្សនៈអំពីបញ្ហាទាក់ទិនដល់កិច្ចសហប្រតិបត្តិការហិរញ្ញវត្ថុក្នុងតំបន់ បណ្ដាប្រធាន បទសហប្រតិបត្តិការអាទិភាពក្នុងឆ្នាំនិងការកំណត់ទិសដៅនៃដំណើររដ្ឋមន្ត្រីហិរញ្ញវត្ថុ APEC នាពេលខាងមុខ។

        វៀតណាមម្ចាស់ការផ្តើមឡើងការផ្តើមគំនិតយ៉ាងសកម្ម

        គិតតាំងពីទទួលរៀបចំសន្និសីទ វៀតណាមរួមជាមួយបណ្ដាខឿនសេដ្ឋកិច្ចជា សមាជិកកសាងរបៀបវារៈយ៉ាងសកម្មក៏ដូចជាខ្លឹមសារអាទិភាពនៃឆ្នាំ  APEC ២០១៧ ក្នុងនោះមានខ្លឹមសារនៃសន្និសីទរដ្ឋមន្ត្រីហិរញ្ញវត្ថុ។ ការផ្តើមគំនិតរបស់វៀតណាម ទទួលបានការយកចិត្តទុកដាក់ពិសេសរបស់អង្គសន្និសីទហិរញ្ញវត្ថុ APEC ក្នុងពេល ដែលចូលរួមសន្និសីទនានាគិតតាំងពីដើមឆ្នាំរហូតមកដល់ពេលនេះ។ ជាប្រទេសម្ចាស់ ផ្ទះឆ្នាំ APEC ២០១៧ វៀតណាមក៏រួមវិភាគទានយ៉ាងសកម្មដើម្បីនាំការផ្តើមគំនិតទាំង នេះដាក់សកម្មភាពជាក់ស្តែងក៏ដូចជាដំណើរសន្និសីទ APEC ឆ្នាំ ២០១៧ ផងដែរ។ លោក Vu Nhu Thang បានឲ្យដឹងថែមទៀតថា៖

        «ខណៈដែលរៀបចំវបៀបវារៈផ្លាស់ប្តូរកិច្ចសប្រតិបត្តិការ វៀតណាមបានចាត់ទុក ថា៖ បណ្ដាខ្លឹមសារនេះមានចរិតលក្ខណៈមរតមកពីការពិភាក្សាមុនៗនាឆ្នាំ ២០១៥ នៅហ្វីលីពីននិងនាឆ្នាំ ២០១៦ នៅប៉េរូ។ ប៉ុន្តែ ពេលនោះ យើងទើបនឹងបាន បង្កើតឡើងក្របខ័ណ្ឌនៃគោលនយោបាយតែប៉ុណ្ណោះ។ ចំពោះប្រទេសនិមួយៗនឹង មានបំរ៉ែបំរួលទៅតាមគោលនយោបាយនៃប្រទេសនោះឲ្យសមស្រប។  ដោយឈរលើការពិតជាក់ស្តែងនោះ វៀតណាមម្ចាស់ការបំពេញបន្ថែមការផ្តើមគំនិត។ នាឆ្នាំ ២០១៧ ក្នុងឋានៈជាប្រទេសម្ចាស់ផ្ទះនិងជាប្រទេសកំពុងអភិវឌ្ឍន៍ វៀតណាមយកចិត្ត ទុកដាក់ពិសេសដល់ខ្លឹមសារមួយចំនួនក្នុងការផ្តើមគំនិត ក្នុងនោះមានកញ្ចប់ធ្វើសកម្មភាពអប្បបរមាពាក់ព័ន្ធដល់ការផ្តើមគំនិតស្នូលដែលវៀតណាមចូលរួម។ ក្នុងបណ្ដាប្រទេសជាសមាជិក APEC មានប្រទេសកំពុងអភិវឌ្ឍន៍ដូចវៀតណាម ដោយហេតុនេះ គប្បីចែករំលែកការលំបាកសាកល្បងក្នុងការអនុវត្តការផ្តើមគំនិតអប្បបរមា។ តាមរយៈនោះ ប្រទេសនានានៅវេទិកាអាចចែករំលែកបទពិសោធន៍ជា មួយគ្នា ក៏ដូចជា បូកសារុបដំណើរអនុវត្តនៅប្រទេសខ្លួននិងរួមដៃអនុវត្តការផ្តើមគំនិត នេះផងដែរ។»

        ដំណើរបណ្ដារដ្ឋមន្ត្រីហិរញ្ញវត្ថុដើរតួនាទីសំខាន់និងចាំបាច់ចំពោះកិច្ចសហប្រតិ បត្តិការ APEC។ គោលដៅនៃផែនការធ្វើសកម្មភាព Cebu ដែលសន្និសីទជាន់ខ្ពស់ APEC ឆ្នាំ ២០១៥ បាននាំចេញអំពីគោលដៅកសាងសហគមន៍ APEC តម្លាភាព តភ្ជាប់ថែមទៀតខាងហិរញ្ញវត្ថុមានអត្ថន័យស្លាប់រស់ចំពោះការជំរុញគំណើនខ្លាំងក្លាសមភាពនិងនិរន្តរភាពលើគ្រប់ជ្រុងជ្រោយក្នុងតំបន់។ គិតតាំងពីដើមឆ្នាំរហូតមកដល់ពេលនេះ វៀតណាមនិយាយរួមនិងក្រសួងហិរញ្ញវត្ថុវៀតណាមនិយាយដោយឡែកសម្រេចបានភារកិច្ចសំខាន់ៗ។ ក្នុងនោះ ក្រសួងហិរញ្ញវត្ថុវៀតណាមបានធ្វើអធិបតីភាពប្រកបដោយជោគជ័យសន្និសីទថ្នាក់អនុវរដ្ឋមន្ត្រីហិរញ្ញវត្ថុនិងទេសាភិបាលរងធានាគារណ៍កណ្ដាល

នាខែកុម្ភានៅទីក្រុង Nha Trang សន្និសីទមន្ត្រីហិរញ្ញវត្ថុជាន់ខ្ពស់នា ខែឧសភានៅខេត្ត Ninh Binh សហការជាមួយដៃគូអន្តរជាតិដូចជាធានគារពិភពលោកធានាគារអភិវឌ្ឍន៍ទ្វីបអាស៊ីក្នុងការរៀបចំសសិក្ខាសាលាអន្តរជាតិស្តីពីប្រធានបទអាទិភាពដែលបណ្ដាដៃគូនិងប្រទេសជាមាជិក APEC វាយតំលៃខ្ពស់។

        APEC ឆ្នាំ ២០១៧ គឺជាឆ្នាំដំបូងនៃការអនុវត្តយុទ្ធសាស្ត្រផ្លាស់ប្តូរថ្មីដំណើរ រដ្ឋមន្ត្រីហិរញ្ញវត្ថុ APEC។ អនុវត្តយ៉ាងខ្លាំងការផ្តើមគំនិតសហប្រតិបត្តិការហិរញ្ញវត្ថុ APEC ក្នុងឆ្នាំ ២០១៧ វៀតណាមតភ្ជាប់អាទិភាពជាតិផងនឹងអនុវត្តយុទ្ធ សាស្ត្រផ្លាស់ប្តូរថ្មីដំណើររដ្ឋមន្ត្រីហិរញ្ញវត្ថុ APEC ជំរុញកិច្ចសហប្រតិបត្តិការនិងធ្វើស មាហរណកម្មសេដ្ឋកិច្ចក្នុងតំបន់អាស៊ី-ប៉ាស៊ីហ្វិក ឆ្ពោះទៅផលប្រយោជន៍ជាក់ស្តែងសំរាប់តំបន់ទាំងមូលទៀតផង៕