VOVWORLD_លោកស្រីLe Thi Thanh Thuy ជានាយិកាធនាគារPetrolimex
សាខាខេត្តBa Ria – Vung Tauភាគខាងត្បូងវៀតណាម។ដោយមានការយោគយល់
និងទឹកចិត្តសប្បុរសធម៌ក្នុងរយៈពេលប៉ុន្មានឆ្នាំកន្លងទៅនេះ លោកស្រីបានធ្វើ
សកម្មភាពជាច្រើនជួយឧបត្ថម្ភដល់ជនក្រីក្រ ពិសេសគឺក្រុមជនរងគ្រោះដោយ
ជាតិគីមីពុលពណ៌លឿងទុំនៅក្នុងទូទាំប្រទេស។
មុននេះគ្រួសាររបស់លោកស្រីLe Thi Thanh Thuyមានស្ថានភាពក្រីក្របាន
ជាលោកស្រីមានការយោគយល់យ៉ាងជ្រាលជ្រៅជាមួយអ្នកក្រីក្រ ពិសេសគឺជនរង
គ្រោះដោយជាតិគីមីពុលពណ៌លឿងទុំ។ដោយប្រើប្រាក់សំចៃរបស់ប្ដីប្រពន្ធខ្លួនរួម
ជាមួយការរួមវិភាគទានពីមិត្តភ័ក្ដិនិងសប្បុរសជនចាប់តាំងពីឆ្នាំ២០១០មក
លោកស្រីទទួលចិញ្ចឹមកុមារពិការចំនួន៦៨នាក់ដែលជាជនរងគ្រោះដោយជាតិ
គីមីពុលពណ៌លឿងទុំ។ក្នុងរយៈពេលដូចគ្នានេះ ជារៀងរាល់ខែលោកស្រីThuyធ្វើ
ការផ្ដល់អង្ករនិងមីកញ្ចប់ចំនួន៤០០គីឡូក្រាមជូន៤០គ្រួសារដែលមានសមាជិក
រងគ្រោះដោយជាតិគីមីពុលពណ៌លឿងទុំនៅស្រុកTan Thanh ខេត្តBa Ria – Vung
Tauទៀតផង។លោកស្រីបានថ្លែងថា
“ ក្រៅពីការជួយឧបត្ថម្ភខាងសំភារៈ ជនរងគ្រោះដោយជាតិគីមីពុលពណ៌
លឿងទុំក៏ត្រូវការការយោគយល់ លើកទឹកចិត្តពីសហគមន៍ដើម្បីជំនៈពុះពារលើ
ស្ថានភាពលំបាកផងដែរ។ប្រការដែលធ្វើឲ្យខ្ញុំសុភមង្គលនោះគឺបានថែទាំចិញ្ចឹម
បីបាចជនរងគ្រោះដោយជាតិគីមីពុលពណ៌លឿងទុំទាំង៦៨នាក់អស់មួយជីវិត
ដោយមានការចែករំលែកពីមនុស្សគ្រប់រូប។ខ្ញុំក៏កសាងផ្ទះកុសលទានសំរាប់ជន
រងគ្រោះដោយជាតិគីមីពុលពណ៌លឿងទុំផងដែរ។ចំពោះរូបខ្ញុំគេជាក្រុមមនុស្ស
ដែលគួរតែបានទទួលការចែករំលែកជាច្រើនបំផុត”។
លោកស្រីLe Thi Thanh Thuyជានិច្ចកាលឈានមុខគេក្នុងចលនារៃអង្គាស
ជួយគាំទ្រជនរងគ្រោះដោយជាតិគីមីពុលពណ៌លឿងទុំ។អាស្រ័យលើការរួមវិភាគ
ទានពីមិត្តភ័ក្ដិនិងក្រុមសប្បុរសជនលោកស្រីរៃអង្គាសបានប្រាក់ចំនួន២ពាន់
លានដុងសំរាប់ផ្ដល់ជូនសកម្មភាពមនុស្សធម៌នានា។ស្នាដៃរបស់លោកស្រីThuy
ត្រូវបានរដ្ឋអំណាចនិងអង្គការមហាជនក្នុងតំបន់កត់សំគាល់។តាមលោក
Nguyen Van Nhan ប្រធានសមាគមជនរងគ្រោះដោយជាតិគីមីពុលពណ៌លឿង
ទុំDioxin ខេត្តBa Ria – Vung Tauបានឲ្យដឹងថា
“ អស់រយៈពេល៤ឆ្នាំជាប់ៗគ្នាជារៀងរាល់ខែលោកស្រីThuyបានចលនា
មិត្តរួមអាជីព បុគ្គលិកនិងមិត្តភ័ក្ដិ រៃអង្គាសសំរាប់ជួយឧបត្ថម្ភដល់ជនរង
គ្រោះដោយជាតិគីមីពុលពណ៌លឿងទុំចំនួន៨០នាក់។ក្រៅពីនេះលោកស្រីក៏
ជួយដល់ប្រជាពលរដ្ឋដែលមានស្ថានភាពលំបាកដទៃទៀតផងដែរ។អាច
និយាយបានថាលោកស្រីជាបុគ្គលគំរូលើការងារមនុស្សធម៌សង្គម”។
 |
| លោកស្រីLe Thi Thanh Thuyជានិច្ចកាលឈានមុខគេក្នុងចលនារៃអង្គាសជួយគាំទ្រជនរងគ្រោះដោយជាតិគីមីពុលពណ៌លឿងទុំ |
មានម្ដងតាមរយៈការអានកាសែតលោកស្រីLe Thi Thanh Thuyដឹងថាគ្រួសារ
លោក Nguyen Thai Ha នៅស្រុកNghia Dan ខេត្តNghe Anភាគកណ្ដាលវៀតណាម
មានជីវភាពរស់នៅលំបាកតោកយ៉ាកដោយសារមានសមាជិក៣នាក់រងឥទ្ធិពល
ជាតិគីមីពុលពណ៌លឿងទុំ។បន្ទាប់មកលោកស្រីបានទាក់ទងភ្លាមៗជាមួយលោក
Ha ដើម្បីជួយឧបត្ថម្ភ។ស្ដីពីរឿងនេះលោក Nguyen Thai Haបានរៀបរាប់ដោយការ
រំជួលចិត្តថា
“ ជារៀងរាល់ខែលោកស្រី Thuy ផ្ទេរប្រាក់ចំនួន៥០ហ្មឺនដុងជូនខ្ញុំសំរាប់ទិញ
អង្ករហើយគាត់ក៏តែងតែទូរស័ព្ទមកសាកសួរសុខទុក្ខម្ដាយនិងបងប្អូនខ្ញុំដែរ។
ប្រាក់ទាំងនេះជួយគ្រួសារខ្ញុំបន្ធូរបន្ថយនូវការលំបាកជាពិតប្រាកដ។គាត់ជា
មនុស្សល្អណាស់”។
ដោយមានស្នាដៃល្អប្រសើរក្នុងការងារមនុស្សធម៌សង្គមលោកស្រីLe Thi
Thanh Thuyត្រូវបានលើកសរសើជាច្រើនលើកព្រមទាំងជាដំណាងខេត្តBa Ria –
Vung Tauដែលត្រូវបានលើកតំកើងនៅមហាសន្និបាតប្រលងប្រណាំងរបស់
សមាគមជនរងគ្រោះដោយជាតិគីមីពុលពណ៌លឿងទុំDioxinទូទាំងប្រទេស
ទៀតផង៕