សិល្បការិនីប្រជាជន Chu Thuy Quynh និងស្នាដៃលើវេទិការបាំ
Ngoc Nga - Ngoc Anh -
(VOVWORLD) /
VOVWORLD_អស់រយៈពេល៦០ឆ្នាំប្រកបរបររបាំ ទោះបីជាមានអាយុ
៧៦ឆ្នាំក្ដីតែសិល្បការិនី Chu Thuy Quynh នៅតែជក់ចិត្តនឹងការសិក្សាស្រាវ
ជ្រាវព្រមទាំងផ្ដល់អារម្មណ៍ជូនជំនាន់វ័យក្មេងនូវការស្រលាញ់សិល្បះ។ ដោយ
សារស្នាដៃរបស់ខ្លួនសិល្បការិនីប្រជាជន Chu Thuy Quynh ទើបនឹងបានរដ្ឋ
វៀតណាមប្រគល់ជូនរង្វាន់ហូជីមិញលើវិស័យអក្សរសាស្រ្តសិល្ប។
សិល្បការិនីប្រជាជន Chu Thuy Quynh ជាអ្នកហាណូយ។ពេលមានអាយុ
១៤ឆ្នាំ លោកស្រីត្រូវបានជ្រើសចូលធ្វើការនៅក្រុមចំរៀងរបាំប្រជាជនមជ្ឈឹម។
ក្នុងអំឡុងទសវត្សទី៦០និង៧០នៃសតវត្សមុន លោកស្រីបានល្បីឈ្មោះលើ
វេទិការបាំតាមរយៈការសំដែងក្នុងឈុតរបាំមានចំណងជើងថា
“អ្នកម្ដាយភូមិភាគខាងត្បូង” “ចាបហោះក្នុងពន្លឺព្រះអាទិត្យ” ”ស្រុក
កំណើតដង្ហោយហៅ” ”ជួបជុំគ្នានៅក្បែរកាំភ្លើងធំ” ”ដើរតាមទង់រំដោះ”ជា
ដើម។ស្នាដៃទាំងនេះបាននាំមកជូនលោកស្រីនូវកិតិ្តនាមនិងគ្រឿង
ឥស្សរិយយសដ៏ខ្ពង់ខ្ពស់ដែលមិនមែនជាការងាយស្រួលចំពោះសិល្បការិនី
មួយរូបក្នុងវ័យជាង២០ឆ្នាំនោះឡើយ។នាគ្រានោះ លោកស្រីChu Thuy Quynh
តែងតែបានអញ្ជើញសំដែងរបាំសំរាប់លោកប្រធានហូជីមិញនិងថ្នាក់ដឹកនាំ
ជាន់ខ្ពស់ទស្សនា។ក្នុងវ័យទើបតែ២៨ឆ្នាំ លោកស្រីបានក្លាយទៅជាសមាជិកា
សភាវៀតណាម។នាឆ្នាំ១៩៨៨លោកស្រីត្រូវបានប្រសិទ្ធនាមជាសិល្បការិនី
ប្រជាជន។លោកស្រីបានរៀបរាប់ថា
“ខ្ញុំមានភ័ព្វសំណាងល្អដែលបានប្រកបរបររបាំអស់មួយជីវិតហើយ
អាជីពនេះបាននាំមកឲ្យខ្ញុំនូវកិតិ្តគុណ។ពីកុមារភាពខ្ញុំបានជួបលោកប្រធាន
ហូជីមិញ បានហូបបាយនិងទទួលបុណ្យចូលឆ្នាំថ្មីជាមួយលោក។នោះជា
អនុស្សាវរីយ៍និងមោទនភាពរបស់សិល្បការិនីមួយរូប”។
 |
| សិល្បការិនីប្រជាជន Chu Thuy Quynh |
ពេលមានអាយុច្រើន សិល្បការិនីប្រជាជន Chu Thuy Quynh ក្លាយទៅជា
អ្នកបង្ហាត់របាំក្នុងគោលបំណងលើកទឹកចិត្តជំនាន់វ័យក្មេងឲ្យបន្តអភិវឌ្ឍន៍
សិល្បរបាំនៅប្រទេសវៀតណាម។លោកស្រីបានបញ្ជាកម្មវិធីសំដែងសិល្បធំៗមួយ
ចំនួនជាអាទិ៍ កម្មវិធីរំលឹកខួបលើកទី១០០ទិវាកំណើតលោកប្រធានហូជីមិញ
មហាសន្និបាតបក្សលើកទី៦ ៧ ៨ សន្និសីទជាន់ខ្ពស់ក្រុមប្រទេសប្រើប្រាស់
ភាសាបារាំង សន្និសីទជាន់ខ្ពស់អាស៊ាន ពិធីបើកនិងបិទមហោស្រពកីឡា
អាស៊ីអាគ្នេយ Sea Games 22 ឆ្នាំ២០១៣ជាដើម។នាសព្វថ្ងៃនេះ ក្នុងឋានៈជា
ប្រធានសមាគមសិល្បៈរបាំវៀតណាមសិល្បការិនីប្រជាជន Chu Thuy Quynh
នៅតែជក់ចិត្តប្រដេញតាមបុព្វហេតុដែលខ្លួនបានជ្រើស។ស្ដីពីការខិតខំប្រឹង
ប្រែងរបស់លោកស្រី Chu Thuy Quynh សិល្បករប្រជាជន Xuan Hoach បាន
ឲ្យដឹងថា
“សិល្បការិនីប្រជាជន Chu Thuy Quynhទោះបីមានអាយុជាង៧០ឆ្នាំ
ហើយក្ដីតែគាត់នៅតែជក់ចិត្តនឹងការងារណាស់។ គាត់មានឆន្ទយ៉ាងខ្លាំង
ដែលជាគំរូសំរាប់ជំនាន់ក្រោយធ្វើតាម”។
អាចនិយាយបានថារង្វាន់ហូជីមិញលើវិស័យអក្សរសាស្រ្តសិល្បនោះគឺ
ជារង្វាន់ដ៏សក្ដិសមសំរាប់ស្នាដៃឆ្នើមរបស់សិល្បការិនីប្រជាជន Chu
Thuy Quynh៕
Ngoc Nga - Ngoc Anh
-VOVWORLD