VOVWORLD_អ្នកស្រី H’Yam Bkrong(ជនជាតិE De)នៅភូមិTong Ju ឃុំ
Ea Kao ទី​ក្រុងBuon Ma Thuot ខេត្តDak Lac​  ជាអ្នកជក់ចិត្តនឹងរបរតម្បាញ
ចរបាប់ជាប្រពៃណី​របស់​ជនជាតិខ្លួន។ អ្នកស្រីបានបង្កើតឡើងសហករណ៍តម្បាញ
សារបាប់ដើម្បី​បង្កើត​ការងារធ្វើនិងបង្កើនចំណូលសំរាប់នារីជាង១០០នាក់ក្នុង
តំបន់ទៀតផង។

        ដោយសារកើតនិងធំឡើងនៅនឹងភូមិបានជាអ្នកស្រី H’Yam Bkrongយល់​
ច្បាស់​នូវបំរែបំរួលក្នុងមុខរបរតម្បាញចរបាប់ជាប្រពៃណីរបស់ជនជាតិE De។ 
ជីវភាពរស់នៅ​ទាន់សម័យរួមជាមួយសំលៀកបំពាក់ថ្មីៗគ្រប់ប្រភេទបានធ្វើឲ្យ
មនុស្សជាច្រើនបោះបង់ចោលកីហើយរបរតម្បាញចរបាប់បាត់បង់ជាបណ្ដើរៗ
។នាឆ្នាំ២០០៣អ្នកស្រី H’Yam Bkrongបានចលនាបងប្អូននារីមួយចំនួននៅ
ភូមិ Bong និងភូមិTong JuឃុំEa Kaoបង្កើត​ឡើង​សហករណ៍តម្បាញសារបាប់
Tong Bong សំដៅស្ដារឡើងវិញនូវរបរប្រពៃ​ណីរបស់​ជនជាតិខ្លួន។

          នាគ្រាដំបូង សហករណ៍ជួបការលំបាកយ៉ាងខ្លាំងអំពីថវិកាសំរាប់
សកម្មភាពផលិតកម្ម ហើយផលិតផលសាមញ្ញៗដែលមិនទាក់ទាញបាននូវ
ការចាប់អារម្មណ៍ពីអតិថិជន។ដោយមានការប្ដេជ្ញាចិត្តស្ដាររបរតម្បាញជា
ប្រពៃណី អ្នកស្រីH’Yam Bkrongបាន​សុំថវិកាជំនួយពីខេត្តព្រមទាំងសិក្សា
ស្រាវជ្រាវបទពិសោធន៍ត្បាញចរបាប់ពីសិប្បករនានារួចយកមកបង្រៀនឲ្យ
បងប្អូននារីក្នុងសហករណ៍។បន្តាប់ពីច្នៃប្រឌិតបានផលិតផលចរបាប់ល្អ
ប្រណិតនិងសម្បូរបែបមក អ្នកស្រីបានខិតខំធ្វើការផ្សាយពាណិជ្ជកម្មនិង
ស្វែង​រកទីផ្សារលក់ផលិតផលនៅតាមរមណីដ្ឋាន និងពិពណ៌ផ្សារណាត់ផ្សេងៗ
។​អ្នកស្រី​H’Yam​បានរៀបរាប់ថា

 “ នាគ្រាដំបូង អតិថិជនមិនសូវចូលចិត្តផលិតផលរបស់យើងខ្ញុំព្រោះ
ទី​មួយ​គឺ​បញ្ហាគុណភាព ទីពីរគឺមិនសំបូរបែបហេតុនេះហើយបានជាលក់
មិនសូវដាច់។តែដោយសារជក់ចិត្តនឹងមុខរបរនេះបានជាខ្ញុំខិតខំទៅគ្រប់
ទីកន្លែងដើម្បីផ្សព្វផ្សាយផលិតផលចរបាប់របស់សហករណ៍យើងខ្ញុំដល់
អតិថិជន”។

        ពីចំនួនសមាជិកា១០នាក់នៅពេលចាប់ផ្ដើមអាជីពរហូតមកដល់ឥឡូវ
នេះ សហករណ៍បានមានសមាជិកា៤២នាក់រួមជាមួយបុគ្គលិកអណ្ដែត១០០
នាក់ទៀតហើយចំណូលសំរាប់សមាជិកាម្នាក់ៗក្នុងមួយខែបានពី២ដល់៣
លានដុង។នេះជាប្រាក់ចំណូលខ្ពស់ចំពោះនារីជនជាតិE Deដែលគ្រាន់តែ
ធ្វើស្រែនៅជាយក្រុង Buon Ma Thuot។

អ្នកស្រីH’Yam Bkrongបានសុំថវិកាជំនួយពីខេត្តព្រមទាំងសិក្សាស្រាវជ្រាវបទពិសោធន៍ត្បាញចរបាប់ពីសិប្បករនានារួចយកមកបង្រៀនឲ្យបងប្អូននារីក្នុងសហករណ៍

        តាមលោក Pham Van Truong ប្រធាន​គណៈកម្មាធិការប្រជាជនឃុំEa
 Kao ទី​ក្រុង​Buon Ma Thuotឲ្យដឹងថាអ្នកស្រីH’Yam Bkrongបានមានការរួម
វិភាគទានសំខាន់ៗជា​ច្រើន​​ចំពោះការអភិវឌ្ឍន៍សេដ្ឋកិច្ចនិងថែរក្សាអត្តសញ្ញាណ
វប្បធម៌ជាតិនៅ​ក្នុងតំបន់។​ភូមិTong Juមានប្រជាជនចំនួន៣៨០គ្រួសារដែល
ក្នុងនោះ៨០%ជាជនជាតិE Deហើយ​មានអត្រាគ្រួសារក្រីក្រខ្ពស់តែឥឡូវមាន
តែ៨គ្រួសារក្រីក្រប៉ុណ្ណោះ។ស្នាដៃដ៏ធំធេងនេះបានរួមចំណែកប្រែឃុំEa Kao
ក្លាយទៅជាឃុំសំរេចបទដ្ឋានជនបទថ្មីមុនគេបង្អស់​នៅ​ក្រុង ​Buon Ma
Thuot។លោក Pham Van Truongបានថ្លែងយ៉ាងដូច្នេះថា

     “ អស់រយៈពេលច្រើនឆ្នាំកន្លងមកអ្នកស្រីH’Yam Bkrongបានដោះស្រាយ​
បញ្ហា​ការងារ​ធ្វើជូនបងប្អូននៅនឹងកន្លែង។ឧទាហរណ៍​គ្រួសារដែលមានចំណូល
​សំរាប់​សមាជិក​មួយនាក់ក្រោម៤០ហ្មឺនដុងក្នុងមួយខែនោះត្រូវបានចាត់ទុក
ជាគ្រួសារ​ក្រី​ក្រ​។ តែដោយសារធ្វើរបរត្បាញចរបាប់ជាប្រពៃណីនេះសមាជិកមួយ
នាក់រកបានប្រាក់ចំណូលពី១លាន៥សែនដល់៣លានដុងក្នុង១ខែ។ហេតុនេះ
ហើយបានរួមចំណែកកាត់បន្ថយភាពក្រីក្រក្នុងតំបន់។អ្នកស្រីH’Yam Bkrong
ជាមនុស្សហ៊ានគិតហ៊ាន​ធ្វើនិង​ហ៊ាន​ទទួល​ខុសត្រូវ”។

        ដោយសារមានស្នាដៃល្អៗដូចពោលខាងលើអ្នកស្រីH’Yam Bkrongត្រូវបាន​
ប្រជាពលរដ្ឋជ្រើសតាំងជាមេភូមិTong Juអស់រយៈពេលច្រើនឆ្នាំកន្លងមក។ក្រៅ
ពីនោះ​សម្ព័ន្ធសហករណ៍វៀតណាមបានជូនអ្នកស្រីជ័យលាភីមាស”សហ
ប្រតិបតិ្តការដើម្បីសហគមន៍សំបូររុងរឿង”។ជាពិសេសអ្នកស្រីH’Yam Bkrong
មានកិត្តិយសយ៉ាងខ្លាំង​ដែលបាន​ប្រធានរដ្ឋវៀតណាមជូនគ្រឿងឥស្សរិយយស
ពលកម្មថ្នាក់ទី៣៕