VOVWORLD_គំនូរKim Hoangជាគំនូរប្រជាប្រិយមួយប្រភេទដែល
អភិវឌ្ឍន៍យ៉ាង​ខ្លាំងក្នុងអំឡុងពីសតវត្សទី១៨ដល់សតវត្សទី១៩នៅភូមិ Kim
 Hoang ឃុំVan canhស្រុក Hoai Duc ខេត្តHa Tayចាស់ដែលសព្វថ្ងៃបានរៀប
បញ្ចូលទៅក្នុងក្រុងហាណូយ។ ប្រធាន​បទ​ក្នុងគំនូរប្រជាប្រិយKim Hoangគឺ
ជារូបភាពជីវភាពរស់នៅប្រចាំថ្ងៃរបស់​ប្រជាជន​នៅតំបន់វាលសណ្ដទន្លេ
ក្រហមភូមិភាគខាងជើងវៀតណាម។នោះគឺរូបសត្វគោ ក្របី ជ្រូក មាន់និង
ទិដ្ឋភាពភូមិករដ៏ស្រស់ស្អាតទៀតផង។

        រួមជាមួយគំនូរ Dong Hoនៅខេត្ត Bac Ninh និងគំនូរHang Trongនៅ
ក្រុងហាណូយ​នោះគំនូរ Kim Hoangជាគំនូរប្រជាប្រិយមួយប្រភេទដ៏វិសេស
វិសាលរបស់តំបន់វាល​សណ្ដទន្លេក្រហមភូមិភាគខាងជើងវៀតណាម។គំនូរ
ប្រជាប្រិយKim Hoangត្រូវបាន​គេ​ហៅថាគំនូរក្រហមព្រោះវាបានពុម្ភលើ
ក្រដាសពណ៌ក្រហមខុសពីគំនូរHang Trong​និង​គំនូរ Dong Hoដែលបាន
ពុម្ភលើក្រដាសសឬក្រដាសប៉ាតម៉្សៅសំបកងាវ។​តាម​លោកLe Bichជាអ្នក
ស្រាវជ្រាវគំនូរប្រជាប្រិយមួយរូបបានឲ្យដឹងថាលោកនិយមចូលចិត្តគំនូរ
ប្រជាប្រិយណាស់ហើយមានការចាប់អារម្មណ៍ពិសេសចំពោះប្រភេទគំនូរ
ក្រហមKim Hoangនេះ។ លោកLe Bichបានថ្លែងយ៉ាងដូច្នេះថា

    “គំនូរKim Hoangដែលគេហៅគំនូរក្រហមនោះគឺជាប្រភេទគំនូរលេចធ្លោ
បំផុត។​ខ្ញុំចូលចិត្តគំនូរ២ផ្ទាំងនោះគឺគំនូរសត្វជ្រូកនិងសត្វមាន់។ ការគូររូប
នេះវាមានលក្ខណៈសាមញ្ញដោយពណ៌នានូវរូបសត្វជ្រូកក្នុងជីវភាពប្រចាំថ្ងៃ
របស់ជនវៀតណាម។ ពណ៌សំបុរក្នុងគំនូរទាំងនេះគឺស្រស់ស្អាតណាស់ហើយ
មានលក្ខណៈវិចិត្រសិល្បៈដោយផាត់ពណ៌ក្រហម ពណ៌ខ្មៅនិងពណ៌ស”។

រូបសត្វជ្រូកក្នុងគំនូរKim Hoang

        មុននេះ អ្នកច្នៃគំនូរKim Hoangតែងតែប្រើប្រាស់ឈើពុម្ភដើម្បីពុម្ភគំនូរ។
​ គេ​រវល់​នឹងការងារពុម្ភគំនូរប្រភេទនេះក្រោយពីបានប្រមូលផលស្រូវនាខែ
កទ្របទជារៀងរាល់ឆ្នាំ។ពេលនោះប្រជាជនច្រើនតែទិញគំនូរKim Hoangដើម្បី​
ត្រៀមរៀប​ចំធ្វើ​បុណ្យ​ចូល​ឆ្នាំឬ​ហៅថាបុណ្យតេត។តាមលោកស្រី Nguyen Thi
Thu Hoa ជាអ្នកស្រាវ​ជ្រាវ​គំនូរ​ប្រជាប្រិយបានឲ្យដឹងថា

    “គំនូរKim Hoangត្រូវបានច្នៃនៅភូមិជនបទមួយកន្លែងនៅជាយក្រុង
សំរាប់​បំរើ​តែប្រជាពលករ ប៉ុណ្ណោះបានជាពណ៌សំបុរនិងការគូររូបភាពក្នុងគំនូរ
បែបនឹង​មានលក្ខណៈសាមញ្ញណាស់។ចំពោះកសិករពេលបុណ្យចូលឆ្នាំមកដល់
ម្ដងៗគេតែងតែទិញគំនូរពណ៌ក្រហមមកព្យូរក្នុងផ្ទះក្នុងក្ដីសង្ឃឹមពីសេចក្ដីសុខ
សំណាងល្អសំរាប់សមាជិកទាំងអស់ក្នុងគ្រួសារ”។

        ទោះបីជាយ៉ាងណាក៏ដោយនាបច្ចុប្បន្ននេះមានគ្រួសារយ៉ាងតិចដែលនៅ
រក្សាបាននូវឈើពុម្ភសំរាប់ច្នៃគំនូរKim Hoang។ លោកស្រី Nguyen Thi Thu Hoa
ជាអ្នកស្រាវ​ជ្រាវ​គំនូរ​ប្រជាប្រិយនិយាយាថានាឆ្នាំ១៩១៥ គ្រោះទឹកជំនន់ដ៏ធំមួយ
បានបំបាក់ទំនប់​ទឹក Lien Macហើយឈើពុម្ភស្ទើតែទាំងអស់នៃភូមិKim
Hoangត្រូវទឹកគួចទៅបាត់។​បន្ទាប់​​មក​ ដោយសារការប្រមូលផលដំណាំបាន
បរិមាណតិចតួចហើយប្រទេសជាតិ​កើត​សង្គ្រាមបានជាប្រភេទគំនូរKim
Hoangក៏បាត់បង់ជាបណ្ដើរៗផងដែរ។​នាសព្វ​ថ្ងៃ​នេះ​ប្រជាជនជា​ច្រើននាក់
មានបំណងប្រាថ្នាស្ដារឡើងវិញនូវការច្នៃគំនូរKim Hoang​ដើម្បី​រួមចំណែក
​អភិរក្សវប្បធម៌ជាតិ៕