VOVWORLD_មកទស្សនាការតាំងពិពណ៌”គំនូរប្រជាប្រិយ១២ប្រភេទរបស់
វៀតណាម”ដែលប្រារព្ធឡើងនៅសារមន្ទីរក្រុងហាណូយនោះទស្សនិកជនឹងបានគយ
គន់និស្វែងយល់បន្ថែមពី​ប្រភពដើមនិងបច្ចេកទេសគូរគំនូរប្រជាប្រិយ​របស់វៀត
ណាម។​ក្នុងនោះមានការធ្វើពុម្ភ បោះពុម្ភ និងលាបពណ៌ក្នុងការគូរគំនូរ  Dong Ho
Hang Trong និងKim Hoangដែលជាប្រភេទគំនូរប្រជាប្រិយដ៏ល្បីល្បាញនៅប្រទេស
វៀតណាម។

ការតាំងពិពណ៌”គំនូរប្រជាប្រិយ១២ប្រភេទរបស់វៀតណាម”

គំនូរ” Tu Phu cong dong”ជាគំនូរសំរាប់សែនព្រះពុទ្ធ ដែលមាន​ទំហំ១,៨ម៉ែត្រ
​គុណ១,៤ម៉ែត្រនោះជាស្នាដៃទាក់ទាញការចាប់អារម្មណ៍ខ្លាំងបំផុតពី​ទស្សនិកជន​នៅ
ពិពណ៌”គំនូរប្រជាប្រិយ១២ប្រភេទរបស់វៀតណាម”។ ​សិប្បករវ័យ​ក្មេងឈ្មោះ​Le Hoan
ជាកូនប្រុសនិងជាអ្នកបន្តវេនតែម្នាក់គត់របស់សិប្បករជំនាញគូរ​គំនូរHang Trong
គឺលោកLe Dinh Nghienនោះបានឲ្យដឹងថានេះគឺជាគំនូរលេចធ្លោមួយ​ផ្ទាំងតំណាងឲ្យ
ប្រភេទគំនូរ Hang Trong ដែលបង្ហាញនូវជំនឿសាសនាគោរព​បូជាព្រះ​ម៉ែ​របស់ប្រជា
ពលរដ្ឋ។ ក្រៅពីគំនូរ” Tu Phu cong dong”​នេះ នៅមានគំនូរHang Trong ​មួយផ្ទាំង
ទៀតយកមកតាំងបង្ហាញដែរនោះគឺគំនូរ “ Ly ngu vong nguyet”មានន័យថា​ត្រី​មើល
ព្រះច័ន្ទ។តាមសិប្បករLe Hoanឲ្យដឹងថាប្រភេទគំនូរនីមួយៗក្នុងចំណោមគំនូរ​ប្រជា
ប្រិយ​១២ប្រភេទរបស់វៀតណាមសុទ្ធតែមានសោភ័ណភាពដោយឡែក​ហើយ​ឆ្លុះបញ្ចាំង
នូវភាពស្រដៀងនិងភាពខុសប្លែកពីគ្នាក្នុងជីវភាពវប្បធម៌ស្មារតីរបស់ប្រជាជន
តាមគ្រប់តំបន់ក្នុងទូទាំងប្រទេស។លោកLe Hoanបានថ្លែងយ៉ាងដូច្នេះថា​៖

          “នៅភូមិភាគខាងត្បូង ប្រជាជនភាគច្រើនគោរពបូជាព្រះពុទ្ធដោយហេតុនោះ
គេមានប្រភេទគំនូរសែនព្រែន Cho Lon។​ នៅភាគកណ្ដាល មានប្រភេទគំនូរបរម
ជវាំង​ហ្វេដែលមានតាំងពីរាជ្ជកាល Nguyen មក រួមជាមួយប្រភេទគំនូរភូមិ Sinh
ដែលតែង​តែបានប្រើជាគ្រឿងដង្វាយហើយចប់ពិធីបុណ្យគឺគេយកទៅដុតចោល។
រីឯនៅភាគខាងជើងមានគំនូរ” Tu Phu cong dong”គោរពបូជាព្រះពុទ្ធនិងព្រះម៉ែ​។ 
ជារួមគឺប្រភេទ​គំនូរ​នីមួយៗសុទ្ធតែបំរើឲ្យជំនឿសាសនារបស់ប្រជាជនវៀតណាម”។

ការតាំងពិពណ៌”គំនូរប្រជាប្រិយ១២ប្រភេទរបស់វៀតណាម”

គំនូរប្រជាប្រិយ១២ប្រភេទរបស់វៀតណាមនេះគឺស្ថិតក្នុងសម្រាំងរបស់សារមន្ទីរ
កុលាលភាជន៍ឯកជនហាណូយរួមមាន២០០ផ្ទាំងដែលជាប្រភេទគំនូរ Dong Ho គំនូរ​
Kim Hoang​ គំនូរ​Hang Trong​​ គំនូរThap Vat​ គំនូរភូមិ Sinh  គំនូរ Do the Nam Bo គំ
នូរ កញ្ចក់​​ Nam Bo និងគំនូរកញ្ចក់ហ្វេជាដើម។តាមលោកស្រី​ Nguyen Thi Thu Hoa
នាយិកា​សារមន្ទីរកុលាលភាជន៍ឯកជនហាណូយបានឲ្យដឹងថា៖​

          “ ស្ដីពីគោលដៅនៃការតាំងពិពណ៌នេះគឺខ្ញុំចង់អភិរក្សនិងពង្រីកតំលៃរបស់​គំ
នូរ​ប្រជាប្រិយវៀតណាម។ ទន្ទឹមនឹងការអភិរក្សគឺត្រូវតែពង្រីកដើម្បីកុំទុកឲ្យគំនូរប្រ
ជាប្រិយរបស់យើងរងការបាត់បង់។ បើមិនសិក្សាឲ្យបានជ្រាលជ្រៅទេគឺយើងគ្រាន់តែ
ឃើញពណ៌ស្រស់ស្អាតរបស់គំនូរប៉ុណ្ណោះដោយមិនយល់ពីតំលៃវប្បធម៌ឬតំលៃខាងជំនឿ
សាសនារបស់គំនូរនីមួយៗនោះឡើយ”។

          គំនូរប្រជាប្រិយ១២ប្រភេទរបស់តំបន់ភូមិភាគខាងជើង ភាគកណ្ដាល ភាគខាងត្បូងវៀតណាមដែលបានយកមកតាំងបង្ហាញនៅពិពណ៌នេះបានសរឲ្យឃើញនូវភាពសំ
បូរបែបនៃគំនូរប្រជាប្រិយ។ការតាំងពិពណ៌នេះកំពុងបើកទ្វារនៅសារមន្ទីរក្រុងហា
ណូយហើយគ្រោងនិងបន្លាយពេលដល់ដើមឆ្នាំ២០១៧ខាងមុខសំដៅឧទ្ទេសនាមជា
មួយប្រជាជនរដ្ឋធានីហាណូយនិងភ្ញៀវអន្តរជាតិអំពីចំណុចវិសេសវិសាលរបស់គំនូរ
ប្រជាប្រិយវៀតណាម ព្រមទាំងរួមចំណែកថែរក្សានិងពង្រីកវប្បធម៌ប្រពៃណីជាតិទៀត
ផង៕