VOVWORLD_ Don ca tai tu ជាការសំដែងចំរៀងចាប៉ីមិនជំនាញរបស់
ប្រជាជននៅ​ខេត្តមួយ​ចំនួនភូមិភាគខាងត្បូងវៀតណាម។ដោយឡែកនៅ
ក្រុងCan Tho មានក្លឹប Don ca tai tuចំនួន១៧០ជាមួយសិប្បករចំនួនជាង
១០០០នាក់។​រួមជាមួយគោល​នយោបាយ​របស់រដ្ឋអំណាចក្រុង​ក្រុមសិប្បករ
នេះសំដែងសិល្បផងនិងបង្រៀនឲ្យជំនាន់វ័យ​ក្មេង​ផង​ រួមចំណែកទៅក្នុងការ
ពង្រីកតំលៃរបស់ Don ca tai tuដែលជាបេតិកភ័ណ្ឌ​វប្បធម៌​អរូបី​ដំណាងរបស់
មនុស្សលោកក្នុងដំណាក់កាលសមាហរណកម្ម។

        ចាប់តាំងពីខែកញ្ញាឆ្នាំ២០១៦មកជារៀងរាល់ព្រឹកថ្ងៃសៅរ៍និងថ្ងៃអាទិត្យ
រោងល្ខោនTay Do រួមជាមួយមជ្ឈមណ្ឌលវប្បធម៌ កីឡាខណ្ឌCai Rang និងសាលា
​មធ្យម​សិក្សា​វប្បធម៌សិល្ប Can Tho តែងតែរៀបចំការសំដែងចំរៀងចាប៉ីនៅ
ផ្សារអណ្ដែតCai Rang និងកំពង់ Ninh Kieu។សំនៀងនិងចង្វាក់ភ្លេងពីរោះរ
បស់ក្រុមសិល្បករសិល្បការិនីបាន​ទាក់ទាញអារម្មណ៍ប្រជាពលរដ្ឋនិងភ្ញៀវ
ទេសចរយ៉ាងខ្លាំង។កម្មវិធីសំដែងសិល្បរៀបចំដោយមន្ទីរវប្បធម៌កីឡានិង
ទេសចរណ៍Can Thoនេះបានក្លាយទៅជាផលិផល ទេសចរណ៍សំខាន់មួយរបស់
ទីក្រុង Can Tho។អ្នកទេសចរណ៍មួយរូបឈ្មោះThanh Huyen បាននិយាយថា

 “វាជាការងាយស្រួលសំរាប់មនុស្សម្នាពេលដែលមកទស្សនាកម្មវិធីសំដែង
សិល្បដែលខ្លួនចូលចិត្តដោយមិនបាច់ទិញសំបុត្រទេ។ឥឡូវនេះគួរតែមានការ
រៀបចំបែបហ្នឹងដើម្បីជួយឲ្យមិត្តអ្នកស្ដាប់វ័យក្មេងយល់ដឹងច្បាស់ពី​ប្រភពដើម
នៃការសំដែងចំរៀង​ចាប៉ីមិនជំនាញ Don ca tai tuនេះ”។

        មុននេះនាឆ្នាំ២០០៥ មហាវិទ្យាល័យ Can Tho បានអនុវត្តកម្មវិធីពិសេស
​សំរាប់​និស្សិតបរទេសចូលរួមការសិក្សាស្រាវជ្រាវពីវប្បធម៌ ម្ហូបអាហារ ជីវភាព
រស់នៅនិងការផលិតកសិកម្មរបស់វៀតណាម។ក្នុងវគ្គសិក្សានេះ គ្រូបង្រៀន
Le Dinh Bichទទួលបន្ទុក​វប្បធម៌និងតូរ្យតន្រ្តីប្រជាប្រិយណាមបូបានបញ្ចូល
Don ca tai tuទៅក្នុងកម្មវិធីបង្រៀន។​ការបង្រៀនផង ច្រៀងផងរបស់លោក
បានទាក់ទាញនិស្សិតបរទេសយ៉ាងខ្លាំង។ជាពិសេស លោកគ្រូ Bich បាន
ប្រើសញ្ញាភ្លេងចំនួន៧ខ្ទង់​របស់​លោក​ខាងលិចដើម្បី​ពន្យល់​ឲ្យ​ជនបរទេស
ក្ដាប់ជាប់​នូវ​ចង្វាក់​ភ្លេង ​Ho ​ Xu ​Xang  Xe Cong នៃ​Don ca tai tu។វិធីធ្វើ
នេះ​បាន​ជួយផ្សព្វផ្សាយសិល្បសំដែងចំរៀងចាប៉ីមិន​ជំនាញ​របស់​វៀតណាម​
ទៅកាន់​ពិភពលោក។លោក​Le Dinh Bichបានឲ្យដឹងថា

    “ក្នុងកម្មវិធីដែលខ្ញុំបង្រៀនឲ្យនិស្សិតអូស្រ្តាលី បារាំងនិងជប៉ុននោះមាន
មេរៀនស្ដីអំពីសោភ័ណភាពនៃវប្បធម៌និងតូរ្យតន្រ្តីតំបន់ទន្លេមេគង្គក្រោម។
មេរៀននេះត្រូវបាននិស្សិតទាំងអស់និយមចូលចិត្តហើយគេចង់បានរៀន
លេងឧបករណ៍ភ្លេងរបស់វៀតណាមដែលក្នុងនោះមានDon ca tai tuផង”។

និស្សិតបរទេសចាប់អារម្មណ៍ចំពោះការសំដែងចំរៀងចាប៉ីមិនជំនាញ Don ca tai tu

        នាបច្ចុប្បន្ននេះ ទីក្រុងCan Tho កំពុងខិតខំ​ប្រឹងប្រែង​បង្រៀន​របរ
Don ca tai tuឲ្យ​ជំនាន់វ័យក្មេង។តាមសិប្បការិនីឆ្នើម  Kieu Nga នាយិការ
រងមជ្ឈមណ្ឌលវប្បធម៌ខណ្ឌ Thot Notបានឲ្យដឹងថា

“ប្រសិនបើយើងបញ្ចូលការបង្រៀនការសំដែងចំរៀងចាប៉ីមិនជំនាញ
ទៅក្នុងសាលារៀននោះគឺនឹងបណ្ដុះបណ្ដាលបានសិល្បករវ័យក្មេងជាច្រើន
នាក់។ស្រេចទៅតាមអាយុ ប្អូនៗនឹងបានរៀនមេរៀនសមស្រប។នៅខណ្ឌ
Thot Not យើងខ្ញុំបាន​អញ្ជើញ​សិល្បករសិល្បការិនីមួយចំនួនដើម្បីបង្រៀន
ឲ្យសិស្ស”។

        នាសព្វថ្ងៃ ទីក្រុងCan Thoក៏ដាក់ចេញគោលនយោបាយលើកទឹកចិត្ត
និង​លើកត​ម្កើង​ក្រុមសិប្បករដើម្បីអភិវឌ្ឍន៍បេតិកភ័ណ្ឌDon ca tai tuព្រម
ទាំងផ្សព្វផ្សាយ​សិល្ប​ប្រភេទនេះទៅពិភពលោកទៀតផង៕