ធ្វើមានពីការចិញ្ចឹមឃ្មុំដើម្បីបន្សាំទៅនឹងបំរ៉ែបំរួលអាកាសធាតុ (VNA)

(VOVworld)  - នាពេលថ្មីៗនេះ មុខរបរចិញ្ចឹមឃ្មុំយកទឹកឃ្មុំនៅតំបន់មួយ
 ចំនួនរបស់វៀតណាមកាន់តែអភិវឌ្ឍន៍ពីមួយថ្ងៃទៅមួយថ្ងៃ ជាពិសេសនៅ
បណ្ដា ខេត្តដីសណ្តទន្លេ Cuu Long (ភាគខាងត្បូងវៀតណាម)។ តំលៃប្រាក់
នាំចេញ ទឹកឃ្មុំរបស់វៀតណាមទទួលបានរាប់រយលានដុល្លាអាមេរិកជារៀង
រាល់ឆ្នាំ។ ឃ្មុំត្រូវបានជ្រើសរើសជាប្រភេទសត្វចិញ្ចឹមងាយស្រួលបន្សាំនៅតំបន់
ដី សណ្តទន្លេ Cuu Long។

        ដោយមានការបញ្ជាក់ពាណិជ្ជសញ្ញាសមូហភាព ប្រជាពលរដ្ឋនៅតំបន់
 U Minh Ha ខេត្ត Ca Mau កាន់តែអភិវឌ្ឍន៍ផលិតផលទឹកឃ្មុំរបស់ខ្លួនទៅ
ទីផ្សារនៅក្នុងនិងក្រៅប្រទេស។ នាបច្ចុប្បន្ន នៅព្រៃស្មាច់ U Minh Ha មាន
គ្រួសារាប់ពាន់គ្រួប្រកបមុខរបរចិញ្ចឹមឃ្មុំយកទឹកឃ្មុំ ហើយចំណូលពីមុខរបរ
នេះខ្ពស់ណាស់។ លោក Tran Van Nhi នៅស្រុក U Minh ខេត្ត Ca Mau បាន
ឲ្យដឹងថា៖

        «ខ្ញុំចិញ្ចើមឃ្មុំក្នុងអំឡុង ៣៩ ឆ្នាំហើយ។ នេះគឺជាមុខរបរស្នូលរបស់ប្រជាក
 សិករនៅតំបន់ U Minh Ha។ ក្នុងរយៈពេលពី ១៥ ថ្ងៃ ដល់ ២០ ថ្ងៃយើង អាច
ប្រមូលទឹកឃ្មុំបាន។

        ការនាំចេញទឹកឃ្មុំនិងក្រមួនរបស់វៀតណាមត្រូវបានព្យាករណ៍មានយថា
 ទស្សន៍សុទ្ធនិយមក្នុងពេលដែលតម្រូវការទីផ្សារពិភពលោកកើនឡើង ព្រម
ទាំង ការធ្វើសមាហរណកម្មអន្តរជាតិកំពុងប្រព្រឹត្តទៅយ៉ាងខ្លាំង។ ជាពិសេស
 ក្នុងកាលៈទេសៈ កិច្ចព្រមព្រៀងឆ្លងមហាសមុទ្រប៉ាស៊ីហ្វិក (TPP) ដែលត្រូវបាន
 ចុះហត្ថលេខា នឹងបង្កើនឱកាសនាំចេញកសិផលរបស់វៀតណាម​ ក្នុងនោះ
មានមុខទំនិញទឹកឃ្មុំ។ លោក Pham Van Dong ប្រធាននាយកដ្ឋានពេទ្យសត្វ
ក្រសួងកសិកម្មនិងអភិវឌ្ឍន៍ជនបទវៀតណាម បានចាត់ទុកថា៖

        «នាឆ្នាំ ២០១៤ វៀតណាមបាននាំចេញទឹកឃ្មុំចំនួន ៥០ ពាន់តោន។ នាឆ្នាំ
 ២០១៥ វៀតណាមក៏បាននាំចេញទឹកឃ្មុំចំនួន ៤០ ពាន់តោនទៀត។ ទីផ្សារនាំ
ចេញ ស្នូលគឺសហភាពអឺរ៉ុប ទ្វីបអាមេរិកនិងប្រទេសផ្សេងៗទៀត។»

        ផលិតផលពីឃ្មុំដូចជា៖ទឹកឃ្មុំនិងក្រមួននាំមកនូវតំលៃវេជ្ជសាស្ត្រផងនិង
តំលៃសេដ្ឋកិច្ចខ្ពស់ផង។ ឆ្លៀតយកលក្ខណៈធម្មជាតិងាយស្រួលរួមជាមួយ
បទពិសោធន៍ប្រជាប្រិយគួបផ្សំជាមួយវិទ្យាសាស្ត្របច្ចេកទេសទំនើប គ្រួសារជា
ច្រើនបានធ្វើមានពីរូបសណ្ឋានចិញ្ចឹមឃ្មុំសហការជាមួយការដាំដើមឈើលំអរ។
 នៅសន្និសីទអភិវឌ្ឍន៍ការចិញ្ចឹមសត្វក្នុងលក្ខណៈជ្រាបទឹកប្រៃនិងរាំងស្ងួត
 ឃ្មុំត្រូវបានជ្រើសរើសជាសត្វចិញ្ចឹមងាយស្រួលសំរាប់ប្រជាកសិករ ដោយសារ
វា បន្សាំនឹងអាកាសធាតុរាំងស្ងួតនិងមិនចាំបាច់ប្រើប្រាស់ទឹកស្អាបច្រើនទេ។
តាមលោក Nguyen Van Tranh នាយករងមន្ទីកសិកម្មនិងអភិវឌ្ឍន៍ជនបទ
ខេត្ត Ca Mau បានឲ្យដឹងថា៖

«ទឹកឃ្មុំនៅព្រៃស្មាច់ U Minh Ha គឺធម្មជាតិ។ ក្នុងឆ្នាំកន្លងទៅ មាន
សំបុក ឃ្មុំសរុបចំនួន ១ សែន ក្នុងនោះ សំបុកនិមួយៗនាំមកនូវទឹកឃ្មុំពី
៤ ដល់ ៦ លីត្រ ។ នេះគឺជាចំណូលដ៏ធំធេងណាស់។ ដោយមានតំលៃមធ្យម
ទទួលបាន ៣០ ហ្មឺន ដុង/លីត្រ បង្កើតឡើងប្រភពចំណូលធំសំរាប់ប្រជា
ពលរដ្ឋនៅព្រៃស្មាច់ U Minh Ha។ »

ការជ្រើសរើសឃ្មុំគឺជាសត្វចិញ្ចឹមបន្សាំក្នុងស្ថានភាពអាកាសធាតុ
អាក្រក់ដូចជា ៖ ការរាំងស្ងួត ការជៀបទឹកប្រៃ គឺជាទិសដៅដ៏ត្រឹមត្រូវ
របស់ តំបន់មួយចំនួនក្នុងតំបន់ដីសណ្តទន្លេ Cuu Long។ ដោយសារ
នេះគឺជារបរសម ស្របនឹងលក្ខណៈនៅតំបន់ព្រៃភ្នំ មិនចាំបាច់ផ្ទៃដី
ច្រើនទេ ហើយប្រភពទុនដំបូង តិចតូចព្រមទាំង ការពារបរិស្ថាន
ធម្មជាតិ ទៀតផង៕