ການເລືອກຕັ້ງ ສ.ສ.ຊ ຊຸດທີ 14 ແລະ ສະມາຊິກສະພາປະຊາຊົນຂັ້ນຕ່າງໆຢູ່ຫວຽດນາມ



(vovworld)- ວັນ​ທີ 22/5, ຜູ້​ມີ​ສິດ​ເລືອກ​ຕັ້ງຫວຽດ​ນາມກວ່າ 69 ລ້ານ​ຄົນ​ໄດ້​ໄປ​ປ່ອນ​ບັດ​ເລືອກ​ຕັ້ງສະ​ມາ​ຊິກ​ສະ​ພາ​ແຫ່ງ​ຊາດຊຸດ​ທີ 14 ແລະ ​ສະ​ມາ​ຊິກສະ​ພາ​ປະ​ຊາ​ຊົນ​ຂັ້ນ​ຕ່າງໆ​ອາ​ຍຸ​ການ 2016-2021, ຢູ່ກວ່າ 91.000 ຫົວ​ໜ່ວຍ​ ເລືອກ​ຕັ້ງມີບັນ​ຍາ​ກາດຟົດ​ຟື້ນ​ຈາກ​ຕົວ​ເມືອງ​ຕະຫຼອດ​ຮອດ​ຊົນ​ນະ​ບົດ, ເຂດ​ຫ່າງ​ໄກ​ສອກຫຼີກ, ເຂດ​ປະ​ຊາ​ຊົນ​ບັນ​ດາ​ເຜົ່າ​ສ່ວນ​ໜ້ອຍ.

ການເລືອກຕັ້ງ ສ.ສ.ຊ ຊຸດທີ 14 ແລະ ສະມາຊິກສະພາປະຊາຊົນຂັ້ນຕ່າງໆຢູ່ຫວຽດນາມ - ảnh 1
ທ່ານ​ເລ​ຂາ​ທິ​ການ​ໃຫຍ່​ພັກ​ກອ​ມມູ​ນິດຫວຽດ​ນາມ ຫງວຽນ​ຟູ້​ຈ້ອງ
ຕອບ​ສຳ​ພາດ​ສື່ມວນ​ຊົນ​ພາຍຫຼັງ​ປ່ອ​ນ​ບັດ

          ທ່ານ​ເລ​ຂາ​ທິ​ການ​ໃຫຍ່​ພັກ​ກອ​ມມູ​ນິດຫວຽດ​ນາມ ຫງວຽນ​ຟູ້​ຈ້ອງ ໄດ້​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ​ຢູ່​ຫົວ​ໜ່ວຍ​ເລືອກ​ຕັ້ງ​ເລກ 3 ຕາ​ແສງ​ຫງວຽນ​ຢູ, ເມືອງ​ຮ່​ວານ​ກ້ຽ​ມ, ຮ່າ​ໂນ້ຍ. ຕອບ​ສຳ​ພາດ​ສື່ມວນ​ຊົນ​ພາຍຫຼັງ​ປ່ອ​ນ​ບັດ, ທ່ານ​ເລ​ຂາ​ທິ​ການ​ໃຫຍ່​ພັກ​ກອ​ມມູ​ນິດຫວຽດ​ນາມ ຫງວຽນ​ຟູ້​ຈ້ອງ ເນັ້ນ​ໜັກ​ວ່າ : 

    “ ຂ້າ​ພະ​ເຈົ້າ​ຄິດ​ວ່າ ຜູ້​ມີ​ສິດ​ເລືອກ​ຕັ້ງທຸກ​ຄົນ​ກໍ​ຄິດຄື​ຂ້າ​ພະ​ເຈົ້າ, ຕ່າງ​ກໍ​ມີ​ຄວາມ​ຫວັງ​ວ່າ ບັນ​ດາ​ຜູ້ແທນ​ທີ່​ໄດ້​ຮັບ​ການ​ເລືອກ​ຕັ້ງ​ເປັນສະ​ມາ​ຊິກ​ສະ​ພາ​ແຫ່ງ​ຊາດ ແລະ ​ສະ​ມາ​ຊິກສະ​ພາ​ປະ​ຊາ​ຊົນ​ຂັ້ນ​ຕ່າງໆ ລ້ວນ​ແຕ່​ຕ້ອງ​ເຮັດ​ວຽກ​ຢ່າງ​ສຸດ​ໃຈ​ເພື່ອ​ປະ​ເທດ​ຊາດ, ປະ​ຊາ​ຊົນ, ປະ​ຕິ​ບັດ​ຄວາມ​ຮັບ​ຜິດ​ຊອບ ແລະ ພັນ​ທະ​ຊຶ່ງ​ລັດ​ຖະ​ທຳ​ມະ​ນູນ ແລະ ກົດ​ໝາຍ​ໄດ້​ກຳ​ນົດ​ໄວ້, ປະ​ຕິ​ບັດ​ຄວາມ​ຮັບ​ຜິດ​ຊອບ ແລະ ພັນ​ທະຂອງ​ຜູ້​ໜຶ່ງ​ຊຶ່ງ​ປະ​ຊາ​ຊົນໄດ້​ໄວ້​ວາງ​ໃຈ​ເລືອກ​ຕັ້ງເພື່ອ​ເຂົ້າ​ຮ່ວ​ມ​ການ​ຄຸ້ມ​ຄອງ​ປະ​ເທດ​ຊາດ, ຄຸ້ມ​ຄອງ​ສັງ​ຄົມ. ຂ້າ​ພະ​ເຈົ້າ​ເຊື່ອ​ໝັ້ນ​ວ່າ ບັນ​ດາ​ຜູ້ແທນ​ທີ່​ໄດ້​ຮັບ​ການ​ເລືອກ​ຕັ້ງຄັ້ງ​ນີ້ ຈະ​ຮັບ​ຮູ້ຢ່າງ​ຄົບ​ຖ້ວນ​ກ່ຽວ​ກັບ​ບົດ​ບາດ ແລະ ຄວາມ​ຮັບ​ຜິດ​ຊອບ​ຂ​ຈອງ​ຕົນ​ໃນ​ການ​ບູ​ລະ​ນະ​ລະ​ບົບ​ການ​ເມືອງ​ຂອງ​ພວກ​ເຮົາ​ເວົ້າ​ລວມ, ໃນ​ນັ້ນ​ມີ​ສະ​ພາ​ແຫ່ງ​ຊາດ ແລະ ສະ​ພາ​ປະ​ຊາ​ຊົນ”

ການເລືອກຕັ້ງ ສ.ສ.ຊ ຊຸດທີ 14 ແລະ ສະມາຊິກສະພາປະຊາຊົນຂັ້ນຕ່າງໆຢູ່ຫວຽດນາມ - ảnh 2
ທ່ານ​ປະ​ເທດ​ປະ​ເທດ​ເຈີນ​ດ້າຍກວາງ ​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ

     ທ່ານ​ປະ​ເທດ​ປະ​ເທດ​ເຈີນ​ດ້າຍກວາງ ກໍ​ໄດ້​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ​ຢູ່​ຫົວ​ໜ່ວຍ​ເລືອກ​ຕັ້ງ​ເລກ 8 ຕາ​ແສງ​ເຍີນ​ຈິ້ງ, ເມືອງແທງ​ຊວນ, ຮ່າ​ໂນ້ຍ. ກ່າວ​ຄຳ​ເຫັນ​ນະ​ທີ່ນີ້, ທ່ານ​ປະ​ເທດ​ປະ​ເທດ​ເຈີນ​ດ້າຍກວາງ ໃຫ້​ຮູ້​ວ່າ : 

    “ ຂ້າ​ພະ​ເຈົ້າ​ຫວັງ​ວ່າ ຜູ້​ມີ​ສິດ​ເລືອກ​ຕັ້ງຈົ່ງ​ເຊີດ​ຊູ​ຈິດ​ໃຈ​ຮັບ​ຜິດ​ຊອບ, ເສີມ​ຂະ​ຫຍາຍ​ສິດ​ເປັນ​ເຈົ້າ​ຂອງ​ປະ​ຊາ​ຊົນ, ເລືອກ​ເອົາ​ບັນ​ດາ​ຜູ້​ແທນ​ທີ່​ມີ​ຄວາມ​ເກັ່ງ​ກ້າ​ສາ​ມາດ, ມີ​ຄຸນ​ສົ​ມບັດເຂົ້າ​ໃນ ສະ​ພາ​ແຫ່ງ​ຊາດຊຸດ​ທີ 14 ແລະ ສະ​ພາ​ປະ​ຊາ​ຊົນເພື່ອ​ເຂົ້າ​ຮ່ວມ​ວຽກ​ງານ​ພ້ອມ​ກັບ​ພັກ, ລັດ​ຊີ້​ນຳ​ການ​ປະ​ຕິບ​ັດ​ມະ​ຕິ​ກອງ​ປະ​ຊຸມ​ໃຫຍ່​ທົ່ວ​ປະ​ເທດ​ຄັ້ງ​ທີ 12 ຂອງ​ພັກ ກໍ​ຄື​ກອງ​ປະ​ຊຸມ​ໃຫຍ່​ອົງ​ຄະ​ນະ​ພັກ​ຂັ້ນ​ຕ່າງໆ​ຢ່າງ​ມີ​ໄຊ ”.

    ແລະ ກໍ​ໃນ​ຕອນ​ເຊົ້າ​ຂອງວັນ​ດຽວ​ກັນ, ທ່ານ​ນາ​ຍົກ​ລັດ​ຖະ​ມົນ​ຕີ​ຫວຽດ​ນາມ ຫງວຽນ​ຊວນ​ຟຸກ​ກໍ ໄດ້​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ​ຢູ່​ເທດ​ສະ​ບານ​ເມືອງ ວິ້ງ​ບາວ, ນະ​ຄອນ​ຫາຍ​ຟ່ອງ. ສ່ວນ​ທ່ານ​ນາງ ຫງວຽນ​ທິ​ກິມ​ເງິນ ປະ​ທານ​ສະ​ພາ​ແຫ່ງ​ຊາດ, ປະ​ທານ​ສະ​ພາ​ເລືອກ​ຕັ້ງ​ແຫ່ງ​ຊາດ​ກໍ ໄດ້​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ​ຢູ່ຕາ​ແສງ​ວິ້ງ​ຟຸກ, ເມືອງບາ​ດິງ, ຮ່າ​ໂນ້ຍ. ຕີ​ລາ​ຄາ​ກ່ຽວ​ກັບ​ວຽກ​ງານ​ກະ​ກຽມ ແລະ ດຳ​ເນີນ​ການ​ປ່ອນ​ບັດ​ເລືອກ​ຕັ້ງ​ຢູ່​ບັນ​ດາ​ຫົວ​ໜ່ວຍ​ເລືອກ​ຕັ້ງ​ທີ່​ທ່ານ​ນາງ​ໄດ້​ໄປ​ກວດ​ກາ, ທ່ານ​ນາງ ຫງວຽນ​ທິ​ກິມ​ເງິນ ປະ​ທານ​ສະ​ພາ​ແຫ່ງ​ຊາດ ກ່າວ​ວ່າ: 

   “ ສິ່ງ​ທີ່​ໜ້າ​ພູມ​ໃຈ ແມ່ນ ຜູ້​ມີ​ສິດ​ເລືອກ​ຕັ້ງ​ມີ​ຄວາມ​ສົນ​ໃຈ​ທີ່​ສຸດ. ຜູ້​ມີ​ສິດ​ເລືອກ​ຕັ້ງມີ​ການ​ຄັດ​ເລືອກ​ລະ​ອຽດ, ຊັງ​ຊາ​ຢ່າງ​ລະ​ມັດ​ລະ​ວັງ. ຂ້າ​ພະ​ເຈົ້າ​ຖື​ວ​່າ ວຽກ​ງານ​ໂຄ​ສະ​ນາ​ກ່ຽວ​ກັບ​ການ​ເລືອກ​ຕັ້ງ​ແມ່ນ​ໄດ້​ປະ​ຕິ​ບັດເປັນ​ຢ່າງ​ດີ​ທີ່​ສຸດ ”

       ໃນ​ຂະ​ນະ​ນັ້ນ, ເຖິງວ່າ​ມີຝົນ​ຕົກກໍ​ຕາມ ແຕ່​ນັບ​ແຕ່​ເຊົ້າໆ, ຢູ່​ບັນ​ດາ​ແຂວງ​ເຂດ​ທາງ​ທິດ​ຕາ​ເວັນ​ຕົກ​ສ່ຽງ​ເໜືອ, ປະ​ຊາ​ຊົນ​ບັນ​ດາ​ເຜົ່າ​ຢູ່​ທີ່ນີ້​ໄດ້​ພາ​ກັນ​ໄປ​ປ່ອນ​ບັດ​ຢ່າງ​ຟົດ​ຟື້ນ. ທ່ານ ມາ​ກາງ​ຢິງ ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ, ປະ​ທານ​ຄະ​ນະ​ກຳ​ມະ​ການ​ເລືອກ​ຕັ້ງ​ຕາ​ແສງ ນຸ່ງ​ນ່າງ ເມືອງ​ຕາມ​ເດືອງ​ແຂວງ ລາຍ​ເຈົາ​ໃຫ້​ຮູ້​ວ່າ : 

   “ ມາ​ຮອດ​ຕອນ​ທຽງ​, ການ​ປ່ອ​ນບັດເລືອກ​ຕັ້ງ​ໃນ​ບໍ​ລິ​ເວນ​ຕາ​ແສງ​ໄດ້​ບັນ​ລຸກວ່າ 97%. ບັນ​ດາ​ຫົວ​ໜ່ວຍ​ຍັງ​ບໍ່​ທັນ​ປ່ອນ​ບັດ​ສຳ​ເລັດ, ກໍ​ສືບ​ຕໍ່​ດຳ​ເນີນ​ການ​ປ່ອນ​ບັດ​ເລືອກ​ຕັ້ງ ”

     ຢູ່​ເມືອງ​ເກາະ​ໂກ​ໂຕ, ແຂວງກວາງ​ນິງ ມື້ນີ້ ມີ ຜູ້​ມີ​ສິດ​ເລືອກ​ຕັ້ງ​ເກືອບ 5000 ຄົນ, ໃນ​ນັ້ນ​ມີ​ເຖິງ 1/3 ແມ່ນ​ຊ​າວ​ປະ​ມົງ ກໍ​ໄດ້​ໄປ​ປະ​ຕິ​ບັດ​ສິດ ແລະ ພັນ​ທະ​ພົນ​ລະ​ເມືອງ​ຂອງ​ຕົນ​ຢູ່ 20 ຫົວ​ໜ່ວຍ​ເລືອກ​ຕັ້ງ​ໃນ​ທົ່ວ​ເມືອງ. ທ່ານ​    ຮ່​ວາງ​ບ້າ​ນາມ ເລ​ຂາ​ພັກ​ເມືອງໆ​ເກາະ​ໂກ​ໂຕ ໃຫ້​ຮູ້​ວ່າ :

    “ ບັນ​ດາ​ສະ​ຖານ​ທີ່​ປ່ອນ​ບັດ​ທັງ​ໝົດ ລ້ວນ​ແຕ່​ໄດ້​ຮັບ​ປະ​ກັນ​ຄວາມ​ສະ​ຫງົບ, ຄວາມ​ເປັນ​ລະ​ບຽບ​ຮຽບ​ຮ້ອຍ. ທາງ​ເມືອງ ແລະ ບັນ​ດາ​ຫົວ​ໜ່ວຍ​ເລືອກ​ຕັ້ງ​ກໍ​ລ້ວນ​ແຕ່​ສ້າງ​ເງື່ອນ​ໄຂ​ທີ່​ດີ​ທີ່​ສຸດ​ໃຫ້​ແກ່ ຜູ້​ມີ​ສິດ​ເລືອກ​ຕັ້ງ​ໄປ​ປ່ອນ​ບັດ. ຮອດເວ​ລາ 9 ໂມງ​ເຊົ້າ​ມື້ນີ້, ຢູ່​ຫົວ​ໜ່ວຍ​ເລືອກ​ຕັ້ງ​ທີ່​ຫ່າງ​ໄກ​ກວ່າ​ໝູ່​ແມ່ນ​ເກາະ​ເຈີນ​ໃນ​ເມືອງ​ໂກ​ໂຕໄດ້ສຳ​ເລັດ​ການ​ປ່ອນ​ບັດ ”

      ຕີ​ລ​າ​ຄາ​ໃນ​ເບື້ອ​ຕົ້ນ​ກ່ຽວ​ກັບ​ການ​ເລືອກ​ຕັ້ງ​ວັນ​ນີ້, ທ່ານ​ເລ​ຂາ​ທິ​ການ​ໃຫຍ່​ສະ​ພາ​ແຫ່ງຊາດ​ຫວຽດ​ນາມ ຫງວຽນ​ແຫ້ງ​ຟຸກ ໃຫ້​ຮູ້​ວ່າ : 

     “ ສັງ​ລວມ​ແລ້ວ, ທົ່ວ​ປະ​ເທດ​ມີ ຜູ້​ມີ​ສິດ​ເລືອກ​ຕັ້ງ​ເກືອບ 70% ໄປ​ປ່ອນ​ບັດ. ນີ້​ແມ່ນ​ຕົວ​ເລກ​ທີ່​ໄດ້​ລາຍ​ງານ​ໃນ​ເວ​ລາ 9ໂມງ 30ນາ​ທີ່. ມີບັນ​ດາ​ທ້ອງ​ຖິ່ນ​ແມ່ນ 100%. ຢູ່​ຮ່າ​ໂນ້ຍ​ມີ​ບາງ​ຫົວ​ໜ່ວຍ​ເລືອກ​ຕັ້ງ​ບັນ​ລຸ 100%. ເບິ່ງ​ລວມ​ແລ້ວ ການ​ເລືອກ​ຕັ້ງ​ໃນ​ທົ່ວ​ປະ​ເທດ​ໄດ້​ດຳ​ເນີນ​ໄປ​ດ້ວຍ​ດີ ”

 

ຂ່າວ/ບົດ​ອື່ນ