ທ່ານ​ນາ​ຍົກ​ລັດ​ຖະ​ມົ​ນ​ຕີ ຫງວຽ​ນ​ຊວັນ​ຟຸກ​ເຂົ້າ​ຮ່ວມກອງ​ປະ​ຊຸມ​ສົ່ງ​ເສີມ​ການ​ລົງ​ທຶນ ແຂວງ ກ໋ວ​າງ​ງາຍ​ປີ 2019

(VOVWORLD) - ຕອນບ່າຍວັນທີ 2 ກໍລະກົດ, ຢູ່ນະຄອນຫຼວງ ກ໋ວາງງາຍ, ທ່ານນາຍົກລັດຖະມົນຕີ ຫງວຽນຊວັນຟຸກໄດ້ເຂົ້າຮ່ວມກອງປະຊຸມສົ່ງເສີມການລົງທຶນຢູ່ ແຂວງ ກ໋ວາງງາຍ, ເຊິ່ງເປັນເຫດການໜຶ່ງນອນໃນບັນດາເຫດການສະເຫຼີມສະຫຼອງ  30 ປີແຫ່ງວັນສ້າງແຂວງ ກ໋ວາງງາຍ ຄືນໃໝ່ (ວັນທີ 1 ກໍລະກົດ 1989 - ວັນທີ 1 ກໍລະກົດ 2019). 
ທ່ານ​ນາ​ຍົກ​ລັດ​ຖະ​ມົ​ນ​ຕີ ຫງວຽ​ນ​ຊວັນ​ຟຸກ​ເຂົ້າ​ຮ່ວມກອງ​ປະ​ຊຸມ​ສົ່ງ​ເສີມ​ການ​ລົງ​ທຶນ ແຂວງ ກ໋ວ​າງ​ງາຍ​ປີ 2019 - ảnh 1ທ່ານນາຍົກລັດຖະມົນຕີ ຫງວຽນຊວັນຟຸກ ແລະ ບັນດາຜູ້ແທນເຂົ້າຮ່ວມ ກອງປະຊຸມ (ພາບ: TTXVN)

ກອງປະຊຸມມີການເຂົ້າຮ່ວມຂອງການນຳບັນດາກະຊວງ, ຂະແໜງການ ແລະ ບັນດາຜູ້ແທນ 500 ທ່ານເຊິ່ງແມ່ນບັນດາວິສາຫະກິດຢູ່ພາຍໃນປະເທດ ແລະ ສາກົນ, ນີ້ແມ່ນເຫດການເພື່ອໃຫ້ ກ໋ວາງງາຍ ແນະນຳ ຄວາມສາມາດບົ່ມຊ້ອນ, ທ່າແຮງ ຂອງແຂວງໃຫ້ແກ່ບັນດານັກລົງທຶນ. ທ່ານ ເຈິ່ນງອກກັງ, ປະທານຄະນະກຳມະການປະຊາຊົນແຂວງໃຫ້ຮູ້ວ່າ: ດ້ວຍຫົວຂໍ້ “ກ໋ວາງງາຍ - ຮ່ວມເດີນທາງພ້ອມກັບບັນດາວິສາຫະກິດ”, ການນຳແຂວງໃຫ້ຮູ້ວ່າຈະຮ່ວມເດີນທາງໃນການແກ້ໄຂບັນດາຄວາມຫຍຸ້ງຍາກ, ຂໍ້ຄົງຄ້າງຂອງວິສາຫະກິດ, ຖືຜົນສຳເລັດຂອງວິສາຫະກິດແມ່ນຜົນສຳເລັດຂອງແຂວງກ໋ວາງງາຍ. ທີ່ກອງປະຊຸມ, ທາງແຂວງໄດ້ຈັດພິທີການລົງນາມຂໍ້ຕົກລົງການລົງທຶນ, ມອບໃບຢັ້ງຢືນລົງທະບຽນການລົງທຶນ, ຕັດສິນແຜນນະໂຍບາຍໃນການລົງທຶນ, ຂໍ້ຕົກລົງການລົງທຶນ.

ຕອບກັບ

ຂ່າວ/ບົດ​ອື່ນ