ບັນດາການເຄື່ອນໄຫວຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ກູບາ

(VOVWORLD) - ຕອນບ່າຍວັນທີ 29 ມີນາ (ຕາມເວລາທ້ອງຖິ່ນ), ພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ຈັດຕັ້ງຢ່າງສົມກຽດຕາມພິທີການທູດທີ່ສະຫງວນໃຫ້ແກ່ປະມຸກລັດ, ຢູ່ຫໍປະຕິວັດທີ່ນະຄອນຫລວງ ລາຮາວານ.

ພາຍຫລັງພິທີຕ້ອນຮັບຢ່າງເປັນທາງການ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ພົບປະເຈລະຈາກັບທ່ານ Raul Castro Ruz, ເລຂາທີໜຶ່ງຄະນະບໍລິຫານງານສູນກາງພັກກອມມູນິດກູບາ, ປະທານສະພາແຫ່ງລັດ ແລະ ສະພາລັດຖະມົນຕີກູບາ.

ບັນດາການເຄື່ອນໄຫວຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ກູບາ - ảnh 1 ພິທີຕ້ອນຮັບທ່ານເລຂາທິການໃຫຍ່ ຫງວຽນຟຸ໋ຈ້ອງ

        ທີ່ການພົບປະເຈລະຈາ, ການນຳ 2 ທ່ານຢືນຢັນວ່າ: ສາຍພົວພັນແບບພິເສດລະຫວ່າງ ກູບາ ແລະ ຫວຽດນາມ ໂດຍປະທານ ໂຮ່ຈີມິນ ແລະ ການນຳ Fidel Castro ໄດ້ເພີ່ມພູນຄູນສ້າງແມ່ນຊັບສົມບັດອັນລ້ຳຄ່າຂອງ 2 ພັກ, 2 ລັດ ແລະ ປະຊາຊົນ 2 ປະເທດ; ພ້ອມທັງ ເນັ້ນໜັກເຖິງ 2 ຝ່າຍຄວນສູ້ຊົນຢ່າງບໍ່ຢຸດຢັ້ງ ເພື່ອປົກປັກຮັກສາ, ເພີ່ມພູນຄູນສ້າງ ແລະ ສືບທອດໃຫ້ຄົນລຸ້ນຫລັງ.

        ເມື່ອແລກປ່ຽນກ່ຽວກັບການພົວພັນ 2 ຝ່າຍ, ການນຳ 2 ທ່ານໄດ້ເຫັນດີເປັນເອກະພາບເພີ່ມທະວີການແລກປ່ຽນ, ພົບປະຂັ້ນສູງ, ຍົກສູງຄຸນນະພາບ, ປະສິດທິຜົນບັນດາກົນໄກຮ່ວມມື, ປະຕິບັດບັນດາຂໍ້ຕົກລົງທີ່ໄດ້ລົງນາມເປັນຢ່າງດີ.

        ກ່ຽວກັບການຮ່ວມມືດ້ານເສດຖະກິດ, ການນຳ 2 ທ່ານໄດ້ເຫັນດີເປັນເອກະສັນນຳກັນວ່າຈະຮ່ວມມືຢ່າງແໜ້ນແຟ້ນ, ພ້ອມກັນມານະພະຍາຍາມຢ່າງມີຫົວຄິດປະສິດສ້າງ, ຊອກຫາບັນດາມາດຕະການທີ່ເໝາະສົມກັບສະພາບຕົວຈິງຢູ່ແຕ່ລະປະເທດ ເພື່ອນຳການພົວພັນເສດຖະກິດ 2 ປະເທດໃຫ້ບັນລຸໄດ້ບາດກ້າວພັດທະນາຢ່າງຕັ້ງໜ້າ, ແທດຈິງ, ມີປະສິດທິຜົນກ່ວາ, ເໝາະສົມກັບການພົວພັນດ້ານການເມືອງ ແລະ ຄວາມສາມາດບົ່ມຊ້ອນ ຮ່ວມມືຂອງ 2 ປະເທດ.

        ການນຳ 2 ທ່ານໄດ້ສະແດງຄວາມເພິ່ງພໍໃຈຕໍ່ຄວາມຄ້າຍຄືກັນໃນຫຼັກໝັ້ນຂອງ 2 ປະເທດສຳລັບບັນດາບັນຫາສາກົນ; ເຫັນດີເປັນເອກະພາບສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາອົງການຈັດຕັ້ງສາກົນ ແລະ ເວທີປາໄສຫລາຍຝ່າຍ ເຊິ່ງ 2 ປະເທດເປັນສະມາຊິກ.

        ແລະກໍ່ໃນຕອນບ່າຍວັນທີ 29 ມີນາ (ຕາມເວລາທ້ອງຖິ່ນ) ທີ່ຫໍປະຕິວັດຢູ່ນະຄອນຫລວງ ລາຮາວານ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ຕາງໜ້າການນຳພັກ, ລັດປະດັບຫຼຽນໄຊດາວຄຳໃຫ້ທ່ານ Raul Castro Ruz. ນີ້ແມ່ນລາງວັນອັນສູງສົ່ງຂອງພັກ, ລັດ ຫວຽດນາມ ມອບໃຫ້ທ່ານ Raul Castro Ruz ເພື່ອແນໃສ່ຮັບຮູ້ບັນດາຄຸນງາທຄວາມດີອັນໃຫຍ່ຫລວງພິເສດ, ດີເລີດຂອງທ່ານໃນການປັບປຸງ, ພັດທະນາສາຍພົວພັນສາມັກຄີແບບພິເສດລະຫວ່າງ 2 ພັກ, 2 ລັດ, 2 ລັດຖະບານ ແລະ ປະຊາຊົນ 2 ປະເທດ.

        ໃນຂອບເຂດການຢ້ຽມຢາມທາງລັດຖະກິດຢູ່ປະເທດສາທາລະນະລັດ ກູບາ, ຕອນທ່ຽງວັນທີ 29 ມີນາ (ຕາມເວລາທ້ອງຖິ່ນ), ທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມພິທີອັດການພົບປະກັບລຸ້ນໜຸ່ມ ຫວຽດນາມ - ກູບາ ແລະ ປະດັບຫຼຽນໄຊມິດຕະພາບໃຫ້ບັນດາອະດີດນັກຊ່ຽວຊານການທະຫານ ກູບາ.

ບັນດາການເຄື່ອນໄຫວຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ກູບາ - ảnh 2 ທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມພິທີອັດການພົບປະກັບລຸ້ນໜຸ່ມ ຫວຽດນາມ - ກູບາ

        ກ່າວຄຳເຫັນຕໍ່ໜ້າຊາວໜຸ່ມ 2 ປະເທດເປັນຈຳນວນຫລວງຫລາຍ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ປາດຖະໜາວ່າ:

        “ໂດຍແມ່ນເຈົ້າຂອງປະເທດ ຫວຽດນາມ ແລະ ກູບາ ໃນອະນາຄົດ ລຸ້ນໜຸ່ມໃນວັນນີ້ມີພາລະກຳປະຫວັດສາດຍິ່ງໃຫຍ່ທີ່ສຸດ ແມ່ນສືບຕໍ່ດ້ວຍຄວາມຈົ່ງຮັກພັກດີ, ໃຫ້ສົມກັບພາລະກິດການປະຕິວັດຂອງລຸ້ນພໍ່ລຸ້ນອ້າຍ, ສືບຕໍ່ບາດກ້າວປະຕິບັດສຳເລັດພາລະກິດສ້າງສາລັດທິສັງຄົມນິຍົມຢູ່ແຕ່ລະປະເທດ

ບັນດາການເຄື່ອນໄຫວຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ກູບາ - ảnh 3

         ເນື່ອງໃນໂອກາດນີ້, ທ່ານນາງຮອງປະທານຜູ້ປະຈຳການສະພາແຫ່ງຊາດ ຕ່ອງທິຟ໋ອງ ແລະ ທ່ານກຳມະການກົມການເມືອງ, ຮອງປະທານທີໜຶ່ງສະພາແຫ່ງລັດ ແລະ ສະພາລັດຖະມົນຕີ Miguel Diaz-Canel Bermudez ໄດ້ປະດັບຫຼຽນໄຊມິດຕະພາບ, ເຊິ່ງແມ່ນລາງວັນອັນສູງສົ່ງຂອງລັດ ຫວຽດນາມ ມອບໃຫ້ພົນທະຫານ ກູບາ 5 ຄົນ ທີ່ປະຕິບັດພັນທະສາກົນຢູ່ ຫວຽດນາມ ໃນການຕໍ່ຕ້ານ, ຕ້ານ ອາເມລິກາ.

        ເນື່ອງໃນໂອກາດການມາຢ້ຽມຢາມທາງລັດຖະກິດຢູ່ ສ.ກູບາ ຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ແຕ່ວັນທີ 28 – 30 ມີນາ ຕາມຄຳເຊີນຂອງທ່ານເລຂາທິການຜູ້ທີໜຶ່ງຄະນະບໍລິຫານງານສູນກາງພັກກອມມູນິດ ກູບາ, ປະທານສະພາແຫ່ງລັດ ແລະ ສະພາລັດຖະມົນຕີ Raul Castro Ruz, 2 ຝ່າຍໄດ້ອອກຖະແຫຼງການຮ່ວມ. ຖະແຫຼງການຮ່ວມຊີ້ແຈ້ງວ່າ: 2 ຝ່າຍຖືວ່າ: ເລື່ອງເປີດກ້ວາງ, ຮັດແໜ້ນ ແລະ ເຮັດໃຫ້ການພົວພັນສາມັກຄີ, ຖານສະຫາຍອ້າຍນ້ອງ ແລະ ການຮ່ວມມືຮອບດ້ານລະຫວ່າງ 2 ປະເທດໃຫ້ເລິກເຊິ່ງ ເພື່ອແນໃສ່ປະກອບສ່ວນຢ່າງຕັ້ງໜ້າໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດຢູ່ແຕ່ລະປະເທດ, ສ້າງສັນຕິພາບ, ສະຖຽນລະພາບ ແລະ ການພັດທະນາຢູ່ແຕ່ລະພາກພື້ນ ແລະ ໃນໂລກ.

ບັນດາການເຄື່ອນໄຫວຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ກູບາ - ảnh 4 ທ່ານ ຫງວຽນຟຸ໋ຈ້ອງ ແລະ ທ່ານ Raul Castro Ruz (ພາບ: TTXVN)

         ການນຳ 2 ທ່ານໄດ້ເຫັນດີເປັນເອກະພາບໂດຍຖືວ່າ: ໃນສະພາວະປັດຈຸບັນ, ເມື່ອ ຫວຽດນາມ ພວມຍູ້ແຮງພາລະກິດປ່ຽນແປງໃໝ່ ແລະ ກູບາ ພວມຕັ້ງໜ້າຜັນຂະຫຍາຍແນວທາງພັດທະນາຮູບແບບການພັດທະນາເສດຖະກິດ, ສັງຄົມນິຍົມ, 2 ຝ່າຍຄວນຮັກສາບັນດາການພົບປະຢູ່ທຸກຂັ້ນເປັນປະຈຳ.

        2 ຝ່າຍເນັ້ນໜັກເຖິງຄວາມສຳຄັນຂອງບັນດາກົນໄກຮ່ວມມື 2 ຝ່າຍຄື: ຕົກລົງແລກປ່ຽນ ແລະ ຮ່ວມມືລະຫວ່າງພັກກອມມູນິດ ຫວຽດນາມ ແລະ ພັກກອມມູນິດ ກູບາ; ກອງປະຊຸມສຳມະນາທິດສະດີລະຫວ່າງ 2 ພັກ; ຄະນະກຳມະການລະຫວ່າງລັດຖະບານກ່ຽວກັບການຮ່ວມມືເສດຖະກິດ, ວິທະຍາສາດ ແລະ ເຕັກນິກ, ທາບທາມຄຳເຫັນດ້ານການເມືອງລະຫວ່າງ 2 ກະຊວງການຕ່າງປະເທດ.

        ການນຳ 2 ທ່ານໄດ້ສະແດງຄວາມເພິ່ງພໍໃຈຕໍ່ຄວາມຄ້າຍຄືກັນ ໃນຫຼັກໝັັ້ນຂອງ 2 ປະເທດສຳລັບບັນດາບັນຫາສາກົນ; ເນັ້ນໜັກເຖິງບັນດາການຂັດແຍ້ງສາກົນ ຄວນໄດ້ຮັບການແກ້ໄຂໂດຍສັນຕິວິທີ, ບົນພື້ນຖານເຄົາລົບກົດໝາຍສາກົນ, ກົດບັດສະຫະປະຊາຊາດ, ເຄົາລົບບັນດາຫຼັກການເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ.

        ການນຳ 2 ທ່ານເຫັນດີເປັນເອກະສັນ ສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາອົງການຈັດຕັ້ງສາກົນ ແລະ ເວທີປາໄສຫລາຍຝ່າຍ ເຊິ່ງ 2 ປະເທດເປັນສະມາຊິກ, ເປັນຕົ້ນແມ່ນຢູ່ສະຫະປະຊາຊາດ.

ຕອບກັບ

ຂ່າວ/ບົດ​ອື່ນ