ວັນສາກົນລົບລ້າງອາວຸດນິວເຄຼຍໃຫ້ໝົດກ້ຽງ: ສປຊຮຽກຮ້ອງໃຫ້ມີປະຕິກິລິຍາທົ່ວໂລກເພື່ອລົບລ້າງນິວເຄຼຍ

(VOVWORLD) -ໂລກອາດຈະມີຄວາມປອດໄພຖ້າຫາກບໍ່ມີອາວຸດນິວເຄຼຍ. ນີ້ແມ່ນສານຂອງທ່ານເລຂາທິການໃຫຍ່ Antonio Guterres ເນື່ອງໃນໂອກາດສະຫະປະຊາຊາດ ສະເຫຼີມສະຫຼອງວັນສາກົນລົບລ້າງອາວຸດນິວເຄຼຍໃຫ້ໝົດກ້ຽງ.

ວັນສາກົນລົບລ້າງອາວຸດນິວເຄຼຍໃຫ້ໝົດກ້ຽງ: ສປຊຮຽກຮ້ອງໃຫ້ມີປະຕິກິລິຍາທົ່ວໂລກເພື່ອລົບລ້າງນິວເຄຼຍ - ảnh 1 ທ່ານເລຂາທິການໃຫຍ່ Antonio Guterres

(ພາບ: THX/TTXVN)

ກ່າວຄຳເຫັນໃນພິທີສະເຫຼີມສະຫຼອງວັນສາກົນລົບລ້າງອາວຸດນິວເຄຼຍໃຫ້ໝົດກ້ຽງ ໂດຍສະມັດຊາໃຫຍ່ສະຫະປະຊາຊາດ ຈັດຕັ້ງ, ທ່ານເລຂາທິການໃຫຍ່ Guterres ເວົ້າວ່າ: “ໂລກປອດອາວຸດນິວເຄຼຍແມ່ນວິໄສທັດທົ່ວໂລກ ຮຽກຮ້ອງໃຫ້ມີປະຕິກິລິຍາທົ່ວໂລກ”. ຕາມຜູ້ນຳໜ້າສະຫະປະຊາຊາດແລ້ວ, ເຖິງວ່າມະນຸດເດີນຕາມເປົ້າໝາຍສ້າງໂລກຄືແນວນັ້ນ, ແຕ່ຫວ່າງມໍ່ໆມານີ້ໄດ້ເກີດມີສິ່ງທ້າທາຍຫຼາຍຢ່າງ, ໃນນັ້ນມີບັນດາເຫດທົດລອງນິວເຄຼຍ ແລະ ລູກສອນໄຟຂອງສປປ.ເກົາຫຼີ. ສະນັ້ນ, ທ່ານເລຂາທິການໃຫຍ່ Guterres ເນັ້ນໜັກວ່າ, ບັນດາປະເທດມີອາວຸດນິວເຄຼຍຕ້ອງມີຄວາມຮັບຜິດຊອບພິເສດ, ຕ້ອງນຳໜ້າດ້ວຍບັນດາມາດຕະການຢ່າງລະອຽດ, ໃນນັ້ນມີບັນດາບາດກ້າວໄດ້ຮັບຄວາມເຫັນດີໃນບັນດາກອງປະຊຸມທີ່ແຕກຕ່າງກັນ ເພື່ອແນໃສ່ຕີລາຄາຄືນສົນທິສັນຍາຫ້າມແຜ່ຂະຫຍາຍອາວຸດນິວເຄຼຍ (NPT).

ຕອບກັບ

ຂ່າວ/ບົດ​ອື່ນ