ສະພາຄວາມໝັ້ນຄົງສະຫະປະຊາຊາດຮຽກຮ້ອງການເຈລະຈາ,ຫຼຸດຜ່ອນຄວາມເຄັ່ງຕຶງຢູ່ເຂດອ່າວເປີເຊຍ

(VOVWORLD) -ສິ້ນສຸດກອງປະຊຸມປຶກສາຫາລືລັບຕາມຂໍ້ສະເໜີຂອງຝ່າຍອາເມລິກາ, ວັນທີ 24 ມິຖຸນາ, ສະພາຄວາມໝັ້ນຄົງສະຫະປະຊາຊາດ ໄດ້ຮຽກຮ້ອງການເຈລະຈາ ແລະ ດຳເນີນບັນດາມາດຕະການ ເພື່ອແນໃສ່ຢຸດຕິຄວາມເຄັ່ງຕຶງຢູ່ເຂດອ່າວເປີເຊຍ.

ຄຳຮຽກຮ້ອງດັ່ງກ່າວຖືກຍົກອອກມາໃນສະພາບທີ່ອາເມລິກາ ຈັດວາງບັນດາມາດຕະການລົງໂທດໃໝ່ ແນໃສ່ຕ້ານຄືນ ອີຣານ.

        ຕາມຖະແຫຼງການກອງປະຊຸມແລ້ວ, ສະພາຄວາມໝັ້ນຄົງໄດ້ຢືນຢັນວ່າ ບັນດາຝ່າຍຄວນຖອຍອອກຈາກການປະເຊີນໜ້າດ້ານການທະຫານ, ພ້ອມທັງກ່າວປະນາມບັນດາເຫດບຸກໂຈມຕີແນໃສ່ກ່ຳປັ່ນຂົນສົ່ງນ້ຳມັນຫວ່າງມໍ່ໆມານີ້, ຖືນີ້ແມ່ນໄພນາບຂູ່ສຳລັບແຫຼ່ງສະຫຼອງພະລັງງານໃຫ້ແກ່ໂລກ, ກໍຄືສັນຕິພາບ ແລະ ຄວາມໝັ້ນຄົງສາກົນ.

        ຖະແຫຼງການກໍ່ຮຽກຮ້ອງໃຫ້ທຸກໆຝ່າຍທີ່ກ່ຽວຂ້ອງ ແລະ ບັນດາປະເທດໃນພາກພື້ນຕ້ອງລະງັບໃຈຢ່າງສຸດຂີດ, ປະຕິບັດບັນດາມາດຕະການ ແລະ ການກະທຳເພື່ອຫຼຸດຜ່ອນຄາມເຄັ່ງຕຶງ; ກະຕຸກຊຸກຍູ້ການແກ້ໄຂຄວາມແຕກຕ່າງໂດຍສັນຕິວິທີ ແລະ ຜ່ານການເຈລະຈາ.

ຕອບກັບ

ຂ່າວ/ບົດ​ອື່ນ