ໂຊມາລີ, ອີຢູໃຫ້ຄຳໝັ້ນສັນຍາຊຸກຍູ້ການຮ່ວມມືຕ້ານໂຈນສະລັດ

(VOVWORLD)-ລັດຖະບານໂຊມາລີ ແລະ ສະຫະພາບເອີລົບ (ອີຢູ) ໄດ້ຈັດການເຈລະຈາກ່ຽວກັບການເພີ່ມທະວີຄວາມໝັ້ນຄົງໃນການເດີນທະເລຂອງປະເທດເຂດອາພິຣກການີ້ ເພື່ອແນໃສ່ຕ້ານໂຈນສະລັດ ໂຊມາລີ ທີ່ພວມມີສັນຍານກັບຕ່າວຄືນມາ. 
ໂຊມາລີ, ອີຢູໃຫ້ຄຳໝັ້ນສັນຍາຊຸກຍູ້ການຮ່ວມມືຕ້ານໂຈນສະລັດ - ảnh 1 (ພາບປະກອບ: EPA/TTXVN)

ວັນທີ 08 ພຶດສະພາ, ທ່ານນາຍົກລັດຖະມົນຕີໂຊມາລີ Hassan Ali Khaire ແລະ ທ່ານເອກອັກຄະລັດຖະທູດອີຢູ ປະຈຳໂຊມາລີ Veronique Lorenzo ພ້ອມກັນເຂົ້າຮ່ວມເຫດການໂດຍກອງທັບເຮືອອີຢູ ຈັດຕັ້ງຢູ່ກ່ຳປັ່ນ ESPS Galicia. 2 ຝ່າຍໄດ້ປຶກສາຫາລືບັນດາມາດຕະການເພື່ອໃຫ້ອີຢູ ສາມາດໜູນຊ່ວຍລັດຖະບານໂຊມາລີ ຄວບຄຸມຄວາມໝັ້ນຄົງໃນການເດີນທະເລຂອງປະເທດນີ້ຢ່າງມີປະສິດທິຜົນທີ່ສຸດ. 2 ຝ່າຍໄດ້ເນັ້ນໜັກເຖິງການຮ່ວມມືຕ້ານໂຈນສະລັດລະຫວ່າງອີຢູ ແລະ ລັດຖະບານໂຊມາລີ.

ຕອບກັບ

ຂ່າວ/ບົດ​ອື່ນ