ອະສັງຫາລິມະຊັບ ຈຸດພົ້ນເດັ່ນໃນການລົງທຶນຂອງສິງກະໂປຢູ່ຫວຽດນາມ

17 ມີນາ 2017 - 14:35:03

(vovworld)- ການ​ພົວ​ພັນ​ລະ​ຫວ່າງ ຫວຽດ​ນາມ ແລະ ສິງ​ກະ​ໂປ ໄດ້​ພັດ​ທະ​ນາ​ຢ່າງບໍ່​ຢ​ຸດຢັ້ງ ນັບ​ແຕ່​ເມື່ອ​ສອງ​ປະ​ເທດ​ສ້າງ​ການ​ພົວ​ພັນ​ສອງ​ຝ່າຍ ໃນ​ວັນ​ທ​ີ 1/8/1973. ຜ່ານກວ່າ 4 ທົດ​ສະ​ວັດ​ທີ່​ສອງ​ປະ​ເທດ​ໄດ້ຮ່ວມ​ແຮງ​ຮ່ວມ​ໃຈ, ໄລ່​ມາ​ຮອດ​ເດືອນ 6/2016, ສິງ​ກະ​ໂປ ໄດ້​ກາຍ​ເປັນ​ນັກ​ລົງ​ທຶນ FDI ໃຫ​ຍ່​ອັນ​ດັບ 3 ໃນ​ຈຳ​ນວນກວ່າ 160 ປະ​ເທດ​ມີ​ການ​ລົງ​ທຶນ​ຢູ່​ຫວຽດ​ນາມ ພ້ອມ​ທັງ​ແມ່ນ​ນັກ​ລົງ​ທຶນ​ອັນ​ດັບ​ຫ​ນຶ່ງ​ໃນ​ພາກ​ພື້ນ ອາ​ຊຽນ ຢູ່ ຫວຽດ​ນາມ. ກະ​ແສ​ທຶນ FDI ຈາກ ສິງ​ກະ​ໂປ ປະ​ຈຸ​ບັນ​ແມ່ນ​ລົງ​ທຶນ​ເຂົ້າ​ບັນ​ດາ​ຂະ​ແຫນງ​ເສດ​ຖະ​ກິດ ຢູ່ ຫວຽດ​ນາມ. ໃນ​ນັ້ນ ອະ​ສັງ​ຫາ​ລິ​ມະ​ຊັບ​ໄດ້​ຮັບ​ຖື​ວ່າ ແມ່ນ​ຂົງ​ເຂດ​ມີ​ຄວາມ​ສາ​ມາດ​ບົ່ມ​ຊ້ອນ​ແຖວ​ຫ​ນ້າ ຊື່ງ​ບັນ​ດາ​ນັກ​ລົງ​ທຶນ​ສິງ​ກະ​ໂປ​ມຸ່ງ​ໄປ​ເຖິງ. ບົດ​ຂຽນ​ຂອງ​ນັກ​ຂ່າວ ຮ່​ວາງ​ຫາຍ.

ອະສງຫາລມະຊບ ຈດພນເດນໃນການລງທນຂອງສງກະໂປຢຫວຽດນາມ hinh 0
​ເຂດ​ອຸດ​ສາ​ຫະ​ກຳ ຫວຽດ​ນາມ - ສິງ​ກະ​ໂປ (VSIP ) ຢູ່​ແຂວງ​ບີງ​ເຢືອງ
​ພາບ:baokinhte

        ຕາມ​ການ​ສະ​ຖິ​ຕິ ​ຂອງຫ​ນັງ​ສື​ພິມ​ລົງ​ທຶນ​ຫວຽດ​ນາມ​ແລ້ວ, ໄລ່​ມາ​ຮອດ​ເດືອນ 6/2016 ໃນ​ຈຳ​ນວນວິ​ສາ​ຫະ​ກິດ​ສິງ​ກະ​ໂປ 10 ແຫ່ງ​ລົງ​ທຶນ​ຢູ່​ຫວຽດ​ນາມ ມີ 5 ແຫ່ງ​ແມ່ນ​ລົງ​ທຶນ​ໃນ​ຂົງ​ເຂດ​ອະ​ສັງ​ຫາ​ລິ​ມະ​ຊັບ. ຍອດ​ຈຳ​ນວນ​ທຶນ​ຈົດ​ທະ​ບຽນ FDI ຂອງ​ສິງ​ກະ​ໂປ ຢູ່​ຫວຽດ​ນາມ​ໄລ່​ມາ​ຮອດ​ຈຸດ​ເວ​ລາ​ດັ່ງ​ກ່າວ​ແມ່ນ​ບັນ​ລຸ​ເກືອບ 38 ຕື້ USD, ໃນ​ນັ້ນ​ການ​ເຄື່ອນ​ໄຫວ​ດຳ​ເນີນ​ທຸ​ລະ​ກິດ​ອະ​ສັງ​ຫາ​ລິ​ມະ​ຊັບ​ດຶງ​ດູດ ​ໄດ້11 ຕື້ USD, ກວມ​ເກືອບ 30% ຍອດ​ຈຳ​ນວນ​​ເງິນ​ລົງທຶນ, ພຽງ​ຖັດ​ຈາກ​ຂົງ​ເຂດ​ອຸດ​ສາ​ຫະ​ກຳ​ຜະ​ລິດ​ແລະ​ປຸ້ງ​ແຕ່ງ. ຂົງ​ເຂດ​ທຳ​ອິດ​ຊື່ງ​ນັກ​ລົງ​ທຶນ​ພັດ​ທະ​ນາ​ອະ​ສັງ​ຫາ​ລິ​ມະ​ຊັບ​ສິງ​ກະ​ໂປ​ເລືອກ​ເຟັ້ນ​ແມ່ນ​ພື້ນ​ຖານ​ໂຄງ​ລ່າງ​ເຂດ​ອຸດ​ສາ​ຫະ​ກຳ ແລະ ​ປະ​ສົ​ບ​ຜົນ​ສຳ​ເລັດ​ທີ່​ສຸດ​ແມ່ນ​ໂຄງ​ການ​ເຂດ​ອຸດ​ສາ​ຫະ​ກຳ ຫວຽດ​ນາມ - ສິງ​ກະ​ໂປ (VSIP), ໄດ້​ຮັບ​ຖື​ວ່າ​ແມ່ນ​ສັນ​ຍາ​ລັກ​ຂອງ​ໄມ​ຕີ​ຈິດ​ມິດ​ຕະ​ພາບ ແລະ ການ​ພົວ​ພັນ​ຮ່ວມ​ມື​ອັນ​ດີ​ງາມ​ລະ​ຫວ່າງ​ສອ​ງ​ປະ​ເທດ.

        ໂຄງ​ການ​ເຂດ​ອຸດ​ສາ​ຫະ​ກຳ VSIP ແຫ່ງ​ທຳ​ອິດ ໂດຍ​ແມ່ນ​ບໍ​ລິ​ສັດ​ພັດ​ທະ​ນາ Sembcorp ສິງ​ກະ​ໂປ​ເລີ່ມ​ລົງ​ມືກໍ່​ສ້າງ​ເມື່ອ​ປີ 1996 ຢູ່ ແຂວງ ບີງ​ເຢືອງ. ຜ່ານ​ໄລ​ຍະ​ກວ່າ 20 ປີ, ປະ​ຈຸ​ບັນ ມີ​ໂຄງ​ການ VSIP 7 ໂຄງ​ການ​ຢູ່ 3 ພາກ​ຄື: ພາກ​ກາງ, ພາກ​ເຫ​ນືອ, ພາກ​ໃຕ້​ຂອງ​ຫວຽດ​ນາມ. ບັນ​ດາ​ເຂດ​ອຸດ​ສາ​ຫະ​ກຳ​ນີ້​ດຶງ​ດູດຍອດ​ຈຳ​ນວນ​ເງິນ​ລົງ​ທຶນ​ຂຶ້ນ​ເຖິງ 9 ຕື້ USD ຈາກກວ່າ 630 ບໍ​ລິ​ສັດ​ນາໆ​ຊາດ, ໃນ​ນັ້ນ ມ​ີ​ຫລາຍ​ກຸ່ມ​ບໍ​ລິ​ສັ​ດ​ໃຫ​ຍ່​ໃນ​ໂລກ​ຄື: Microsoft, Pepsi, Unilever… ຄຽງ​ຂ້າງນັ້ນ, VSIP ກໍ​ປະ​ສົບ​ຜົນ​ສຳ​ເລັດ​ເມື່ອ​ປະ​ກອບ​ສ່ວນ​ປົວ​ແປງ​ຊີ​ວິດ​ການ​ເປັນ​ຢູ່​ໃຫ້​ປະ​ຊາ​ຊົນ​ທ້ອງ​ຖິ່ນ, ສ້າງວຽກ​ເຮັດ​ງານ​ທຳ​ໃຫ້​ຄົນ​ງານກວ່າ 174.000 ຄົນ. ທ່ານ ຫງວ​ຽນ​ດືກ​ກາວ, ຮອງ​ຜູ້​ອຳ​ນວຍ​ການ ຄະ​ນະ​ຄຸ້ມ​ຄອງ​ເຂດ​ອຸດ​ສາ​ຫະ​ກຳ VSIP ບັກ​ນີງ ໃຫ້​ຮູ້​ວ່າ​:

        “Sembcorp ແມ່ນ​ນັກ​ລົງ​ທຶນ​ມີ​ປະ​ສົບ​ການ​​​ຫລາຍ​ທີ່​ສຸດໃນ​ການ​ລົງ​ທຶນ​ເຂົ້າ​ເຂດ​ອຸດ​ສາ​ຫະ​ກຳ, ປະ​ຕິ​ບັດ​ຢ່າງ​ເຂັ້ມ​ງວດ​ບັນ​ດາ​ກົດ​ໝາຍ​ກ່ຽວ​ກັບ​ການກໍ່​ສ້າງ, ສິ່ງ​ແວດ​ລ້ອມ. ເຂົາ​ເຈົ້າ​ກໍ​ນຳ​ມາ​ໃຫ້​ຈີນ​ຕະ​ນາ​ການ​ໃຫມ່​ໃຫ້​ແກ່​ບັນ​ດາ​ນັກ​ຄຸ້ມ​ຄອງ​ຫວຽດ​ນາມ ພ້ອມ​ທັງ​ປະ​ກອບ​ສ່ວນ​ເຮັດ​ໃຫ້​ເຄື່ອງ​ໝາຍ​ແຂວງ ບັກ​ນີງ ແຜ່​ລາມ​ອອກ​ສູ່​ທົ່ວ​ໂລກ.”

ອະສງຫາລມະຊບ ຈດພນເດນໃນການລງທນຂອງສງກະໂປຢຫວຽດນາມ hinh 1
​ເຂດ​ອຸດ​ສາ​ຫະ​ກຳ ຫວຽດ​ນາມ - ສິງ​ກະ​ໂປ (VSIP )  ຢູ່​ແຂວງ​ບັກ​ນີງ
ພາບ:kienthuccongnghe.

        ພາຍ​ຫລັງ​ຜົນ​ສຳ​ເລັດ​ຂອງ Sembcorp, ນັກ​ລົງ​ທຶນ​ອະ​ສັງ​ຫາ​ລິ​ມະ​ຊັບ​ທີ ລຸ້ນ​ 2 ຂອງ​ສິງ​ກະ​ໂປ​ຢູ່​ຫວຽດ​ນາມ ​ໄດ້​ສຸມ​ໃສ່​ການ​ລົງ​ທຶນກໍ່​ສ້າງ​ໂຮງ​ແຮມ​​ມີຄຸນ​ນະ​ພາບ​ສູງ ດ້ວຍ​ການ​ເຂົ້າ​ຮ່ວມ​ຂອງ​ກຸ່ມ​ບໍ​ລິ​ສັດ Capitaland ພ້ອມ​ກັບ​ຫລາຍ​ໂຄງ​ການ​ຄື:  ຮ່າ​ໂນ້ຍTower, Sofitel Plaza ຮ່າ​ໂນ້ຍ… ບັນ​ດາ​ໂຄງ​ການນີ້​ໄດ້​ປະ​ສົບ​ຜົນ​ສຳ​ເລັດ​ດ້ວຍ​ແຂກ​ມາ​ພັກ​ອາ​ໄສ​​ສ່ວນ​ຫລາຍ​ແມ່ນ​ບັນ​ດາ​ນັກ​ທຸ​ລະ​ກິດ, ນັກ​ລົ​ງ​ທຶນ​ຕ່າງ​ປະ​ເທດ​ມາ​ທຳ​ມາ​ຫາ​ກິນ​ຢູ່​ຫວຽດ​ນາມ​ໃນ​ໄລ​ຍະ​ແຕ່​ປີ 2002-2009. ພາຍ​ຫລັງ​ປະ​ສົບ​ຜົນ​ສຳ​ເລັດ​ໃນ​ຂົງ​ເຂດ​ລົງ​ທຶນ​ໂຮງ​ແຮມ​ມີ​ຄຸນ​ນະ​ພາບ​ສູງ, Capitaland ສືບ​ຕໍ່​ລົງ​ທຶນ​ໃນ​ຂົງ​ເຂດ​ເຮືອນ​ຢູ່, ເຂດ​ຕົວ​ເມືອງ. ມາ​ຮອດ​ປະ​ຈຸ​ບັນ, ກຸ່ມ​ບໍ​ລິ​ສັດ​ນີ​້​ກຳ​ມະ​ສິດ​ ອາ​ພາດ​ເມັນເກືອບ 10.000 ຫ້ອງ ຢູ່ 4 ນະ​ຄອນ​ໃຫ​ຍ່​ຂອງ​ຫວຽດ​ນາມ​ຄື ຮ່າ​ໂນ້ຍ, ນະ​ຄອນ​ໂຮ່​ຈິ​ມີນ, ດາ​ຫ​ນັງ, ຫາຍ​ຟ່ອງ.ຕາມ​ທ່ານ Chen Lian Pang, CEO Capitaland ຫວຽດ​ນາມ ໃຫ້​ຮູ້​ວ່າ: ຕະ​ຫລາດ​ຫວຽດ​ນາມ ມີ​ຄວາມ​ສະ​ດວກ​ຫລາຍ​ຢ່າງ​ເພື່ອ​ໃຫ້​ບໍ​ລິ​ສັດ​ນີ້​ຕັດ​ສິນ​ມາ​ລົງ​ທຶນ.

        “ເມື່ອ​ຕັດ​ສິນ​ລົງ​ທຶນ​ຢູ່​ຕ່າງ​ປະ​ເທດ, ພວກ​ຂ້າ​ພະ​ເຈົ້າ​ຕ້ອງ​ຄົ້ນ​ຄ້​ວາ​ກ່ຽວ​ກັບ​ບາງ​ບັນ​ຫາ. ທີ​ຫ​ນຶ່ງ ຫວຽດ​ນາມ​ມີສະ​ຖຽນ​ລະ​ພາບ​ດ້ານ​ການ​ເມືອງ. ທີ​ສອງ ພົນ​ລະ​ເມືອງ​​ປະ​ມານ 90 ລ້ານ​ຄົນ. ທີ​ສາມ ແມ່ນ​ການ​ເຕີບ​ໂຕ GDP ແລະ​ຫວຽດ​ນາມ ມີ​ລະ​ດັບ​ເຕີບ​ໂຕ​ດີ​ສົມ​ຄວນ.”

        ຄ​ຽງ​ຂ້າງ​ຄວາມ​ສະ​ດວກ, ບັນ​ດາ​ນັກ​ລົງ​ທຶນ ສິງ​ກະ​ໂປ ກໍ່​ປະ​ເຊີນ​ຫ​ນ້າ​ກັບ​ບາງ​ສິ່ງ​ທ້າ​ທາຍ. ເມື່ອ​ແບ່ງ​ປັນ​​ກ່ຽວກັບ​ບັນ​ຫານີ້, ທ່ານ Seck Yee Chung, ຮອງ​ປະ​ທານ​ສະ​ຫະ​ສະ​ມາ​ຄົມ​ວິ​ສາ​ຫະ​ກິດ​ສິງ​ກະ​ໂປ ຢູ່​ຫວຽດ​ນາມ ໃຫ້​ຮູ້​ວ່າ:

        “ກ່ອນ​ອື່ນ​ແມ່ນ​ບັນ​ຫາ​ສຳ​ຜັດ​ກັບ​ສະ​ຖານ​ທີ່​ສະ​ດວກ. ທີ​ສອງ ຕະ​ຫລາດ​ອະ​ສັງ​ຫາ​ລິ​ມະ​ຊັບ​ຢູ່​ຫວຽດ​ນາມ ນັບ​ມື້​ນັບ​​ມີ​ການແກ້ງ​ແຍ້ງ​ຢ່າງ​ແຮງ. ທີ​ສາມ ປ​ະ​ຊາ​ຊົນ​ຫວຽດ​ນາມ ເວົ້າ​ລວມ​ເຄີຍ​ມີ​ຄວາມ​ຄິດ​ວ່າ​ຢາກ​ມີ​ເຮືອນ​ຢູ່​.. ຫລື ວີ​ລາ.”

        ພາຍ​ຫລັງ​ລົງ​ທຶນ​ເຂົ້າ​ຂົງ​ເຂດ​ອຸດ​ສາ​ຫະ​ກຳ, ເຮືອນ​ຢູ່, ຕົວ​ເມືອງ, ບັນ​ດາ​ໂຄງ​ການ​ເຂດ ການ​ຄ້າ​ຄົບ​ວົງ​ຈອນ, ເຂດ​ຜັກ​ພ່ອນ​ບຳ​ລຸງ​ສຸ​ຂະ​ພາບກໍ່​ແມ່ນ​ທ່າ​ອ່ຽງ​ພວມ​ດຶງ​ດູດ​ບັນ​ດາ​ນັກ​ລົງ​ທຶນ​ສິງ​ກະ​ໂປ. ທ່ານ ຫງວຽນ​ຕຽນ​ມີງ, ​ເອກ​ອັກ​ຄະ​ລັດ​ຖະ​ທູ​ດ ຫວຽດ​ນາມ ປະ​ຈຳ​ສິງ​ກະ​ໂປ ມີ​ຄວາມ​ເຫັນ​ດີ​ກັບ​ທັດ​ສະ​ນະໂດຍ​ຖື​ວ່າ: ທ່າ​ອ່ຽງ​ລົງ​ທຶນ​ເຂົ້າ​ບັນ​ດາ​ຂົງ​ເຂດນີ້​ແມ່ນ​ມີ​ຜົນ​ປະ​ໂຫຍດ​ໃຫ້​ແກ່​ຫວຽດ​ນາມ.

        “ສິງ​ກະ​ໂປ​ແມ່ນ​ປະ​ເທດ​ພັດ​ທະ​ນາ​ຢ່າງ​ແຮງ​ກ່ຽວ​ກັບ​ຂົງ​ເຂດ​ອະ​ສັງ​ຫາ​ລິ​ມະ​ຊັບ. ປະ​ເທດ​ສິງ​ກະ​ໂປ​ມີ​ຫລາຍ​​ໂຄງ​ການ​ອະ​ສັງ​ຫາ​ລິ​ມະ​ຊັບ​ທີ່​ມີ​ຊື່​ສຽງ. ສະ​ນັ້ນ ຈະ​ເປັນ​ສິ່ງ​ທີ່​ດີ ຖ້າ​ຫາກ​ເຂົາ​ເຈົ້າ​ນຳ​ບັນ​ດາ​ຜະ​ລິດ​ຕະ​ພັນ​ເຊັ່ນ​ນັ້ນ​ເຂົ້າ​ຫວຽດ​ນາມ. ເພາະ​ວ່າ ພວກ​ເຮົາ​ມີ​ກາ​ລະ​ໂອ​ກາດ​ເພື່ອ​ຖອດ​ຖອນ​ບົດ​ຮຽນ, ເພື່ອ​ພັດ​ທະ​ນາ​ບັນ​ດາ​ຜະ​ລິດ​ຕະ​ພັນ​ອະ​ສັງ​ຫາ​ລິ​ມະ​ຊັບ, ບໍ​ລິ​ການ​ກ່ຽວ​ກັບ​ໂຮງ​ແຮມ, ການ​ທ່ອງ​ທ່ຽວ​ຂອງ​ຫວຽດ​ນາມ​ໃຫ້​ຂຶ້ນ​ສູ່​ລະ​ດັບ​ສູງ​ໃຫມ່.”

        ໃນ​ຊຸ​ມ​ປີມໍ່ໆ​ມານີ້, ກຳ​ລັງ​ຊື້​ເຮືອນ​ຢູ່​ຈາກ​ບັນ​ດາ​ໂຄງ​ການ​ອະ​ສັງ​ຫາ​ລິ​ມະ​ຊັບ​ຢູ່​ຫວຽດ​ນາມ ໂດຍ​ນັກ​ລົງ​ທຶນ ສິງ​ກະ​ໂປ​ກຳ​ມະ​ສິດ ຍັງ​ບໍ່​ທັນ​ມີ​ສັນ​ຍານ​ຫລຸດ​ລົງ​ເທື່ອ. ຕາມ​ການ​ຄາດ​ຄະ​ເນ​ແລ້ວ, ບັນ​ດາ​ວິ​ສາ​ຫະ​ກິດ​ສິງ​ກະ​ໂປ ພວມ​ກຽມ​ພ້ອມ​ແ​ຫລ່ງ​ທຶນ​ຂຶ້ນ​ເຖິງ​ແສນ USD ເພື່ອ​ສືບ​ຕໍ່​ລົງ​ທຶນ​ເຂົ້າ​ຕະ​ຫລາດນີ້ ເພື່ອ​ແນ​ໃສ່​ຮັບ​ໂອ​ກາດ​ຈາກ​ບັນ​ດາ​ສັນ​ຍາ​ການ​ຄ້າ​ເສ​ລີ​ຈະ​ມາ​ເຖິງ ຊື່ງ​ຫວຽດ​ນາມ​ເປັນ​ສະ​ມາ​ຊິກ.


ຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ

ຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ

(vovworld)-ປີ 2016 ຜ່ານ​ມາ, ສູນ​ກາງ​ຄະນະ​ຊາວ​ໜຸ່ມ​ກອມ​ມູນິດ ​ໂຮ່ຈີ​ມິນ ​ແລະ ສູນ​ກາງ​ຄະນະ​ຊາວ​ໜຸ່ມ​ປະຊາຊົນ​ປະຕິວັດ ລາວ​ໄດ້​ຈັດ​ຕັ້ງ​ການ​ເຄື່ອນ​ໄຫວ​ແທດ​ຈິງຫລາຍ​ຢ່າງ, ປະກອບສ່ວນ​ຢ່າງ​ຕັ້ງໜ້າ​ເຂົ້າ​​ໃນ​ການ​ພັດທະນາ​ນ້ຳ​ໃຈ​ມິດຕະພາບ​ແບບ​ພິ​ເສດ​ຂອງ​ປະຊາຊົນ ​ແລະ ຊາວ​ໜຸ່ມ 2 ປະ​ເທດ.ສະ​ນັ້ນ ​ໃນ​ປີ 2017 ມີ​ບັນດາ​ການ​ເຄື່ອນ​ໄຫວ​ພົ້ນ​ເດັ່ນ​​ໃດ​ແດ່ ?

ອ່ານຕໍ່