Apsara - ວາດຟ້ອນຂອງ ກຳປູເຈຍ

26 ກຸມພາ 2017 - 16:24:25

(vovworld)-​ ແຕ່​ລະ​ປະ​ເທດ​ລ້ວນ​ແຕ່​ມີ​ຮູບ​ການສິ​ລ​ະ​ປະ​ດົນ​ຕີ,​ການຮ້ອງ​ລຳ​ທຳ​ເພງ,ວາດ​ຟ້ອນ​ສະ​ເພາະ ທີ່​ເຂັ້ມ​ຂົ້ນ​ໄປ​ດ້ວຍ​ສີ​ສັນ​ວັດ​ທະ​ນະ​ທຳ​ຂອງ​ຕົນ ແລະ ​ສາ​ມາດ​ເຮັດ​ໃຫ້ນັກ​ທ່ອງ​ທ່ຽວ​ມາ​ຈາກ​ທຸກ​ສາ​ລະ​ທິດ​​ເຂົ້າ​ໃຈ​ໄດ້​ວັດ​ທະ​ນະ​ທຳຂອງ​ປະ​ເທດນັ້ນ​. ຖ້າ​ຫາກ​ຫວຽດ​ນາມ ມີ​ຕຸກ​ກະ​ຕາ​ນ້ຳ, ດົນ​ຕີ​ໃນ​ພະ​ລາດ​ຊະ​ວັງ, ໄທ ມີ​ບົດ​ລະ​ຄອນຫນ້າ​ກາກ​ໂຂນ, ອິນ​ໂດ​ເນ​ເຊຍ ມີ​ວາດ​ຟ້ອນ Saman, ສ່ວນກຳ​ປູ​ເຈຍ ແມ່ນ​ວາດ​ຟ້ອນ​ນາງ​ຟ້າ Apsara. ໃນ​ລາຍ​ການ​ຊາຍ​ຄາ​ອາ​ຊຽນ​ພາກນີ້, ພວ​ກ​ເຮົາ​ຂໍ​ແນະ​ນຳ​ວາດ​ຟ້ອນ Apsara.

apsara - ວາດຟອນຂອງ ກຳປເຈຍ hinh 0
ບັນ​ດາ​ນາງ​ສາວ​ກຳ​ປູ​ເຈຍ ສະ​ແດງ​ວາດ​ຟ້ອນApsara
ພາບ:cantho.vn

        “ຂ້າ​ພະ​ເຈົ້າ​ມີ​ຄວາມ​ປະ​ທັບ​ໃຈ​ຕໍ່​ວາດ​ຟ້ອນ  Apsara. ບັນ​ດາ​ນັກ​ຟ້ອນສະ​ແດງ​ທ່າ​ຟ້ອນ​ອັນ​ຄ່ອງ​ແຄ້ວ, ອ່ອນ​ຊ້ອຍຄື​ດັ່ງ​ບັນ​ດາ​ນາງ​​ຟ້າ​​ພວມລະ​ຫລິ້ນ​ໃນ​ສວນດອກ​ກູ​ລາບ, ກໍ່ແມ່ນ​​ບ່ອນທີ່ເຂົາ​ເຈົ້າມີຄວາມ​ງາມ​​ໃນສວນດອກ​ກຸ​ລາບນີ້ສ່ວນ​ຫນຶ່ງ. ​ດ້ວຍບັນ​ດາ​​ທ່າ​ຟ້ອນ​ອັນ​ນີ້ນວມ​ອ່ອນ​ຫວານ ແລະ ລະ​ອຽດ​ລະ​ອໍ ​ໄດ້ສະ​ແດງ​ໃຫ້​ເຫັນ​ຈຸດ​ທີ່​ເປັນ​ເອ​ກະ​ລັກ​ສະ​ເພາະ​ຂອງ​ສິ​ລະ​ປະ​ຟ້ອນApsara ບໍ່​ຄື​ບັນ​ດາ​ວາດ​ຟ້ອນ​ໃດ​ໃນ​ໂລກ.”

“ບັນ​ດາ​ນັກ​ສິ​ລະ​ປິນສ​ະ​ແດງວາດ​ຟ້ອນ​ອ່ອນ​ຊ້ອຍ​ທີ່​ສຸດ, ໃບ​ຫນ້າ​ຍີ້ມແຍ້ມ​ແຈ່ມ​ໃສ​ ​ຄື​​ດັ່ງດອກ​ໄມ້, ຮູບ​ຊົງ​​ສວຍງາມ, ພິ​ເສດ, ຊຸດ​ອາ​ພອນ​ທີ່ເຂົ​າ​ເຈົ້າ​​ນຸ່ງ ກໍ່ສ້າງ​ຄວາມ​ປະ​ທັບ​ໃຈ​ທີ່​ສຸດ.”

         ບົນ​ເວ​ທີສະ​ແດງ Chatomuk ຢູ່ ນະ​ຄອນ​ຫລວງ ພະ​ນົມ​ເປັນ, ໃນ​​​ທ່າມ​ກາງສຽງ​ດົນ​ຕີ​ຂອງວົງ​ດົນ​ຕີ “Pinpeat - ຊື່ງ​ແມ່ນ​ວົງ​ດົນ​ຕີ​ພື້ນ​ເມືອງ​ຂອງ​ຊາວ ຂະ​ແມ”, ບັນ​ດາ​ ນາງ​​ສາ​ວ​ນັກຟ້ອນ Apsara ​ນຸ່ງຊຸດ​ອາ​ພອນ​ທີ່​ສວຍ​ງາມ​ພວມ​ຍ່າງ​​ອອກ​ມາ ຈາກ​ສອງ​​ຂ​້າງຂອງ​ເວ​ທີສະ​ແດງ. ດ້ວຍ​ທ່າ​ຟ້ອນ​ອ່ອ​ນ​ຊ້ອຍ, ຮູ​ບ​ຊົງ​ງາມ​ພ້ອມ​ກັບໃບ​ຫນ້າ​ຍີ່ມ​ແຍ້ມ​ແຈ່ມ​ໃສ​, ບັນ​ດາ​ ​ນັກຟ້ອນ​ຍິງ Apsara  ​ໄດ້ເຮັດ​ໃຫ້ຜູ້​ຊົມ​ມີ​ຄວາມ​ຮູ້​ສຶກວ່າ ​ບັນ​ດາ​ນາງ​ຟ້າ​ມີ​ມາກ່ອນນີ້​ນັບ​ພັນ​ປີ​ພວມ​ປະ​ກົດ​ຕົວ ແລະ ສວມ​ເປັນ​ນັກ​ຟ້ອນທີ່​ພວມ​ສະ​ແດງ​ວາດ​ຟ້ອນ​ທີ່​ດຶງ​ດູດ​ໃຈ. ເມື່ອ​ສະ​ແດງວາດຟ້ອນ Apsara, ບັນ​ດາ​ນັກ​ຟ້ອນ​ນຸ່ງ​ຊຸດ​ອາ​ພອນ​ທີ່​ເປັນ​ມູນ​ເຊື້ອ, ໃສ່ໝວກ​ເປັນ​ຮູບ​ທາດ​ສີ​ເຫລືອງ​ມີ​ຫລາຍ​ຊັ້ນ​​ທີ່ໄດ້​ຮັບ​ການ​ປະ​ດັບ​ປະ​ດາ​ຢ່າງ​ລະ​ອຽດ​ລະ​ອ​ໍ.

ຕາມ​ເລື່ອງ​ລາວ​ສືບ​ມາ​ແຕ່​ບູ​ຮານ​ນະ​ການ​ຂອງ ສາ​ສະ​ຫນາຮີ​ນ​ດູ​ແລ້ວ, ວາດ​ຟ້ອນ Apsara ​ໂດຍ​ແມ່​ນ​ບັນ​ດາ​ນາງ​ຟ້າ Apsara ສະ​ແດງ​ເພື່ອ​ຮັບ​ໃຊ້​ບັນ​ດາ​ເຈົ້ນ​ຖີ່ນ​ເຈົ້າ​ຖານ. ເມື່ອ​ຊົມ​ບັນ​ດາ​ວາດ​ຟ້ອນນີ້​ທ່ານ​ຈະ​ເຫັນວ່າ​ ​ທ່າ​ຟ້ອນ​ແມ່ນ​​ຊ້າ​ແຕ່​ອ່ອນ​ຊ້ອຍ, ມີຄວາມ​ສະ​ເຫນ່ ເຮັດ​ໃຫ້​ຜູ້​ຊົມ​ປະ​ທັບ​ໃຈທີ່​ສຸດ​. ຕາມເລື່ອງ​ລາວ​ສືບ​ມາ​ແຕ່​ບູ​ຮານ ​ອື່ນ, ບັນ​ດາ​ນາງ​ເທວະ​ດາ Apsara ແມ່ນ​ບັນ​ດາ​ນາງ​ ເທວະ​ດາ​ເມກ ແລະ ເທວະ​ດານ້ຳ. ບັນ​ດານາງ​ຟ້າ​ພວມຢອກ​ກັນ, ຮ້ອງ​ລຳ​ທຳ​ເພງ, ເຮັດ​ໃຫ້​ຕົ້ນ​ໄມ້​ໃບ​ຫຍ້າຂຽວ​ສົດ​ງົດ​ງາມ, ສັດ​ສາ​ວາ​ສິ່ງອອກ​ແມ່​ແຜ່​ລູກ.ສະ​ນັ້ນ ປະ​ຊາ​ຊົນ​ຈຶ່ງ​ເຊີດ​ຊູ ນາງ​ຟ້າ Apsara ແມ່ນ​ນາງ​ເທວະ​ດາ​ວັດ​ທະ​ນາ​ຖາ​ວອນ. ອ້າຍ Kimsoeurn, ຄູ​ສອນ​ໂຮງ​ຮຽນ​ສີ​ລະ​ປະ ອາ​ຊີ​ວະ​ຊັ້ນ​ກາງ​ ກຳ​ປູ​ເຈຍ ໃຫ້​ຮູ້​ວ່າ:

        “ຕ່າງ​ກັນ​ກັບ​ບັນ​ດາ​ວາດ​ຟ້ອນ​ພື້ນ​ເມືອງ​ຢູ່​ປະ​ເທດອື່ນ, ວາດ​ຟ້ອນ Apsara ຮຽກ​ຮ້ອງ​ໃຫ້​ນັກ​ຟ້ອນ​ຕ້ອງ​ສະ​ແດງ​ທ່າ​ຟ້ອນ​ຊ້າແຕ່​ມີ​ຄວາມນີ້ມນວນ​ຄື​​ດັ່ງແຜ່ນ​ແພ​ໄຫມ​. ສະ​ນັັ້ນ ຈຶ່ງ​ສະ​ແດງ​ໃຫ້​ເຫັນ​ໄດ້​ຄວາມ​ງາມ, ​ຄວາມ​ປະ​ທັບ​ໃຈ​ຂອງວາດ​ຟ້ອນໄດ້. ​ຟ້ອນ​ໄວ​ແມ່ນ​ງ່າຍ ແຕ່​ຟ້ອນ​ຊັກ​ຊ້າ​ແມ່ນ​ຍາກ​ທີ່​ສຸດ.”

ຫ່າງ​ຈາກ​ໂຮງ​ລະ​ຄອນ Chatomuk ປະ​ມານ 3 ກິ​ໂລ​ແມັດ, ບັນ​ດາ​ນັກ​​ຮຽນ​ຟ້ອນ ໃນ​​ຊຸດ​ຮຽນ​​ຟ້ອນ Apsara ຢູ່​ໂຮງ​ຮຽນ​ສິ​ລະ​ປະ​​ຊັ້ນ​ກາງ ກຳ​ປູ​ເຈຍ ພວມ​​ຝື​ກແອບ​ທ່າ​ຟ້ອນ​ທີ່​ອ່ອນ​ຊ້ອຍ. ເຖິງວ່າ​ ​ນ້ຳ​ເຫື່ອ​ໄຫລ​ລົງ​ແກ້ມ​ຍ້ອນ​ຄວາມ​ອິດ​ເມື່ອຍ​ໃນ​ການ​ຟ້ອນ​ກໍ​ຕາມ ແຕ່ໃບ​ຫນ້າ​ຜູ້​ໃດ​ກໍ​ຍີ່ມ​ແຍ້ມ​ແຈ່​ມ​ໃສ. ມາ​ຮອດ​ປະ​ຈຸ​ບັນ, ວາດ​ຟ້ອນ Apsaraໄດ້​ຮັບ​ຖື​ວ່າ ແມ່ນ​ຊັບ​ສົມ​ບັດ, ຈິດ​ວີນ​ຍານ​ແຫ່ງ​ຊາດ ຂອງ​ ກຳ​ປູ​ເຈຍ ແລະ ໄດ້​ຮັບ​ການ​ຮັບ​ຮອງ​ຈາກ UNESSCO ວ່າ​ແມ່ນ​ມໍ​ລະ​ດົກ​ວັດ​ທະ​ນະ​ທຳ​ບໍ່​ມີ​ຮູບ​ຮ່າງ​ຂອງ​ໂລກ. ແຕ່​ລະ​ປີ, ໂດຍ​ໄດ້​ຮັບ​ການ​ອຸ​ປະ​ຖຳ​ຈາກ ລາດ​ຊະ​ວົງ, ບັ​ນ​ດາ​ນັກ​ສິ​ລະ​​ປິ​ນ Apsara ໄດ້​ໄປ​ສະ​ແດງ​ຢູ່​ຫລາຍ​ແຫ່ງ ແລະ ຄັດ​ເລືອກ​ບັນ​ດານ້ອງ​ນ້ອຍ​, ພິ​ເສດ ແມ່ນ​ເດັກ​ກຳ​ພ້າ ຫລື ຜູ້​ທຸກ​ຍາກມາ​ເຂົ້າ​ຮ່ວມ​ຊຸດ​ຮຽນ​ຟ້ອນ Apsara. ປະ​ຈຸ​ບັນ, ນອກ​ຈາກ​​ຮັບ​ໃຊ້​ໃນພະ​ລາດ​ຊະ​ວັງ, ມີ​ນັກ​ຟ້ອນ Apsara ປະ​ມານ 300 ຄົນ ​ຍັງ​ໄປສະ​ແດງ​ຢູ່​ໂຮງ​ລະ​ຄອນ Chatomuk ແລະ ບັນ​ດາ​ສູນ​ວັດ​ທະ​ນະ​ທຳ. ທ່ານ​ນາງ Vy Ratana, ພະ​ນັກ​ງານ​ກົມ​ສິ​ລະ​ປະ ກຳ​ປູ​ເຈຍ ໃຫ້​ຮູ້​ວ່າ:

“ໃນ​ສະ​ໄຫມ Pol pot  ມີ​ຄຸນ​ຄ່າ​ດ້ານ​ວັດ​ທະ​ນະ​ທຳ​ຫລາຍ​ຢ່າງ​ຂອງ​ກຳ​ປູ​ເຈຍ ຖືກ​ທຳ​ລາຍເກືອບ​ທັງ​ໝົດ, ໃນ​ນັ້ນ ມີ​ວາດ​ຟ້ອນ Apsara. ແລະ ມາ​ຮອດ​ປະ​ຈຸ​ບັນ ພວກ​ຂ້າ​ພ​ະ​ເຈົ້າ​ຢາກ​ຟື​້ນ​ຟູ​ບັນ​ດາ​ວາດ​ຟ້ອນ​​ດັ່ງ​ກ່າວເພື່ອ​ນຳ​ໄປ​ສະ​ແດງ​ຢູ່​ຫລາ​ຍ​ປະ​ເທດ​ໃນ​ໂລກ​ຄື: ຝ​ລັ່ງ, ເຢຍ​ລະ​ມັນ… ຢູ່​ບ່ອນ​ໃດ​ມີ​ຊາວ​ຂະ​ແມ ຢູ່​ບ່ອນນັ້ນ​ຈະ​ສະ​ແດງ​ວາດຟ້ອນ Apsara ເພື່ອ​ໃຫ້​ທຸກ​ຄົນ​ບໍ່​ຫລົງ​ລືມ​ວາດ​ຟ້ອນ​ພື້ນ​ເມືອງ​ຂອງ​ຊາດ.”

apsara - ວາດຟອນຂອງ ກຳປເຈຍ hinh 1
ນ້ອງ​ນ້ອຍ​ຢູ່​ກຳ​ປູ​ເຈຍ​ສ່ວນ​ຫລາຍ​​ຮູ້​ຈັກ​ຟ້ອນApsara
ພາບ:ອິ​ນ​ເຕີ​ແນັດ

        ສຳ​ລັບ ກຳ​ປູ​ເຈຍ, Apsara ແມ່ນ ຈິດ​ວິນ​ຍານ ແລະ ແມ່ນ​ຊັບ​ສົມ​ບັດ​ຂອງ​ປະ​ເທດ​ຊາດ ພ້ອມ​ກັບ ກຸ່ມ​ວັດ ອັງ​ກໍ ປະ​ຫວັດ​ສາດ. ຖ້າ​ຫາກ​ກ່ອນນີ້ ວາດ​ຟ້ອນ Apsara  ພຽງ​ແຕ່​ຮັບ​ໃຊ້​ໃນ​ພະ​ລາດ​ຊະ​ວັງ ຫລື ສະ​ແດງ​ໃຫ້ເຈົ້າ​ຂຸນ​ມຸນ​ນາຍໃນ​ພະລາດ​ຊະ​ວັງ ຮັບ​ຊົມ, ປະ​ຈ​ຸ​ບັນ ເມື່ອ​ຂະ​ແຫນງ​ທ່ອງ​ທ່ຽວ ກຳ​ປູ​ເຈຍ ພັດ​ທະ​ນາ, ​ວາດ​ຟ້ອນ Apsara ໄດ້​ນຳ​ສະ​ແດງ​ຢ່າງກວ້າງ​ຂວາງ. ວາດ​ຟ້ອນ Apsara ກາຍ​ເປັນ​ຈຸດ​ວັດ​ທະ​ນະ​ທຳ​ທີ່ເປັນ​ເອ​ກະ​ລັກ​ສະ​ເພາະ​ຂອງ​ ກຳ​ປູ​ເຈຍ ສະ​ນັ້ນ ບໍ່​ວ່າ​ນັກ​ທ່ອງ​ທ່ຽວ​ຜູ້​ໃດ​ເມື່ອມາ​ຢ້ຽມ​ຢາມ ກຳ​ປູ​ເຈຍ ກໍ​ລ້ວນ​ແຕ່​ສະ​ຫງວນ​ເວ​ລາ​ໄປ​ຊົມ​ລາຍ​ການ​ຟ້ອນ Apsara. 


ການເສັງ “ຊອກຮູ້ປະຫວັດສາດການພົວພັນແບບພິເສດ ຫວຽດນາມ - ລາວ”

ການເສັງ “ຊອກຮູ້ປະຫວັດສາດການພົວພັນແບບພິເສດ ຫວຽດນາມ  - ລາວ”

ໃນ​ນັ້ນ, ມີ​ຜູ້​ຟັງຫຼາຍ​ທ່ານ​ໄດ້​ສົນ​ໃຈ​ເຖິ​ງ​ການ​ເສັງ “ຊອກ​ຮູ້​ປະ​ຫ​ວັດ​ສາດ​ການ​ພົວ​ພັນ​ພິ​ເສດ ຫວຽດ​ນາມ -ລາວ”. ໃນ​ລາຍ​ການ​ “ໂອ້​ລົມ​ກັບ​ເພື່ອນ​ລາວ” ມື້ນີ້, ພວກ​ຂ້າ​ພະ​ເຈົ້າ​ຂໍ​ແນະ​ນຳ​ກ່ຽວ​ກັບ​ການ​ເສັງ​ດັ່ງ​ກ່າວ​ເພື່ອ​​ໃຫ​້ຜູ້​ຟັງ, ຜູ້​ອ່ານ​ໄດ້​ຮັບ​ຊາບ.

ອ່ານຕໍ່