ເລື່ອງລາວຢູ່ໝູ່ບ້ານປັກແສ່ວກວົດດົ້ງ, ເທື່ອງຕິ໋ນ, ຮ່າໂນ້ຍ

17 ມີນາ 2017 - 00:00:00

(vovworld) “​ເອີຍນ້ອງ​ສາວ​ຄົນ​ງາມ/ ​ເຊີນມາ​ຢາມກວົດ​ດົ້ງ​/ ບ້ານ​ອ້າຍມີອາ​ຊີບ​ປັກ​ແສ່ວສັດດອກ​ໄມ້/ ທິວ​ທັດ​ທີ່ສວຍ​ງາມ​” ບົດ​ເພງນັ້ນ​ປຽບ​ເໝືອນ​ຄຳ​ເຊື້ອ​ເຊີນ​ແຂກ​ທ່ອງ​ທ່ຽວ​ມາ​ຢາມ​ໝູ່​ບ້ານ​ອາ​ຊີບ​ປັກ​ແສ່ວ ກວົດ​ດົ້ງ, ເຊິ່ງແມ່ນ​ໝູ່​ບ້ານ​ເຂດ​ບ້ານ​ນາ​ທີ່​ຫ່າງ​ຈາກ ຮ່າ​ໂນ້ຍ ໄປ​ທາງ​ທິດ​ໃຕ້​ປະ​ມານ 25 ກມ. ໃນ​ລາຍ​ການມື້ນີ້, ເຊີນ​ທ່ານ​ຮັບ​ຟັງ​ບົດ “ເລື່ອງ​ລາວ​ຢູ່​ໝູ່​ບ້ານປັກ​ແສ່ວກວົດ​ດົ້ງ, ເທື່ອງ​ຕິ໋ນ, ຮ່າ​ໂນ້ຍ” ຂອງ ໂຕ​ຕ໋ວນ, ນັກ​ຂ່າວ​ວິ​ທະ​ຍຸ​ກະ​ຈາຍ​ສຽງ ຫວຽດ​ນາມ.

                    ເລອງລາວຢໝບານປກແສວກວດດງ, ເທອງຕນ, ຮາໂນຍ hinh 0
(ພາບປະກອບ)

      ລຽບຕາມທາງຫຼວງ 1A ເກົ່າໄປຕາມທາງທິດໃຕ້ປະມານ 25 km,  ທ່ານຈະເຫັນບັນດາ ຮ້ານຄ້າ, ເຮືອນແກ້ວທີ່ວາງສະແດງຜະລິດຕະພັນປັກແສ່ວສິລະປະຢູ່ແຄມທາງ, ສິ່ງ​ດັ່ງກ່າວ​​ເປັນ​ສັນຍານ​ຊີ້​ບອກ​ໃຫ້​ເຫັນ​ວ່າທ່ານ​ໄດ້​ມາ​ຮອດ​ໝູ່​ບ້ານ​ອາຊີບ​ປັກ​ແສ່ວ ກວົດດົ້ງ ​ແລ້ວ. ໝູ່​ບ້ານ​ກວົດດົ້ງ​ຕັ້ງ​ຢູ່​ແຄມ​ທາງ​ຫຼວງ, ຂຶ້ນ​ກັບ​ຕາ​ແສງ ກວົດດົ້ງ, ​ເມືອງ​ ​ເທື່ອ​ງຕິ໋ນ. ນີ້​ແມ່ນ​ບ້ານ​ເກີດ​ຂອງ​ອາຊີບ​ປັກ​ແສ່ວ​ທີ່​ເປັນ​ມູນ​ເຊື້ອ ຫວຽດນາມ. ຜ່ານ​ຫຼາຍ​ສະຕະວັດ, ກວົດດົ໋ງ ຍັງ​ຄົງ​ຮັກສາ​ຄວາມ​ດັ້ງ​ເດີມ​ຂອງ​ໝູ່​ບ້ານ​ຊົນນະບົດ​ເຂດ​ພາກ​ເໜືອ​ໄວ້​ໄດ້. ​ໃຕ້​ຕົ້ນ​ໄຮ​ໃຫຍ່​ຕົ້ນ​ຫົວ​ບ້ານ​ແມ່ນ​ວິຫານ​ບູຊາ​ພະ​ອໍລະຫັນ​ຂອງ​ໝູ່​ບ້ານ, ຢູ່​ຂ້າງ​ແມ່ນ​ວິ​ຫານ​ບູຊາ​ພໍ່​ເຖົ້າ ​ເລ​ກົງ​ແຫ່ງ, ຜູ້​ທີ່​ໄດ້​ປະດິດ​ອາຊີບ​ປັກແສ່ວ ຫວຽດນາມ. ນັບ​ແຕ່​ສະຕະວັດ​ທີ 17, ອາຊີບ​ປັກແສ່ວ​ໄດ້​ພັດທະນາ​ຢ່າງ​ກວ້າງຂວາງ​ໃນ​ທົ່ວ​ປະ​ເທດ, ດັ່ງ​ນັ້ນ​ຜູ້​ປະດິດອາຊີບ​ປັກ​ແສ່ວ​ຢູ່​ໝູ່​ບ້ານ ກວົດດົ້ງ ກໍ່​​ເປັນຜູ້​ປະດິດອາຊີບ​ປັກ​ແສ່ວ​ລວມຂອງ​ທົ່ວ​ປະ​ເທດ. ທ່ານ ຟຸ່ງວັນ​ຮຶງ, ຜູ້​ອາຍຸ​ສູງ​ຢູ່​ບ້ານ ກວົດດົ້ງ, ​ເລົ່າ​ສູ່​ຟັງ​ວ່າ:

      ວິຫານ​ບູຊາຜູ້​ປະດິດ​ອາຊີບ​ປັກ​ແສ່ວ​ຢູ່​ໝູ່​ບ້ານ​ພວກ​ຂ້າພະ​ເຈົ້າ​ແມ່ນ​ມີ​ມາ​ກ່ອນ​ນີ້ 200 ກວ່າ​ປີ​ແລ້ວ. ປະຈຸ​ບັນ, ​ໃນ​ວິຫານ​ຍັງ​ຄົງ​ຮັກສາ​ບັນດາ​ວັດຖຸ​ພັນ​ອັນ​ລຳ້​ຄ່າ, ​ໃນ​ນັ້ນ​ມີ​ສີ​ລາ​ເລກ ​ແລະ ​ໂຖ​ປັກ​ທູບ​ບູຮານ. ​ແຕ່ລະ​ປີ​ເມື່ອ​ຮອດ​ວັນ​ທີ 12/6 (​ໄລ່​ຕາມ​ຈັນທະ​ປະຕິທິນ), ​ແມ່ນ​ວັນ​ບູຊາ​ຜູ້​ປະດິດ​ອາຊີບ​ປັກ​ແສ່ວ ​ເລ​ກົງ​ແຫ່ງ. ​ໃນ​ວັນ​ນີ້, ບັນດາ​ຄະນະ​ທີ່​ມາ​ຈາກ​ແຂວງ, ທ້ອງ​ຖີ່​ນຕ່າງໆ​ທີ່​ເຮັດ​ອາຊີບ​ປັກ​ແສ່ວ​ລ້ວນ​ແຕ່​ມາ​ແຫ່ງ​ນີ້​ເພື່ອ​ຖະຫວາຍ​ທູບ​ທຽນ​ສະ​ແດງ​ຄວາມ​ຮູ້​ບຸນຄຸນ​ຕໍ່​ຜູ້​ປະດິດ​ອາຊີບປັກ​ແສ່ວ​ນີ້“.


ເລອງລາວຢໝບານປກແສວກວດດງ, ເທອງຕນ, ຮາໂນຍ hinh 1
(ພາບປະກອບ)

          ​ໃນ​ຄວາມ​ຊົງ​ຈຳ​ຂອງ​ບັນດາ​ຜູ້​ມີ​ອາຍຸ​ສູງ​ຢູ່​ບ້ານ ກວົດດົ້ງ, ​ໃນ​ຊຸມ​ປີ​ທີ່​ອາຊີບ​ປັກ​ແສ່ວ​ພັດທະນາ​ທີ່​ສຸດ, ຜະລິດ​ຕະພັນ​ຂອງ​ໝູ່​ບ້ານ​ອາຊີບ​ນີ້​ໄດ້​ມີ​ຊື່​ສຽງ​ໃນ​ທົ່ວ​ປະ​ເທດ, ອັນ​ໄດ້​ສະ​ແດງ​ໃຫ້​ເຫັນ​ຫົວຄິດ​ປະດິດ​ສ້າງ, ສີມື​ແຮງ​ງານອັນ​ລະອຽດ​ລະ​ອໍ. ນັບ​ແຕ່​ດົນ​ນານ​ມາ​ແລ້ວ, ຊາວ ກວົດດົ້ງ ຍັງ​ຄົງ​ດຳລົງ​ຊີວິດ​ຕິດ​ພັນ​ກັບ​ອາຊີບ​ທີ່​ເປັນ​ມູນ​ເຊື້ອ. ປູ່​ຍ່າ​ຕາ​ຍາຍ​ສອນໃຫ້​ລູກ​ຫຼານ, ​ ສືບ​ທອດ​ມາ​ຫຼາຍ​ເຊັ່ນ​ຄົນ ​ແລະ ພັດທະນາ​ຈົນ​ເຖິງ​ປະຈຸ​ບັນ. ປ້າ ບູ່​ຍທິ​ແຫ໋ງ, ຊ່າງ​ປັກ​ແສ່ວ​ຜູ້ອາຍຸ​ສູງ​ໃນ​ບ້ານ ​ໃຫ້​ຮູ້​ວ່າ:

V6 13-19/03 CCL BA HANH

       “ ຂ້າພະ​ເຈົ້າ​ຮຽນ​ອາຊີບ​ປັກ​ແສ່ວນີ້​ນັບ​ແຕ່​ເມື່ອ​ມີ​ອາຍຸ 8 ປີ. ບັນດາ​ພວກ​ຫຼານ​ນ້ອຍ​ໃນ​ໝູ່​ບ້ານ​ເມື່ອ​ມີ​ອາຍຸ 7-8 ປີລ້ວນ​ແຕ່​ໄດ້​ຮຽນ​ປັກ​ແສ່ວ, ຍ້ອນ​ເຫດ​ນັ້ນ​ໝູ່​ບ້ານ​ຂອງ​ພວກ​ຂ້າ​ພະເຈົ້າ​ຈຶ່ງ​ຮັກສາ​ໄດ້​ອາຊີບ​ທີ່​ເປັນ​ມູນ​ເຊື້ອ​ນີ້.“

      ຢູ່ ກວົດດົ້ງ, ຕົ້ນ​ຊຸມ​ປີ 90 ມີ​ຫຼາຍ​ໂຮງງານ. ສຳລັບ​ໂຮງງານ​ໃຫຍ່ມີ​ຊ່າງ​ປັກ​ແສ່ວ​ແຕ່ 200 – 500 ຄົນ. ຕາມ​ກົດ​ເກນ​​ແຫ່ງ​ຊີວິດ​ການ​ເປັນ​ຢູ່​ແລ້ວ, ​ເມື່ອ​ກ້າວ​ເຂົ້າ​ສູ່​ພື້ນຖານ​ເສດຖະກິດ​ການ​ຕະຫຼາດ, ມີ​ບາງ​ໄລຍະ, ຄິດ​ວ່າ​ໝູ່​ບ້ານ​ຈະ​ຖືກ​ເສື່​ອມຫາຍ​ໄປ, ​ແຕ່​ປະຊາຊົນ​ບ້ານ ກວົດດົ້ງ​ ຍັງ​ຄົງ​ເດັດ​ດ່ຽວ​ຮັກສາ​ອາຊີບ​ຂອງ​ຕົນ​ໄວ້. ປະຈຸ​ບັນ, ຄອບຄົວ​ໃດ​ກໍ່​ມີ 2-3 ຄົນ​ເຮັດ​ອາຊີບ​ນີ້. ​ເຮືອນ​ຂອງ​ນັກ​ສິລະ​ປະ ຫງວຽນທິ​ຮົ່ງ ກວ້າງ​ພຽງ 30 ຕາແມັດ​ເທົ່າ​ນັ້ນ, ​ແຕ່​ເທິງ​ຝາ​ເຮືອນ​ພັດ​ແຂວນ​ຮູບ​ປັກ​ແສ່ວ​ນາໆ​ຊະນິດ​. ປ້າ ຮົ່ງ ​ແບ່ງປັນ​ວ່າ:

       “ກ່ອນ​ນີ້​ຂ້າພະ​ເຈົ້າ​ປັກ​ແສ່ວ​ສະ​ເພາະ​ຜ້າ​ປູ​ບ່ອນ, ຜ້າ​ຫົ່ມ, ໝອນ…ສົ່ງ​ອອກ​ໄປ​ຍັງ​ເອີ​ລົບ​ຕາ​ເວັນ​ອອກ. ​ແຕ່​ເມື່ອ​ບໍ່​ສົ່ງ​ອອກ​ອີກ, ຂ້າພະ​ເຈົ້າ​ກໍ່​ຫັນ​ມາ​ປັກ​ແສ່ວ​ຮູບ​​, ​ແລະ ປະຈຸ​ບັນ​ແມ່ນ​ປັກ​ແສ່ວ​ເສື້ອ​ຍາວ ​ແລະ ​ແຟຊັນ. ດັ່ງ​ນັ້ນ​ຮຽກຮ້ອງ​ໃຫ້​ມີ​ສີມື​ແຮງ​ງານ​ສູງ​ຄື: ເຕັກນິກ​ປັກ​ແສ່ວ​ສອງ​ໜ້າ, ປັກ​ແສ່ວດ້ວຍ​ໄໝ​ຫຍິບ​ເຫຼື້ອມ, ຕ້ອງ​ປັກ​ແສ່ວ​ຄື​ແນວ​ໃດ​ໃຫ້​ຜະລິດ​ຕະພັນ​ທັງ​ງາມ, ທັງ​ອ່ອນ​ນວນ. ປະຈຸ​ບັນ​ໃນ​ໝູ່​ບ້ານ​ມີ​ຫຼາຍ​ຄົນ​ປັກ​ແສ່ວ, ​ແຕ່​ມີ​ຫຼາຍ​ຮູບ​ບໍ່​ແມ່ນ​ວ່າ​ຜູ້​ໃດ​ກໍ່​ສາມາດ​ປັກ​ແສ່ວ​ໄດ້“.

ເລອງລາວຢໝບານປກແສວກວດດງ, ເທອງຕນ, ຮາໂນຍ hinh 2
(ພາບປະກອບ)

      ບັນ​ດາຜະ​ລິດ​ຕະ​ພັນ​ຂອງ​ໝູ່​ບ້ານ​ປັກ​ແສ່ວ​ແມ່ນ​ຮູບ​ແສ່ວ​ທັດ​ສະ​ນີ​ຍະ​ພາບ​ຄື: ຕົ້​ນ​ໄຮ, ທ່າ​ນ້ຳ, ເຮືອ, ວັດ​ເສົາ​ດຽວ, ວິ​ຫານ ງອກ​ເຊີນ, ສາ​ລາ ຮົ່ງ​ທ​໋າຍ, ກຸງ​ເກົ່າ​ເຫວ໋… ເພື່ອ​ມີ​ບັນ​ດາ​ຮູບ​ແສ່ວ​ທັດ​ສະ​ນີ​ຍະ​ພາບ​ທີ່​ສວຍ​ງາມ, ​ຊ່າງ​ປັກ​ແສ່ວ​ຕ້​ອງ​ເສຍ​ເວ​ລາ​ນັບ​ເປັນ​ເດືອນ, ເລືອກ​ເຟັ້ນເສັ້ນ​ໄໝ​ທີ່​ມີ​ສີ​ຢ່າງ​ເໝາະ​ສົມ, ​ພ້ອມ​ທັງ​ມີ​ຄວາມ​ຄ່ອງ​ແຄ້ວ​ໃນ​ການ​ປັກ​ແສ່ວ​ອີກ. ກວົດ​ດົ້ງ ມີ​ນັກ​ສິ​ລະ​ປະ​ປັກ​ແສ່ວຫຼາຍ​ຄົນ​ທີ່​ໄດ້​ຮັບ​ຄວາມ​ຮູ້​ຈັກ​ກັນດີ​ໃນ​ທົ່ວ​ປະ​ເທດ​ຄື: ແມ່​ເຖົ້າ ບູ່ຍ​ເລ​ກິ໋ງ, ຜູ້​ທີ່​ເຄີຍ​ປັກ​ແສ່ວ​ຊຸດ​ໂສ້ງ​ເສື້ອ​ໃຫ້​ເຈົ້າ​ຊີ​ວິດ ບາວ​ດ້າຍ ແລະ ພະ​ລາ​ຊີ​ນີ​ທາງ​ພາກ​ໃຕ້ ຫວຽດ​ນາມ. ປະ​ຈຸ​ບັນ, ໃນ​ໝູ່​​ບ້ານ​ຍັງ​ມີ​ທ່ານ ທ໋າຍ​ວັນ​​ໂບນ, ເຊິ່ງ​​ແມ່ນ​ຜູ້​ໜຶ່ງ​ດຽວ​ໃນ​ໝູ່​ບ້ານ​ທີ່​ໄດ້​ຮັບ​ນາມ​ມະ​ຍົດ​ວ່າ​ເປັນ​ນັກ​ສິ​ລະ​ປິນປະ​ຊາ​ຊົນ. ລາວ​ເປັນ​ຜູ້​ທີ່​ມີ​ຊື່​ສຽງ​ດ້ວຍ​ບັນ​ດາ​ຮູບ​ແສ່ວ​ບັນ​ດາ​ປະ​ມຸກ​ລັດ. ​ໃນ​ນັ້ນ​ຮູບ​ແສ່ວ​ເຈົ້າຊີ​ວິດ​ໄທ ໄດ້​ຮັບ​ການ​ຕີ​ລາ​ຄາ​ສູງ​ຈາກວົງ​ການ​ນັກ​ນິ​ຍົມສິ​ລະ​ປະ​ປັກ​ແສ່ວ​ສາ​ກົນ.

      ປະຈຸ​ບັນ​ມີ​ຫຼາຍ​ຮາກ​ຖານ​ຢູ່​ພາຍ​ໃນ​ປະ​ເທດ​ໄດ້​ລົງທຶນ, ນຳ​ເຂົ້າ​ບັນດາ​ເຄື່ອງ​ຈັກ​ປັກ​ແສ່ວ​ທີ່​ທັນ​ສະ​ໄໝ​ແລ້ວ, ​ແຕ່​ບັນດາ​ຜະລິດ​ຕະພັນ​ເຮັດ​ດ້ວຍ​ເຄື່ອງ​ຈັກ, ບໍ່​ສາມາດ​ບັນລຸ​ລະດັບ​ລະອຽດ​ລະ​ອໍ​ ​ແລະ ອ່ອນ​ນວນ​ຄື​ປັກ​ແສ່ວ​ແບບ​ຫັດຖະກຳ​ໄດ້. ດັ່ງ​ນັ້ນ​ອາຊີບ​ປັກ​ແສ່ວ​ທີ່​ເປັນ​ມູນ​ເຊື້ອ​ຂອງ​ໝູ່​ບ້ານ ກວົດດົ້ງ ຈຶ່ງນັບ​ມື້​ນັບ​ພັດທະນາ.

 

ຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ

ຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ

(vovworld)-ປີ 2016 ຜ່ານ​ມາ, ສູນ​ກາງ​ຄະນະ​ຊາວ​ໜຸ່ມ​ກອມ​ມູນິດ ​ໂຮ່ຈີ​ມິນ ​ແລະ ສູນ​ກາງ​ຄະນະ​ຊາວ​ໜຸ່ມ​ປະຊາຊົນ​ປະຕິວັດ ລາວ​ໄດ້​ຈັດ​ຕັ້ງ​ການ​ເຄື່ອນ​ໄຫວ​ແທດ​ຈິງຫລາຍ​ຢ່າງ, ປະກອບສ່ວນ​ຢ່າງ​ຕັ້ງໜ້າ​ເຂົ້າ​​ໃນ​ການ​ພັດທະນາ​ນ້ຳ​ໃຈ​ມິດຕະພາບ​ແບບ​ພິ​ເສດ​ຂອງ​ປະຊາຊົນ ​ແລະ ຊາວ​ໜຸ່ມ 2 ປະ​ເທດ.ສະ​ນັ້ນ ​ໃນ​ປີ 2017 ມີ​ບັນດາ​ການ​ເຄື່ອນ​ໄຫວ​ພົ້ນ​ເດັ່ນ​​ໃດ​ແດ່ ?

ອ່ານຕໍ່