ກອງປະຊຸມຜັນຂະຫຍາຍວຽກງານເລືອກຕັ້ງສະມາຊິກສະພາແຫ່ງຊາດຊຸດທີ14(2016-2021)
(ທ່ານເລຂາທິການໃຫຍ່ຄະນະບໍລິຫານງານສູນກາງ
ພັກກອມມູນິດ ຫວຽດນາມ ຫງວຽນຟູຈ້ອງ)
(vovworld) - ຕອນເຊົ້າວັນທີ 2/2, ທີ່ສຳນັກງານສະພາແຫ່ງຊາດ ຫວຽດນາມ ຢູ່ ຮ່າໂນ້ຍ, ກົມການເມືອງຄະນະບໍລິຫານງານສູນກາງພັກກອມມູນິດ ຫວຽດນາມ ຈັດຕັ້ງກອງປະຊຸມທົ່ວປະເທດຜັນຂະຫຍາຍວຽກງານເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນທຸກຂັ້ນອາຍຸການ 2016 – 2021. ກ່າວຄຳເຫັນໄຂກອງປະຊຸມ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູຈ້ອງ ຊີ້ແຈ້ງວ່າ: ການເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນທຸກຂັ້ນອາຍຸການ 2016 – 2021 ແມ່ນເຫດການການເມືອງສຳຄັນ ແລະ ແມ່ນການເຄື່ອນໄຫວດ້ານການເມືອງນິຕິກຳປະຊາທິປະໄຕຢ່າງເລິກເຊິ່ງກ້ວາງຂວາງໃນໝູ່ປະຊາຊົນທຸກຊັ້ນວັນນະ. ນີ້ແມ່ນກາລະໂອກາດ ເພື່ອໃຫ້ປະຊາຊົນປະຕິບັດສິດເປັນເຈົ້າຂອງຕົນ ໂດຍຜ່ານການເລືອກເຟັ້ນ, ເລືອກເອົາບັນດາຜູ້ທີ່ດີເດັ່ນ, ມີຄຸນສົມບັດ, ມີຄວາມເກັ່ງກ້າສາມາດ, ສົມເປັນຜູ້ຕາງໜ້າໃຫ້ປະຊາຊົນຢູ່ສະພາແຫ່ງຊາດ ແລະ ສະພາປະຊາຊົນທຸກຂັ້ນ. ນີ້ກໍ່ແມ່ນໂອກາດ ເພື່ອສືບຕໍ່ກໍ່ສ້າງ, ປັບປຸງ ແລະ ປະຕິບັດສຳເລັດລັດແຫ່ງອຳນາດນິຕິບັດຍັດສັງຄົມລັດທິຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ທ່ານເລຂາທິການໃຫຍ່ ຫງວຽນຟູຈ້ອງ ເນັ້ນໜັກວ່າ: ກອງປະຊຸມໃນວັນນີ້ ໂດຍກົມການເມືອງຈັດຕັ້ງ ເພື່ອແນໃສ່ຊາບຊືມ ແລະ ຜັນຂະຫຍາຍການປະຕິບັດບັນດາເອກະສານຊີ້ນຳ ນຳພາຂອງພັກ ແລະ ລັດ, ແຜນການຜັນຂະຫຍາຍ, ບັນດາແຈ້ງການ, ແນະນຳກ່ຽວກັບວຽກງານເລືອກຕັ້ງ. ກອງປະຊຸມຄັ້ງນີ້ ຊາບຊຶມຈິດໃຈປ່ຽນໃໝ່ທັງດ້ານຈິນຕະນາການ, ການຈັດຕັ້ງ ແລະ ການເຄື່ອນໄຫວຂອງທັງລະບົບການເມືອງ, ຕອບສະໜອງຄວາມຮຽກຮ້ອງພັດທະນາປະເທດຊາດ.