ສະພາແຫ່ງຊາດຮັບຮອງເອົາຮ່າງລັດຖະບັນຍັດການຄຸ້ມຄອງຕະຫລາດ
(ທ່ານປະທານສະພາແຫ່ງຊາດ ຫງວຽນຊີງຮຸ່ງ)
(vovworld) - ຕອນເຊົ້າວັນທີ 08/03 ຢູ່ຮ່າໂນ້ຍ, ຄະນະປະຈຳສະພາແຫ່ງຊາດໃຫ້ຄຳເຫັນ ແລະ ຮັບຮອງເອົາຮ່າງລັດຖະບັນຍັດການຄຸ້ມຄອງຕະຫລາດ ເພື່ອແນໃສ່ປັບປຸງກຳລັງສະເພາະກິດຂອງລັດ ໃຫ້ເປັນເອກະພາບຈາກຂັ້ນສູນກາງລົງຂັ້ນທ້ອງຖິ່ນ ໃນການປະຕິບັດພາລະໜ້າທີ່ປ້ອງກັນ, ຕ້ານ, ແກ້ໄຂບັນດາການກະທຳດຳເນີນທຸລະກິດສິນຄ້າທີ່ຜິດກັບຂໍ້ກຳນົດຂອງກົດໝາຍ ແລະ ປົກປ້ອງສິດຂອງຜູ້ອຸປະໂພກບໍລິໂພກ. ລັດຖະບັນຍັດຄຸ້ມຄອງຕະຫລາດກຳນົດ, ທີ່ຕັ້ງ, ພາລະໜ້າທີ່, ການຈັດຕັ້ງ; ການເຄື່ອນໄຫວກວດກາ, ກວດກາວິຊາສະເພາະຂອງກຳລັງຄຸ້ມຄອງຕະຫລາດ; ກົນໄກສົມທົບກັນ ແລະ ຄວາມຮັບຜິດຊອບຂອງບັນດາອົງການສຳນັກງານ, ສ່ວນບຸກຄົນທີ່ກ່ຽວຂ້ອງ ຮັບປະກັນການເຄື່ອນໄຫວ, ລະບອບ, ນະໂຍບາຍສຳລັບກຳລັງຄຸ້ມຄອງຕະຫລາດ.
ທ່ານປະທານສະພາແຫ່ງຊາດ ຫງວຽນຊີງຮຸ່ງ ເນັ້ນໜັກວ່າ: ການຄຸ້ມຄອງຕະຫລາດ ຕ້ອງໄດ້ຮັບການເພີ່ມທະວີການກໍ່ສ້າງ ຕໍ່ໜ້າຄວາມຮຽກຮ້ອງຕ້ອງການຂອງປະເທດຊາດ ແລະ ສະພາບການຕະຫລາດພວມສັບສົນທີ່ສຸດໃນປະຈຸບັນ. ກຳລັງນີ້ ຕ້ອງຮັບໜ້າທີ່ຕ້ານການສໍ້ໂກງ, ສິນຄ້າໃຊ້ສານພິດ ນຳເອົາປອດໄພມາໃຫ້ປະຊາຊົນ. ທ່ານປະທານສະພາແຫ່ງຊາດ ສະເໜີປະຕິບັດເທື່ອລະກ້າວ, ກ້າວໄປເຖິງການສະຫລຸບເພື່ອກາຍເປັນກົດໝາຍວ່າດ້ວຍການຄຸ້ມຄອງຕະຫລາດ.