(ພາບປະກອບ: REUTERS/Andrew Kelly)
ທີ່ວາລະປະຊຸມ, ຜູ້ຕາງໜ້າຂອງຫຼາຍປະເທດສະມາຊິກສະພາຄວາມໝັ້ນຄົງສະຫະປະຊາຊາດ ໄດ້ເຫັນດີເປັນເອກະພາບໂດຍຖືວ່າ ເຖິງວ່າ IS ໄດ້ເສຍຜືນແຜ່ນດິນຄວບຄຸມສ່ວນຫຼາຍແລ້ວ, ແຕ່ອົງການນີ້ ແລະ ບັນດາສາຂາຍັງສືບຕໍ່ເຄື່ອນໄຫວຢູ່ຫຼາຍຈຸດຮ້ອນຂອງເຂດປະທະກັນ, ສວຍໃຊ້ສະພາບການຂາດຄວາມສະຖຽນລະພາບ, ຄວາມຫຍຸ້ງຍາກດ້ານເສດຖະກິດ - ສັງຄົມເພື່ອດຳເນີນບັນດາການບຸກໂຈມຕີ. ເລື່ອງບັນດາພາກສ່ວນຫົວຮຸນແຮງນຳໃຊ້ພື້ນຖານດີຈີຕອນ, ສື່ສັງຄົມ, ເຄື່ອງມືທີ່ເປັນລະຫັດ ແລະ ຫວ່າງມໍ່ໆມານີ້ແມ່ນປັນຍາປະດິດ ພວມວາງອອກສິ່ງທ້າທາຍທີ່ນັບມື້ນັບໃຫຍ່ຫຼວງໃຫ້ແກ່ວຽກງານກວດພົບ, ສະກັດກັ້ນ ແລະ ທຳລາຍບັນດາເຄືອຂ່າຍກໍ່ການຮ້າຍ.
ໃນສະພາບການນັ້ນ, ສະພາຄວາມໝັ້ນຄົງສະຫະປະຊາຊາດ ຮຽກຮ້ອງໃຫ້ສືບຕໍ່ເພີ່ມທະວີການຮ່ວມມືສາກົນ, ແບ່ງປັນຂໍ້ມູນສືບຂ່າວ, ຄວບຄຸມແຫຼ່ງການເງິວື້ຜິດກົດໝາຍ ແລະ ສະກັດກັ້ນຄວາມສ່ຽງກໍ່ການຮ້າຍສວຍໃຊ້ເຕັກໂນໂລຊີສູງ.
