ຕອນບ່າຍວັນທີ 6 ສິງຫາ, ຕາມເວລາທ້ອງຖິ່ນ, ຫ້ອງວ່າການນາຍົກລັດຖະມົນຕີ ອົດສະຕາລີ Anthony Albanese ໄດ້ອອກແຈ້ງການກ່ຽວກັບການຢ້ຽມຢາມ ອົດສະຕາລີຂອງ ທ່ານ ເລຂາທິການໃຫຍ່ ປະທານປະເທດ ໂຕເລິມ ແຕ່ວັນທີ 9-12 ສິງຫາ. ຕາມແຈ້ງການ, ທ່ານນາຍົກລັດຖະມົນຕີ ອົດສະຕາລີ ໄດ້ຄອຍລໍຖ້າຕ້ອນຮັບ ທ່ານ ເລຂາທິການໃຫຍ່ ປະທານປະເທດ ໂຕເລິມ ແລະ ປຶກສາຫາລືກ່ຽວກັວິທີການຊຸກຍູ້ການຮ່ວມມືລະຫວ່າງສອງປະເທດ.
ແຈ້ງການໃຫ້ຮູ້ວ່າ: ການນຳສອງທ່ານຈະພົບປະກັນເປັນຄັ້ງທຳອິດຢູ່ນະຄອນຫຼວງ Canberra ຂອງ ອົດສະຕາລີ ເພື່ອປຶກສາຫາລືບັນດາໂອກາດເພີ່ມທະວີການຮ່ວມມື ໂດຍເນັ້ນໜັກວ່າ ອົດສະຕາລີ ແລະ ຫວຽດນາມ ແມ່ນຄູ່ຮ່ວມມືພາກພື້ນທີ່ໃກ້ຊິດສະໜິດສະໜົມ ແລະ ມີນ້ຳໃຈມິດຕະພາບອັນຍາວນານ. ເດືອນມີນາປີ 2024 ສອງປະເທດໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ, ເປີດກ້ວາງການຮ່ວມມືໃນຫຼາຍຂົງເຂດ.
