ຕອນເຊົ້າວັນທີ 6 ສິງຫາ, ທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໄດ້ເປັນປະທານການເຮັດວຽກກັບອົງຄະນະພັກລັດຖະບານ ແລະ ບັນດາອົງການກ່ຽວກັບການປະຕິບັດມະຕິເລກທີ 13-NQ/TW, ລົງວັນທີ 16 ມັງກອນ 2012 ຂອງ ຄະນະບໍລິຫານງານສູນກາງພັກກອມມູນິດ ຫວຽດນາມຊຸດທີ XI ແລະ ຂໍ້ສະຫລຸບເລກທີ 72– KL/TW, ລົງວັນທີ 23 ກຸມພາ 2024 ຂອງກົມການເມືອງຊຸດທີ XIII ກ່ຽວກັບການກໍ່ສ້າງໂຄງປະກອບພື້ນຖານໂຄງລ່າງຄົບຊຸດ ແນໃສ່ນຳ ຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ.
ກາວຄຳເຫັນສະຫລຸບການເຮັດວຽກ, ທ່ານ ເລຂາທິການໃຫຍ່ ປະທານປະເທດ ໂຕເລິມ ເນັ້ນໜັກວ່າ ພື້ນຖານໂຄງລ່າງບໍ່ພຽງແຕ່ໄດ້ຮັບໃຊ້ໃຫ້ແກ່ການຜະລິດ ແລະ ຊີວິດເທົ່ານັ້ນ, ຫາກຍັງກາຍເປັນປັດໄຈຕັດສິນກຳລັງຄວາມສາມາດແກ່ງແຍ້ງແຫ່ງຊາດອີກດ້ວຍ.
ທ່ານ ເລຂາທິການໃຫຍ່ ປະທານປະເທດ ໂຕເລິມ ສະເໜີຕ້ອງສຸມໃສ່ແຫຼ່ງກຳລັງໃຫ້ແກ່ບັນດາລະບົບພື້ນຖານໂຄງລ່າງຍຸດທະສາດ, ສ້າງສຳເລັດແລວຄົມມະນາຄົມ, logistics; ພັດທະນາການຂົນສົ່ງທາງນ້ຳ, ທາງລົດໄຟແຫ່ງຊາດ ແລະ ລົດໄຟຕົວເມືອງ ຕິດພັນກັບການຖ່າຍທອດເຕັກໂນໂລຊີ, ພັດທະນາອຸດສາຫະກຳພາຍໃນປະເທດ…
