ຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ

(vovworld) - ໃນ​ອາ​ທິດ​ຜ່ານ​ມາ, ລາຍ​ການ​ພາກ​ພາ​ສາ​ລາວ, ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ, ໄດ້​ຮັບ​​ໂທ​ລະ​ສັບ, ອີ​ແມວຈ​າກ​ຜູ້​ຟັງ​ລາວ ທີ່​ສົ່ງ​ມາລາຍການພາກ​ພາ​ສາ​ລາວ, VOV​​. ໃນ​ລາຍ​ການ​ໂອ້​ລົມ​ກັບ​ເພື່ອນ​ລາວ ມື້​ນີ້, ພວກ​ເຮົາ​ຂໍ​ຄັດ​ສະ​ເໜີ​ເນື້ອ​ໃນ​ຈົດ​ໝາຍ ແລະ ຕອບ​ບາງ​ຄຳ​ຖາມ​ເຊິ່ງ​ທ່າ​ນ​ຜູ້​ຟັງ​​ໄດ້ຝ​າກ​ມາ​ລາຍ​ການ.

            ເພື່ອນ ສຸກ​ມະ​ລີ​ວົງ, ຢູ່​ເມືອງ ປາ​ກ​ເຊ; ເພື່ອນ ສຸກ​ສາ​ຄອນ, ຢູ່​ແຂວງ​ຊຽງ​ຂວາງ; ເພື່ອ ເພັດ​ມະ​ລີ ດວງ​ດີ, ຢູ່​ແຂວງ ຫຼວງ​ພະ​ບາງ ແລະ ຜູ້​ຟັງ​ບາງ​​ທ່ານ​ໄດ້​ໂທ​ລະ​ສັບ, ສົ່ງ​ຂໍ້​ຄວາມ​ເຖິງ​ລາຍ​ການເພື່ອ​ອວຍ​ພອ​ນ 91 ປີ​ແຫ່ງວັນ​ສື່ມວນ​ຊົນ​ປະ​ຕິ​ວັດ​ຫວຽດ​ນາມ. ໃນ​ນັ້ນ​ໄດ້​ອວຍ​ພອນ​ໃຫ້​ບັນ​ດາ​ການ​ນຳ, ນັກ​ຂ່າວ, ບັນ​ນາ​ທິ​ການ, ​ນັກ​ເຕັກ​ນິກ, ບັນ​​ດາຜູ້​ທີ່​ເຮັດວຽກ​ງານ​ໜັງ​ສື​ພິມ​ຫວຽດ​ນາມ ເວົ້າ​ລວມ ກໍ​ຄື​ບັນ​ດາ​ອ້າຍ, ເອື້ອຍ, ນ້ອງ​ໃນ​ພາກ​ພາ​ສາ​ລາວ, VOV ເວົ້າ​ສະ​ເພາະຈົ່ງບັນ​ລຸ​ໄດ້​ຜົນ​ງານ​​ຫຼາຍ​ຢ່າງໃນ​ວຽກ​ງານ​ຂອງ​ຕົນ ແລະ ອວຍ​ພອນ​ໃຫ້​ລາຍ​ການນັບ​ມື້​ນັບ​ພັດ​ທະ​ນາ.



ຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ - ảnh 1
ການໂ​ອ້​ລົມ​ສົນ​ທະ​ນາ​ລະ​ຫວ່າງ​ກະ​ຊວງ​ແຜນ​ການ ແລະ
ການ​ລົງ​ທຶນຫວຽດ​ນາມ ​ແລະ ກະ​ຊວງ​ແຜນ​ການ ແລະ ການ​ລົງ​ທຶນ​ລາວ
(ພາບ: baodautu)

ເພື່ອນ ກຽງ​ແກ້ວ ວິ​ໄລ​ຈິດ, ຢູ່​ແຂວງ​ຊຽງ​ຂ​ວາງ ໄດ້​ສົ່ງອີ​ແນວມາ​ຍັງ​ລາຍການ​ໂດຍ​ໃຫ້​ຮູ້​ວ່າ: ຜ່ານ​ລາຍ​ການ​ພາກ​ພາ​ສາ​ລາວ, ຂ້າ​ພະ​ເຈົ້າ​ຢາກ​ຊອກຮູ້​​ຕື່ມ​ອີກກ່ຽ​ວ​ກັນ​ເນື້ອ​ໃນ​ຂອງ​ການ​ໂ​ອ້​ລົມ​ສົນ​ທະ​ນາ​ລະ​ຫວ່າງ​ກະ​ຊວງ​ແຜນ​ການ ແລະ ການ​ລົງ​ທຶນຫວຽດ​ນາມ ​ແລະ ລາວ ທີ່​ຫາກ​ໍ​ດຳ​ເນີນ​ຢູ່​ຫວຽດ​ນາມ ໃນ​ອາ​ທິດ​ຜ່ານ​ມາ.

        ເພື່ອນ ກຽງ​ແກ້ວ ວິ​ໄລ​ຈິດ ທີ່​ຮັກ​ແພງ, ວັນ​ທີ 17/06, ຜ່ານ​ມາ​ຢູ່​ຮ່າ​ໂນ້ຍ, ກະ​ຊວງ​ແຜນ​ການ ແລະ ການ​ລົງ​ທຶນ​ຫວຽດ​ນາມ ໄດ້​ຈັດ​​ການໂ​ອ້​ລົມ​ສົນ​ທະ​ນາ​ລະ​ຫວ່າງ​ກະ​ຊວງ​ແຜນ​ການ ແລະ ການ​ລົງ​ທຶນຫວຽດ​ນາມ ​ແລະ ກະ​ຊວງ​ແຜນ​ການ ແລະ ການ​ລົງ​ທຶນ​ລາວ. ຢູ່​ທີ່ນີ້, 2 ກະ​ຊວງ​ໄດ້​ແຈ້ງ​ໃຫ້​ກັນ​ຊາບ​ກ່ຽວ​ກັບ​ສະ​ພາບ​ການ​ດ້ານ​ເສດ​ຖະ​ກິດ​ລວມ ແລະ ສະ​ພາບ​ແວດ​ລ້ອມ​ແຫ່ງ​ການ​ລົງ​ທຶນ​ຂອງ 2 ປະ​ເທດ​ໃນ​ໄລ​ຍະ​ຜ່ານ​ມາ, ກໍ​ຄື​ການ​ຜັນ​ຂະ​ຫຍາຍ, ປະ​ຕິ​ບັດ​ແຜນ​ການ​ເສດ​ຖະ​ກິດ, ສັງ​ຄົມ​ໄລ​ຍະ 2016 – 2020. ກ່າວ​ຄຳ​ເຫັນ​ທີ່​ການ​ໂ​ອ້​ລົມ​ສົນ​ທະ​ນາ, ທ່ານ​ລັດ​ຖະ​ມົນ​ຕີ ຫງວຽນ​ຈິ໋​ຢຸງ ໄດ້​ເນັ້ນ​ໜັກ​ວ່າ, ໃນ​ໄລ​ຍະ​ຜ່ານ​ມາ, ການ​ພົວ​ພັນ​ລະ​ຫວ່າງ​ຫວຽດ​ນາມ - ລ​າວ ໄດ້​ມີ​ການ​ພັດ​ທະ​ນາ​ຢ່າງ​ແຮງ, 2 ຝ່າຍ​ບັນ​ລຸ​ໄດ້ບັນ​ດາ​ໝາກ​ຜົນ​ທີ່​ດີ​ງາມ ໃນ​ການ​ການ​ລົງ​ນາ​ມ​ໃນ​ບັນ​ດາ​ສັນ​ຍາ​ການ​ຄ້າ 2 ຝ່າຍ ແລະ ຜັນ​ຂະ​ຫຍາຍ​ບັນ​ດາ​ໂຄງ​ການ​ທີ່​ໄ​ດ້​ຮັບ​ການ​ລົງ​ນາມ​ແລ້ວ​ໃຫ້​ສະ​ດວກ​ທີ່​ສຸດ. ຄຽງ​ຂ້​າງນັ້ນ, ທ່ານ​ລັດ​ຖະ​ມົນ​ຕີ ຫງວຽນ​ຈິ໋​ຢຸງ ຖື​ວ່າ, ເນື້ອ​ໃນ​ທີ່​ຕ້ອງ​ໄດ້​ຮັບ​ຄວາມ​ສົນ​ໃຈ​ນັ້ນ​ແມ່ນ ສ້າງ​ຄະ​ນະ​ກຳ​ມະ​ການ​ລະ​ຫວ່າງ​ລັດ​ຖະ​ບານ, ການ​ຮ່ວມ​ມື 2 ຝ່າຍ​ໃຫ້​ສົມ​ບູນ ເພື່ອ​ກົນ​ໄກ​ນີ້​ບັນ​ລຸ​ປະ​ສິດ​ທິ​ຜົນ​ສູງ​ສຸດ. ສຳ​ລັບ​ການ​ຮ່ວມ​ມື​ລົງ​ທຶນ, ທ່ານ​ລັດ​ຖະ​ມົນ​ຕີ ຫງວຽນ​ຈິ໋​ຢຸງ ສະ​ເໜີ​ໃຫ້​ກົມ​ສົ່ງ​ເສີມ​ການ​ລົງ​ທຶນ​ລາວ ແລະ ກົມ​ພັດ​ທະ​ນາ​ວິ​ສາ​ຫະ​ກິດ​ຫວຽດ​ນາມ ຕ້ອງ​ສົມ​ທົບ​ກັນ​ຢ່າງ​ແໜ້​ນ​ແຟ້ນກວ່າ, ສ້າງ​ເງື່ອ​ນ​ໄຂ​ສະ​ດວກ​ໃຫ້​ວິ​ສາ​ຫະ​ກິດ​ຫວຽດ​ນາມ ເຄື່ອນ​ໄຫວ​ຢ່າງ​ມີ​ປະ​ສິດ​ທິ​ຜົນ, ຊຸກ​ຍູ້​ການ​ລົງ​ທຶນ, ການ​ຄ້າ​​ໃຫ້ວິ​ສາ​ຫະ​ກິດຫວຽດ​ນາມ ເຄື່ອ​ນ​ໄຫວ​ຢ່າງ​ມີ​ປະ​ສິດ​ທິ​ຜົນ, ຊຸກ​ຍູ້​ການ​ລົງ​ທຶນ, ການ​ຄ້າ​ລະ​ຫວ່າງ 2 ປະ​ເທດ. ​ເມື່ອແຈ້ງ​ກ່ຽວ​ກັບ​ສະ​ພາບ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ຂອງ​ລາວ, ທ່ານລັດ​ຖະ​ມົນ​ຕີ ສຸ​ພັນ ແກ້ວ​ມີ​ໄຊ ໃຫ້ຮູ້​ວ່າ, ​ລາວ​ໄດ້​ຮັບ​ປະ​ກັນ​ຄວາມ​​ມີສະ​ຖຽນ​ລະ​ພາບ​ດ້າ​ນ​ການ​ເມືອງ, ເສດ​ຖະ​ກິດ​ໄດ້​ຮັບ​ການ​ເຕີບ​ໂຕ​ຢ່າງ​ລຽນ​ຕິດ, GDP ປີ 2014 – 2015 ບັນ​ລຸ 7,5% ແລະ ໃນ 6 ເດືອນ​ຕົ້ນ​ປີ 2016, ຄາດ​ວ່າ GDP ບ​ັນ​ລຸ 6,9% - 7%. ໃນ​ໄລ​ຍະ​ຈະ​ມາ​ເຖິງ, ຄາດ​ໝາຍ​ຮອດ​ປີ 2030, ລາວ ສູ້​ຊົນ​ພັດ​ທະ​ນາ​ເສດ​ຖະ​ກິດ​ສັງ​ຄົມ, ນຳ​ປະ​ເທດ​ຊາດ​ໃຫ້​ກາຍ​ເປັນ​ປະ​ເທດ​ມີ​ລາຍ​ຮັບ​ປານ​ກາງ​ສູງ ຕາມ​ທິດ​ເຕີບ​ໂຕ​ຂ​ຽວ ແລະ ໝັ້ນ​ຄົງ. ທ່ານ​ລັດ​ຖະ​ມົນ​ຕີ ສຸ​ພັນ ແກ້ວ​ມີ​ໄຊ ປາດ​ຖ​ະ​ໜາ​ວ່າ, ກະ​ຊວງ​ແຜນ​ການ ແລະ ການ​ລົງ​ທຶນ 2 ປະ​ເທດ ຈະ​ສືບ​ຕໍ່​ສຳ​ຫຼວດ, ຕີ​ລາ​ຄາ​ຄືນ​ບັນ​ດາ​ໂຄງ​ການ​ເຊິ່ງ 2 ຝ່າຍ​ໄດ້​ລົງ​ນາມ​ໃນ​ໄລ​ຍະ 2016 – 2020 ແລະ ສືບ​ຕໍ່​ປະ​ຕິ​ບັດ​ບັນ​ດາ​ໂຄງ​ການ​ທີ່​ໄ​ດ້​ຮັບ​ການ​ລົງ​ນາມ​ຢ່າງ​ມີ​ປະ​ສິດ​ທິ​ຜົນ.

ຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ - ảnh 2
(​ພິ​ທີ​ເປີດ​ສະ​ຫຼອງ Sacombank Lao
ສາ​ຂາຢ​ູ່​ແຂວງ ຈຳ​ປະ​ສັກ)

ເພື່ອນ ດາ​ລາ​ວັນ ສີ​ຫະ​ລາດ, ຢູ່​ແຂວງ ຫົວ​ພັນ ໄດ້​ສົ່ງ​ຂໍ້​ຄວາມ ໂດຍ​ໃຫ້​ຮູ້​ວ່າ: ຂ້າ​ພະ​ເຈົ້າ​ໄດ້​ຍິນວ່າ ໃນ​ຕົ້ນ​ເດືອນ 06 ນີ້, ຢູ່​ແຂວງ ຈຳ​ປະ​ສັກ ໄດ້​ດຳ​ເນີນ​ພິ​ທີ​ເປີດ​ສະ​ຫຼອງທະ​ນາ​ຄານ Sacombank Lao, ສາ​ຂາ ແຂວງ ຈຳ​ປະ​ສັກ. ຂ້າ​ພ​ະ​ເຈົ້າ​ຢາກ​ໄດ້​ຮັບ​ຟັງ​ໂດຍ​ຫຍໍ້​ກ່ຽວ​ກັບ​ການ​ເຄື່ອນ​ໄຫວນີ້.

        ເພື່ອນ ດາ​ລາ​ວັນ ສີ​ຫະ​ລາດ ທີ່​ຮັກ​ແພງ, ທະ​ນາ​ຄານ ໄຊ​ງອນ​ເທືອງ​ຕິ໋ນ​ລາວ ຈຳ​ກັດ (Sacombank Lao) ຫາກໍ່​ຈັດ​ພິ​ທີ​ເປີດ​ສະ​ຫຼອງ​ສາ​ຂາຢ​ູ່​ແຂວງ ຈຳ​ປະ​ສັກ. ສຳ​ນັກ​ງານ​ສາ​ຂາ ຈຳ​ປະ​ສັກ ໄດ້​ຮັບ​ການກໍ່​ສ້າງ​ດ້ວຍ​ເນື້ອ​ທີ່​ດິນກວ່າ 500 ຕາ​ລາງແມັດ, ດ້ວຍຍອດ​ເງິນ​ລົງ​ທຶນກວ່າ 400.000 USD, ຢູ່​ເມືອງ ປາ​ເຊ, ເຊິ່ງ​ແມ່ນ​ແຫ່ງ​​ທີ່ເຕົ້າ​ໂຮມ​ພົນ​ລະ​ເມືອງ ແລະ ວິ​ສາ​ຫະ​ກິດ​ເຄື່ອນ​ໄຫວຜະ​ລິດ​ເປັນ​ຈຳ​ນວນ​ຫຼວງ​ຫຼາຍ​ຂອງ​ແຂວງ ຈຳ​ປະ​ສັກ. ທີ່​ພິ​ທີ​ເປີດ​ສະ​ຫຼອງ, ທ່ານ ຟ້າມກວາງ​ຟຸ໋, ຜູ້​ອຳ​ນວຍ​ການ​ໃຫຍ່ Sacombank Lao ໃຫ້​ຮູ້​ວ່າ, ດ້ວຍ​ການ​ເປີດ​ສະ​ຫຼອງ ແລະ ນຳ​ເຂົ້າ​ເຄື່ອນ​ໄຫວ​ສາ​ຂາຢູ່​ແຂວງຈຳ​ປະ​​ສັກ, Sacombank Lao ໄດ້​ຢືນ​ຢັນ​ຄວາມ​ຕັດ​ສິນ​ໃຈ​ລົງ​ທຶນ ແລະ ພັດ​ທະ​ນາ​ການ​ດຳ​ເນີນ​ທຸ​ລະ​ກິດ​ຢ່າງ​ຍາວ​ນານຢ​ູ່​ລາວ ແລະ ນີ້​ກ​ໍ​ແມ່ນ​​ພາກ​ສ່ວນໜຶ່ງ​ໃນ​​ຍຸດ​ທະ​ສາດ​ເປີດ​ສາ​ຂາ​ຢູ່​ທຸກ​ແຂວງ, ນະ​ຄອນ​ຂອງ​ລາວ ເພື່ອ​ແນ​ໃສ່​ຫັນ​ຄາດ​ໝາຍ​ໃຫ້​ກາຍ​ເປັນ​ທະ​ນາ​ຄານ​ຂາຍ​ຍ່ອ​ຍ​ອັນ​ດັບ​ໜຶ່ງ​ຢູ່​ລາວ​ຢ່າງ​ແທ​້​ຈິງ, ເລື່ອງ​ເປີດ​ສະ​ຫຼອງ​ສາ​ຂາ Sacombank Lao ຈະ​ຊ່ວຍ​ໃຫ້​ລູກ​ຄ້າ​ເຊິ່ງ​ແມ່ນ​ວິ​ສາ​ຫະ​ກິດ, ປະ​ຊາ​ຊົນ​ທຸກ​ຊັ້ນ​ວັນ​ນະ​ຢູ່​ທ້ອງ​ຖີ່ນ ກໍ​ຄື​ພໍ່​ແມ່​ຊາວ​ຫວຽດ​ນາມ ແລະ ບັນ​ດາ​ວິ​ສາ​ຫະ​ກິດ​ຫວຽດ​ນາມ ທີ່​ພວມ​ລົງ​ທຶນ, ດຳ​ເນີນ​ທຸ​ລະ​ກິດ​ຢູ່​ລາວ, ປະ​ກອບ​ສ່ວນ​ຊຸກ​ຍູ້​ການ​ພົວ​ພັນ​ແລກ​ປ່ຽນ​ລະ​ຫວ່າງ​ປະ​ຊາ​​ຄົນ​ວິ​ສາ​ຫະ​ກິດ 2 ປະ​ເທດ. ແລະ​ກໍ​ໃນ​ໂອ​ກາດນີ້, Sacombank Lao ໄດ້​ມອບ​ຈຳ​ນວນ​ເງິນ 40 ລ້ານ​ກີບ ໃຫ້​ກອງ​ທຶນ​ໜູນ​ຊ່ວຍ​ຜູ້​ທີ່​ປະ​ສົບ​ກັບ​ຄວາມ​ຫຍຸ້ງ​ຍາກ​ຂ​ອງ​ແຂວງ​ຈຳ​ປະ​ສັກ; ໜູນ​ຊ່ວຍ​ສະ​ມາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ເມືອງ ປາ​ກເຊ ຈຳ​ນວນ​ເງິນ 40 ລ້ານ​ກີບ ເພື່ອ​ປະ​ກອບ​ສ່ວນ​ຊ່ວຍ​ປະ​ຊາ​ຊົນ​ຜູ້​ທີ່​ຖືກ​ເຄາະ​ຮ້າຍ​ຍ້ອນ​​ຕະ​ຫຼາດ​ຖືກໄຟ​ໄ​ໝ້​ໃນ​ເດືອນ 05 ຜ່ານ​ມາ.

        ດັ່ງ​ທີ່​ກ່າວ​ມາ​ຂ້າງ​ເຖິງ​ແມ່ນ​ເນື້ອ​ໃນ​ຄຳ​ເຫັນຂອງ​ທ່ານ​ຜູ້ຟັງ​ບາງ​ທ່ານ​ທີ່ຝາກ​ມາລາ​ຍການ​ໃນ​ອາທິດ​ຜ່ານ​ມາ, ຫວັງ​ວ່າ ທ່ານ​ຜູ້​ຝັງ​ຈະ​ສືບ​ຕໍ່​​ຝາກ​ຈົດໝາຍ, ອີ​ແມວ ຫຼື ​ໂທລະສັບມາ​ຫາ​ລາຍການເພື່ອ​ປະກອບ​ຄຳ​ເຫັນ​ຊ່ວຍ​ລາຍການ​ຂອງ​ພວກ​ເຮົາ​​ໃຫ້ນັບ​ມື​ມັບ​ດີ​ກວ່າ​​ເກົ່າ. ພວກ​ເພື່ອນ​ສາ​ມາດ​ຝາກຈົດໝາຍ​ມາ​ຍັງ​ລາຍການ​ໂດຍ​ຈ່າ​ໜ້າຊ່ອງ​ວ່າ: ພາກ​ພາສາ​ລາວ, ວິທະຍຸ​ກະຈາຍສຽງ​ຫວຽດນາມ, ​ເຮືອນ​ເລກທີ 45 ​ຖະໜົນ ບ່າ​ຈ້ຽວ, ຮ່າ​ໂນ້ຍ. ຫຼືໂທລະສັບ​ໂດຍ​ກົງ​​ກໍ່​ໄດ້​ຕາມ​ເບີ​ໂທ 0084​.43.8256631 ຫຼື ອີ​ແມວ laovov5@gmail.com.

ຂ່າວ/ບົດ​ອື່ນ