ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ

(VOVWORLD) -ດ້ວຍຈຸດປະສົງຮັກສາຈຸດຄວາມງາມທີ່ເປັນປະເພນີຂອງບຸນເຕັດ ຫວຽດນາມ, ສະໂມສອນສາລາບ້ານ ຫວຽດນາມ ແລະ ສະມາຄົມຊາວໜຸ່ມຕາແສງ ຫວຽດຮຶງ ໄດ້ສົມທົບກັນຈັດຕັ້ງລາຍການ “ຕ້ອນຮັບບຸນເຕັດ ຫວຽດນາມ 2019” ຢູ່ສາລາບ້ານ ເລະເມິດ ທີ່ເມືອງ ລອງບຽນ ຮ່າໂນ້ຍ. ລາຍການໄດ້ວາດພາບເຖິງຄວາມງາມໃນບຸນເຕັດ ຫວຽດນາມ ຄື ປະເພນີໄຫວ້ບູຊາເຈົ້າເຕົ່າ, ການປ່ອຍປາໃນລົງນ້ຳ, ການຕັ້ງໄມ້ໄຜ່ໃນວັນບຸນເຕັດ, ການຫໍ່ເຂົ້າຕົ້ມ… 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 1

ຄືເປັນປະເພນີແລ້ວ, ໃນສອງສາມປີມໍ່ໆມານີ້, ລາຍການ “ຕ້ອນຮັບບຸນເຕັດຫວຽດນາມ” ຂອງກຸ່ມສາລາບ້ານ ຫວຽດນາມ ແມ່ນເຫດການວັດທະນະທຳເພື່ອແນໃສ່ວາດພາບເຖິງຄວາມງາມທີ່ເປັນປະເພນີຂອງບຸນເຕັດ ຫວຽດນາມ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 2

ລາຍການລວມມີບັນດາການເຄື່ອນໄຫວທີ່ມີຄວາມໝາຍ,  ເຂັ້ມຂົ້ນດ້ວຍສີສັນທີ່ເປັນມູນເຊື້ອ ແຕ່ໃນຊີວິດຍຸກທັນສະໄໝກໍ່ໄດ້ຖືກສູນຫາຍໄປສ່ວນໃດສ່ວນໜຶ່ງເຊັ່ນ: ການຕັ້ງໄມ້ໄຜ່, ການຫໍ່ເຂົ້າຕົ້ມ, ໄປຢາມຕະຫຼາດເຂດບ້ານນາ… ອັນໄດ້ດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດມາຮ່ວມຢ່າງຫຼວງຫຼາຍ.

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 3 ລາຍການໄດ້ຖືກຈັດຂຶ້ນຕາມບັນດາຂັ້ນຕອນໃນບຸນເຕັດ ຫວຽດນາມ ເຊິ່ງລວມມີຂັ້ນຕອນຈັດພິທີ ແລະ  ຂັ້ນຕອນຈັດງານບຸນ ເຊິ່ງຖືກດຳເນີນໃນບໍລິເວນສາລາບ້ານ ເລະເມິດ.
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 4

ຂັ້ນຕອນຈັດພິທີຖືກດຳເນີນດ້ວຍພິທີໄຫວ້ບູຊາພະອໍລະຫັນຜູ້ກໍ່ຕັ້ງໝູ່ບ້ານ, ບັນພະບູລຸດ, ໄຫວ້ບູຊາເຈົ້າເຕົາ.

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 5

ພາຍຫຼັງພິທີໄຫວ້ບູຊາເຈົ້າເຕົ່າແລ້ວ, ກໍ່ແມ່ນການປ່ອຍປາໃນລົງນ້ຳ. ຕາມຄວາມສຳນຶກຂອງຊາວ ຫວຽດນາມ, ປາໃນຈະສົ່ງເຈົ້າເຕົາກັບຄືນສູ່ສະຫວັນ ເພື່ອລາຍງານກ່ຽວກັບວຽກງານໃນໂລກມະນຸດ ໃນປີທີ່ຜ່ານມາ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 6

ຕາມປະເພນີແລ້ວ, ພາຍຫຼັງປ່ອຍປາໃນລົງນ້ຳ ສົ່ງເຈົ້າເຕົາຂຶ້ນສູ່ສະຫວັນແລ້ວ, ແມ່ນຮອດພິທີຕັ້ງໄມ້ໄຜ່ດ້ວຍຄວາມໝາຍ ແມ່ນເພື່ອຂັບໄລ່ຜີສາງນາງໄມ້, ກະກຽມຕ້ອນຮັບປີໃໝ່ດ້ວຍຄວາມຢູ່ເຢັນເປັນສຸກ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 7 ໄມ້ໄຜ່ຖືກຕັ້ງຂຶ້ນດ້ວຍເຄື່ອງຂອງຫຼາຍຢ່າງຖືກແຂວນນຳເຊັ່ນ: ໂຄມໄຟ, ແຜ່ນແພສີແດງ… ຊຶ່ງ ມີຄວາມໝາຍ ເພື່ອພາວະນາໃຫ້ມີຄວາມອິ່ມໜຳສຳລານ ແລະ ສົມບູນພູນສຸກ. ຢູ່ເຢັນເປັນສຸກ.

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 8 ບັນດາສະມາຊິກໃນຄະນະຈັດຕັ້ງພວມແນະນຳກ່ຽວກັບຄວາມໝາຍຂອງເຄື່ອງຂອງແຕ່ລະຢ່າງຖືກແຂວນໃສ່ໄມ້ໄຜ່.
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 9 ໂດຍແມ່ນໜຶ່ງໃນບັນດາພິທີສຳຄັນຂອງວັນບຸນເຕັດ, ພິທີຕັ້ງໄມ້ໄຜ່ໄດ້ດຶງດູດຄວາມສົນໃຈຈາກປະຊາຊົນ ຢ່າງຫຼວງຫຼາຍ.
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 10ຕາມຄວາມສຳນຶກຂອງຊາວ ຫວຽດນາມແລ້ວ, ພາຍຫຼັງຕັ້ງໄມ້ໄຜ່ເປັນທີ່ຮຽບຮ້ອຍແລ້ວ, ຢູ່ກົກຂອງໄມ້ໄຜ່ກໍຈະແຕ້ມຮູບທະນູ ເຊິ່ງປາຍຂອງລູກທະນູແມ່ນມຸ່ງໄປສູ່ປະຕູ ເພື່ອຂັບໄລ່ຜີສາງນາງໄມ້.  
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 11

ຢູ່ບໍລິເວນໄມ້ໄຜ່ທີ່ຖືກຕັ້ງຮຽບຮ້ອຍແລ້ວ, ຂັ້ນຕອນຈັດງານບຸນຂອງບຸນເຕັດ ໄດ້ຖືກເລີ່ມຂຶ້ນຢ່າງເປັນທາງການ.

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 12 ໃນຈຸດເວລານີ້ ບັນດາຜູ້ເຖົ້າຜູ້ແກ່ໃນໝູ່ບ້ານໄດ້ຍົກຈອກອວຍພອນກັນ ແລະ ຊົມເຊີຍພິທີໄດ້ດຳເນີນໄປຢ່າງສະດວກ ເຊິ່ງເປັນການບອກເຕືອນປີໃໝ່ຈະມີຄວາມຢູ່ເຢັນເປັນສຸກ.
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 13

ຂັ້ນຕອນຈັດງານບຸນໄດ້ຖືກຈັດຂຶ້ນ ດ້ວຍບັນດາລາຍການສະແດງສິນລະປະວັນນະຄະດີທີ່ເປັນເອກະລັກເຊັ່ນ ການສະແດງຂັບກາຈູ, ລະຄອນແຈວ, ຂັບຊວານຟູເຖາະ…

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 14ພໍ່ຕູ້ ຮ່ວາງງອກເຢົ້າ ອາຍຸ 90 ປີ, ຊາວບ້ານເລະເມິດ ສວມບົດເປັນນາຍພົນໃນສະໄໝລາດຊະວົງຫຼີ ໃນບົດລະຄອນແຈວທີ່ສະແດງໃນງານບຸນໝູ່ບ້ານ.
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 15

ພ້ອມກັບບັນຫາລາຍສະແດງສິລະປະວັນນະຄະດີ ກໍ່ແມ່ນບັນດາການເຄື່ອນໄຫວເຄີຍມີຂຶ້ນໃນບຸນເຕັດ ຫວຽດນາມ ຄື ປະເພນີຂໍຕົວໜັງສືຍາມຕົ້ນລະດູບານໃໝ່, ຕະຫຼາດບຸນເຕັດ… 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 16
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 17ນີ້ກໍ່ແມ່ນໂອກາດເພື່ອແນະນຳໃຫ້ໄວໜຸ່ມລຸ່ນຕ່າງໆ ກ່ຽວກັບພາບພື້ນເມືອງປະເພດຕ່າງໆ. ື ປະເພນີຂໍຕົວໜັງສືຍາມຕົ້ນລະດູບານໃໝ່, ຕະຫຼາດບຸນເຕັດ… 
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 18

ແຈໜຶ່ງຢູ່ຕະຫຼາດເຂດບ້ານນາ ດ້ວຍອາຫານພິເສດຫຼາຍເຍື່ອງໃນເຂດບ້ານນາເຊັ່ນ: ເຂົ້າໜົມຈືນ, ບັ໋ນດຸກ, ບັ໋ນເນັບ…  

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 19 ສິລະປິນໄວເດັກສະແດງຂັບຊວານ ໄດ້ຮັບການສະເໜີສະແດງຈາກຜູ້ຊົມຢູ່ເດີ່ນສາລາ. 
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 20ແຂກທ່ອງທ່ຽວສາກົນຖ່າຍຮູບເປັນທີ່ລະນຶກຮ່ວມກັບ ພໍ່ຕູ້ ຮ່ວາງງອກເຢົ້າ ນັກສິລະປິນຂັບແຈວ
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 21

ຢູ່ເດີ່ນສາລາບ້ານ, ພວກເດັກ ແລະ ແຂກທ່ອງທ່ຽວໄດ້ເຂົ້າຮ່ວມການຫໍ່ເຂົ້າຕົ້ມ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 22 ໃນຊຸດອາພອນເສື້ອຍາວທີ່ເປັນປະເພນີ, ອ້າຍ ເອຣິກ ມາຈາກອາເມລິກາພວມລົງເຮັດຕົວຈິງ ດ້ວຍການຫໍ່ເຂົ້າຕົ້ມ. 
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 23

ຍາມຄ່ຳລົງເມື່ອໝໍ້ເຂົ້າຕົ້ມຄ້າງເຕົາໄຟທີ່ພວມລຸກໄໝ້, ບັນດາຜູ້ເຂົ້າຮ່ວມກໍ່ພ້ອມກັນນັ່ງອ້ອມເຕົາໄຟ ເພື່ອປີ້ງສາລີ, ປີ້ງມັນຕົ້ນ, ລໍ່ຖ້າເຂົ້າຕົ້ມສຸກ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 24ບາງຄອບຄົວຍັງຕັ້ງຕູບເພື່ອນັ່ງລໍຖ້າເຂົ້າຕົ້ມສຸກໃນຕະຫຼອດຄືນ.  
ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 25

ຢູ່ເດີ່ນສາລາບ້ານ, ບັນດານັກສິລະປິນພ້ອມກັບຜູ້ຊົມໄດ້ຂັບກາບກອນ, ຂັບສຳ… ແນະນຳບັນດາຈຸດຄວາມງາມໃນບຸນເຕັດທີ່ເປັນປະເພນີຂອງຊາດ ຫວຽດນາມ ໃຫ້ແກ່ແຂກທ່ອງທ່ຽວຮັບຊາບ. 

ຮັກສາຄວາມງາມທີ່ເປັນປະເພນີຂອງບຸນເຕັດຫວຽດນາມ - ảnh 26

ດ້ວຍຈຸດປະສົງອະນຸລັກຮັກສາ ແລະ ເສີມຂະຫຍາຍບັນດາຈຸດຄວາມງາມທາງດ້ານວັດທະນະທຳຂອງບຸນເຕັດ ຫວຽດນາມ. ລາຍການ “ຕ້ອນຮັບບຸນເຕັດ ຫວຽດນາມ ປີ 2019” ໄດ້ຊ່ວຍແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດສາມາດເຂົ້າໃຈ ແລະ ຖະຫນຸຖະໜອມຄຸນຄ່າມໍລະດົກຂອງປູ່ຍ່າຕາຍາຍປະໄວ້ໃຫ້, ຈາກນັ້ນມີສະຕິອະນຸລັກຮັກສາ ແລະ ເສີມຂະຫຍາຍບັນຄຸນຄ່າທີ່ປະເສີດ ຂອງບຸນເຕັດ ຫວຽດນາມ ແລະ ມູນເຊື້ອອັນດີງາມຂອງຊາດ.


ຕອບກັບ

ຂ່າວ/ບົດ​ອື່ນ