ພື້ນຖານໂຄງລ່າງດ້ານການທ່ອງທ່ຽວຂອງເມືອງເກາະກາດບາ, ຫາຍຟ່ອງໃນຊຸມປີມໍ່ໆມານີ້ ໄດ້ຮັບການເພີ່ມທະວີການລົງທຶນ, ທັດສະນີຍະພາບ, ສິ່ງແວດລ້ອມໄດ້ຮັບການຮັກສາຕາມທິດທ່ອງທ່ຽວທຳມະຊາດແບບຍືນຍົງ. ພ້ອມກັນນັ້ນ, ຂົວດິງວູ້-ກາດຫາຍໄດ້ນຳເຂົ້າໃຊ້ການພ້ອມກັບບັນດາເສັ້ນທາງດ່ວນ ຫາຍຟ່ອງ-ຮ່າໂນ້ຍ, ຮ່າໂນ້ຍ-ລາວກາຍ….ກໍແມ່ນກຳລັງໜູນເພື່ອກໍ່ສ້າງ ເກາະກາດບາ ໃຫ້ກາຍເປັນສູນທ່ອງທ່ຽວລະດັບຊາດ ແລະ ສາກົນໂດຍໄວ.

 ຈຳນວນແຂກທ່ອງທ່ຽວທັງຢູ່ພາຍໃນປະເທດ ແລະ ສາກົນມາທ່ອງທ່ຽວຢູ່ ເກາະກາດບາທີ່ຂຶ້ນກັບໝູ່ເກາະກາດບາ ໄດ້ເພີ່ມຂຶ້ນຢ່າງຕໍ່ເນື່ອງ. ປີ 2009, ເກາະກາດບາຕ້ອນຮັບແຂກທ່ອງທ່ຽວຜູ້ທີ 1 ລ້ານໃນປີ. ຕົ້ນເດືອນພະຈິກປີ 2017 ເກາະກາດບາຕ້ອນຮັບແຂກທ່ອງທ່ຽວຫວຽດນາມຜູ້ທີ 2 ລ້ານໃນປີ ແລະ ແຂກທ່ອງທ່ຽວສາກົນຜູ້ທີ 4 ແສນ 5 ໝື່ນ. ທັງນີ້ກໍເປັນການຊ່ວຍຂະແໜງທ່ອງທ່ຽວມີຄວາມໝັ້ນໃຈເພື່ອສຳເລັດແຜນການຕ້ອນຮັບແຂກທ່ອງທ່ຽວ 6,7 ລ້ານເທື່ອຄົນໃນປີ 2017 .