(ພາບປະກອບ)
(vovworld) - ໜັງສືພິມ ເຢຍລະມັນ “Unsere Zeit” (ຍຸກສະໄໝຂອງພວກເຮົາ) ສະບັບອອກທ້າຍອາທິດຜ່ານມາ ໄດ້ລົງພິມບົດ ແລະ ຮູບພາບຍ້ອງຍໍຊົມເຊີຍຜົນສຳເລັດຂອງກອງປະຊຸມໃຫຍ່ທົ່ວປະເທດຄັ້ງທີ 12 ຂອງພັກ, ໃນນັ້ນ ຢືນຢັນວ່າ: ບົດບາດການຊີ້ນຳນຳພາຂອງພັກກອມມູນິດ ຫວຽດນາມ ໃນພາລະກິດສ້າງສາ ແລະ ພັດທະນາປະເທດຊາດ. ນັກປະພັນ Gerhard Feldbauer ຕີລາຄາສູງບັນດາຈຸດສຸມວຽກງານຂອງພັກກອມມູນິດ ຫວຽດນາມ ໃນ 5 ປີຈະມາເຖິງລວມມີ: ເພີ່ມທະວີການກໍ່ສ້າງພັກໃຫ້ປອດໃສ, ໝັ້ນຄົງເຂັ້ມແຂງ; ເສີມຂະຫຍາຍກຳລັງແຮງທົ່ວປວງຊົນທັງຊາດ ແລະ ປະຊາທິປະໄຕສັງຄົມນິຍົມ; ຍູ້ແຮງຢ່າງຮອບດ້ານ, ຄົບຊຸດພາລະກິດປ່ຽນແປງໃໝ່; ປົກປັກຮັກສາປະເທດຊາດ; ຮັກສາສະພາບແວດລ້ອມແຫ່ງສັນຕິພາບ ແລະ ສະຖຽນລະພາບ. ບົດຂຽນກໍ່ໄດ້ຄັດຄຳເວົ້າຂອງທ່ານເລຂາທິການໃຫຍ່ ຫງວຽນຟູຈ້ອງ ຊີ້ແຈ້ງເລື່ອງ ສືບຕໍ່ຍົກສູງບົດບາດການຊີ້ນຳນຳພາ ແລະ ກຳລັງການຕໍ່ສູ້ຂອງພັກ ແມ່ນປັດໃຈຕັດສິນ ເພື່ອປະຕິບັດນະໂຍບາຍປ່ຽນໃໝ່ພື້ນຖານເສດຖະກິດ, ຍົກສູງຊີວິດການເປັນຢູ່ຂອງປະຊາຊົນໃນແຜນການພັດທະນາເສດຖະກິດ - ສັງຄົມ 5 ປີຈະມາເຖິງ. ບົດຂຽນກໍ່ເນັ້ນໜັກວ່າ: ດ້ວຍບົດບາດຊີ້ນຳນຳພາປະເທດຊາດ, ພັກກອມມູນິດ ຫວຽດນາມ ຍາມໃດກໍ່ເດັດດ່ຽວປົກປັກຮັກສາເອກະລາດ, ອະທິປະໄຕຜືນແຜ່ນດິນ ກໍ່ຄືປົກປັກຮັກສາສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.