(vovworld) – ວັນທີ 08/10, ບັນດາປະເທດສະຫະພາບເອີລົບ (EU) ໄດ້ເຫັນດີເພີ່ມທະວີການເນລະເທດຊາວອົບພະຍົບເຂົ້າເມືອງຢ່າງຜິດກົດໝາຍ, ພ້ອມທັງປຶກສາຫາລືກ່ຽວກັບເລື່ອງສ້າງຕັ້ງກຳລັງຊາຍແດນຮ່ວມ ເພື່ອສະກັດກັ້ນຊາວອົບພະຍົບສືບຕໍ່ເຂົ້າເຂດນີ້. ສິ້ນສຸດກອງປະຊຸມ, ເຊິ່ງດຳເນີນໄປຢູ່ ບຣຸກແຊນ, ປະເທດແບນຊິກ, ບັນດາລັດຖະມົນຕີກະຊວງພາຍໃນຂອງ EU ໄດ້ອອກຖະແຫຼງການໂດຍຖືວ່າ, ຈຳເປັນຕ້ອງມີການກະທຳຢ່າງເດັດດ່ຽວກວ່າສຳລັບຊາວອົບພະຍົບເຂົ້າເມືອງບັນດາປະເທດສະມາຊິກ EU ຢ່າງຜິດກົດໝາຍ, ໃນນັ້ນມີເລື່ອງເນລະເທດບັນດາເປົ້າໝາຍນີ້.
ກອງປະຊຸມກໍປຶກສາຫາລືກ່ຽວກັບຂໍ້ສະເໜີຂອງຝລັ່ງ ສ້າງຕັ້ງກຳລັງປ້ອງກັນຊາຍແດນ EU ເພື່ອປົກປັກຮັກສາບັນດາເສັ້ນຊາຍແດນຢູ່ນອກກຸ່ມນີ້ຢ່າງມີປະສິດທິຜົນກວ່າ.