(vovworld) – ວັນທີ 16/4, ໃນຂອບເຂດ Festival ເຫ້ວ 2014 ສືບຕໍ່ດຳເນີນການເຄື່ອນໄຫວງານບຸນ ແລະ ສີລະປະຕ່າງໆທີ່ຟົດຟື້ນຄື: ງານຕະຫຼາດນັດປື້ມ ເຟືອງນາມ, ສີລະປະຈັດວາງ ແລະ ງານລາຕີຢູ່ຕາມຖະໜົນ, ງານມະໂຫລານຟ້ອນສາກົນ, ງານມະໂຫລານອາຫານການກິນສາກົນ... ແລະ ພິເສດແມ່ນລາຍການເຊີດຊູຂັບເຫ້ວ.
ກ່ອນໜ້ານັ້ນ, ຕອນຄຳ່ວັນທີ 15/4, ຢູ່ພະລາດຊະວັງ ດ້າຍໂນ້ຍເຫ້ວ, ໄດ້ດຳເນີນລາຍການ “ງານລາຕີພະລາຊະວັງ”. ນີ້ແມ່ນໜຶ່ງໃນບັນດາງານບຸນຕົ້ນຕໍ່ ແລະ ແມ່ນຈຸດພົ້ນເດັ່ນຂອງ Festival ເຫ້ວ 2014.
ງານລາຕີພະລາຊະວັງແມ່ນ ໄດ້ວາດພາບໃຫ້ເຫັນຄວາມງາມຂອງ ດ້າຍໂນ້ຍ ໃນຍາມຄຳ່ຄືນດ້ວຍຮູບພາບພະລາຊານີກັບເມື່ອພະລາດຊະວັງຕ້ອນຮັບແຂກ, ງານແຕ່ງດອງຂອງລາຊາທິດາ. ທ່ານ ຟານແທງຫາຍ, ຜູ້ອຳນວຍການສູນປົກປັກຮັກສາມໍລະດົກກຸງເກົ່າ ເຫ້ວ, ໃຫ້ຮູ້ວ່າ:
“ຈຸດພິເສດທີ່ສຸດຂອງລາຍການແມ່ນພິທີລ້ຽງຄຳ່ຄືນພະລາດຊະວັງ. ປີນີ້, ພວກຂ້າພະເຈົ້າໄດ້ເອົາໃຈໃສ່ລົງທຶນ, ຄົ້ນຄ້ວາ ແລະ ຟື້ນຟູບັນດາເຍື່ອງອາຫານຂອງພະລາດຊະວັງຖືກກັບຄວາມໝາຍ, ຈິດໃຈຂອງອາຫານການກິນ ພະລາດຊະວັງ - ນັ້ນແມ່ນບັນດາເຍື່ອງອາຫານສະແດງຄວາມເຫັນອົກເຫັນໃຈ, ຄວາມສະໜິດສະໜົມອັນໃຫຍ່ຫຼວງຂອງມະນຸດທີ່ມີຕໍ່ທຳມະຊາດ ແລະ ໂລກຈັກກະວານ”