(vovworld) - ວັນທີ 23/05, ອົງການອະນາໄມໂລກ (WHO) ໄດ້ອອກສຽງກ່າວເຕືອນກ່ຽວກັບການປະກົດຕົວບັນດາພະຍາດຕິດແປດ ກໍຄືໄພພິບັດໂດຍມະນຸດກໍ່ຂຶ້ນ. WHO ເນັ້ນໜັກວ່າ, ນີ້ແມ່ນໜຶ່ງໃນບັນດາສິ່ງທ້າທາຍອັນໃຫຍ່ຫຼວງທີ່ສຸດສຳລັບຂະແໜງສາມາລະນະສຸກຂອງປະເທດຕ່າງໆໃນປະຈຸບັນນີ້ ແລະ ຮຽກຮ້ອງໃຫ້ມີປະຕິກິລິຍາຢ່າງທັນການໃນທົ່ວໂລກ. ກ່າວຄຳເຫັນທີ່ກອງປະຊຸມສາທາລະນະສຸກໂລກຄັ້ງທີ 69 ຢູ່ເຊີແນວ, ປະເທດສະວິດ, ຜູ້ອຳນວຍການໃຫຍ່ WHO ທ່ານນາງ Magaret Chan ໄດ້ອອກສຽງກະຕຸກຊຸກຍູ້ບັນດາປະເທດ ຈຳເປັນຕ້ອງສ້າງລະບົບສາທາລະນະສຸກທີ່ເຂັ້ມແຂງກວ່າ, ພ້ອມທັງເນັ້ນໜັກວ່າ: ເລື່ອງມີປະຕິກິລິຍາຢ່າງຊັກຊ້າ ແລະ ຂາດປະສິດທິຜົນ ຄືການຮັບມືກັບໂລລະບາດ Ebola ໃນໄລຍະຜ່ານມາ ແມ່ນການປະລາໄຊ ດັ່ງນັ້ນບໍ່ໃຫ້ເກີດຂຶ້ນໃນອະນາຄົດອີກ. ຕາມທ່ານນາງ Magaret Chan ແລ້ວ, ການກໍ່ສ້າງລະບົບສາທາລະນະສຸກເຂັ້ມແຂງແມ່ນມາດຕະການກັນພະຍາດທຳອິດທີ່ພວມເຮົາຕ້ອງມຸ່ງໄປເຖິງ. ບັນຫານີ້ຈະຖືກຍົກອອກມາປຶກສາຫາລືທີ່ກອງປະຊຸມສຸດຍອດ G7 ໃນທ້າຍສັບປະດານີ້ຢູ່ຍີ່ປຸ່ນ.