ລັດຖະມົນຕີການຕ່າງປະເທດຂອງກຸ່ມ4ປະເທດ
ພາບ:kienthuc.net
|
(vovworld)-ການພົບປະຂັ້ນລັດຖະມົນຕີຊ່ວຍວ່າການກະຊວງການຕ່າງປະເທດຂອງກຸ່ມ4ປະເທດຊື່ງລວມມີ: ລັດເຊຍ, ເຢຍລະມັນ, ຝລັ່ງ ແລະ ຢູແກຼນ ດຳເນີນໃນວັນທີ 25/3 ຢູ່ ປາຣີ ປະເທດ ຝລັ່ງ ໄດ້ອັດລົງ ແຕ່ບັນດາຝ່າຍບໍ່ທັນເຫັນດີກ່ຽວກັບທິດທາງແກ້ໄຂການປະທະກັນຢູ່ພາກຕາເວັນອອກ ຢູແກຼນ. ທ່ານ Grigory Karasin, ລັດຖະມົນຕີຊ່ວຍວ່າການກະຊວງການຕ່າງປະເທດ ລັດເຊຍ ເນັ້ນຫນັກວ່າ: ບັນດາຝ່າຍປະທະກັນຢູ່ພາກຕາເວັນອອກ ຢູແກຼນ ບໍ່ທັນປະຕິບັດຂໍ້ຕົກລົງ Minks ຢ່າງເຂັ້ມງວດ ເມື່ອລະເມີດກົນໄກຢຸດຍິງເປັນຫລາຍຄັ້ງແລ້ວ ພ້ອມທັງກ່າວຫາອຳນາດການປົກຄອງ ຢູແກຼນ ເຮັດໃຫ້ການປະຕິບັດຂໍ້ຕົກລົງຢຸດຍິງຊັກຊ້າລົງ. ໃນຂະນະນັ້ນ, ທ່ານ Vadym Prystaiko, ລັດຖະມົນຕີຊ່ວຍວ່າການກະຊວງການຕ່າງປະເທດ ຢູແກຼນ ໄດ້ເນັ້ນຫນັກວ່າ ຝ່າຍ ກີແອບ ບໍ່ຖືຜູ້ການນຳ Donetsk ແລະ Lugansk ປະຈຸບັນ ແມ່ນຜູ້ຕາງຫນ້າຕົ້ນຕໍໃຫ້ແກ່ປະຊາຊົນຢູ່ພາກພື້ນນີ້. ເຂົາເຈົ້າພຽງແຕ່ແມ່ນຜູ້ບັນຊາການທະຫານ ບໍ່ແມ່ນຜູ້ຕາງຫນ້າໃຫ້ແກ່ປະຊາຊົນພາກຕາເວັນອອກທັງໝົດ, ສະນັ້ນ ຈະບໍ່ມີຄວາມໝາຍດ້ານການເມືອງຖ້າຫາກເຈລະຈາກັບເຂົາເຈົ້າ.