ທະຫານຊ່ວຍປະຊາຊົນກະກຽມການຮັບມືກັບພາຍຸ Ramasun
(ພາບ: qdnd.vn)
(vovworld) - ຕອນເຊົ້າວັນທີ 19/7, ພາຍຸ Ramasun ໄດ້ພັດເຂົ້າແຂວງກວາງນິງ ດ້ວຍກຳລັງແຮງລະດັບ 10-11, ກໍ່ລົມພັດແຮງ ແລະ ຝົນຕົກໜັກຢູ່ນະຄອນມ໋ອງກ໋າຍ ແລະ ທ້ອງຖີ່ນຕ່າງໆຢູ່ແຂວງກວາງນິງ.
ຕອນເຊົ້າວັນທີ 19/7, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ໄປກວດກາສະພາບຕົວຈິງຜົນສະທ້ອນຂອງພາຍຸຢູ່ບາງສະຖານທີ່ຈຸດສຸມໃນນະຄອນ ຫ້າລອງ, ແຂວງກວາງນິງ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຮຽກຮ້ອງແຂວງກວາງນິງຕິດຕາມສະພາບການຂອງພາຍຸ, ຊີ້ນຳບັນດາທ້ອງຖີ່ນ, ບັນດາກຳລັງໃນແຂວງປະຕິບັດວິທີການປ້ອງກັນ, ຕ້ານພາຍຸນຳ້ຖ້ວມທີ່ໄດ້ວາງອອກຢ່າງທັນການ. ມາຮອດຈຸດເວລານີ້, ບໍ່ທັນມີຂ່າວກ່ຽວກັບຄວາມເສຍຫາຍໂດຍພາຍຸນີ້ກໍ່ຂຶ້ນເທື່ອ. ທີ່ການປະຊຸມຂອງຫ້ອງການປະຈຳຄະນະຊີ້ນຳປ້ອງກັນ ແລະ ຕ້ານພາຍຸສູນກາງ ທີ່ຈັດຂຶ້ນຢູ່ຮ່າໂນ້ຍໃນຕອນເຊົ້າວັນທີ 19/7. ທ່ານລັດຖະມົນຕີຊ່ວຍວ່າການກະຊວງກະສີກຳ ແລະ ພັດທະນາຊົນນະບົດ ຮ່ວາງວັນທັ໋ງ ໄດ້ເນັ້ນໜັກວ່າ:
“ຕ້ອງສຸມໃສ່ວຽກງານຮັບມືຢູ່ເຂດທີ່ພາຍຸຈະພັດເຂົ້າ. ພວກເຮົາຄວນໃຫ້ຂ່າວກ່ຽວກັບການຜັນແປໃໝ່ສຸດຂອງພາຍຸໃຫ້ແກ່ບັນດາແຂວງໃນເຂດພູດອຍທາງພາກເໜືອ ເພື່ອຮັບໃຊ້ວຽກງານຊີ້ນຳ. ສະເໜີໃຫ້ທະຫານປ້ອງກັນຊາຍແດນ, ທະຫານຊີ້ນຳບັນດາກົມກອງກຳແໜ້ນສະພາບການຜັນແປຂອງພາຍຸ ເພື່ອຊີ້ນຳບັນດາກົມກອງດັ່ງກ່າວກຽມພ້ອມໜູນຊ່ວຍປະຊາຊົນເມື່ອເກີດສະພາບການທີ່ຮ້າຍແຮງຢູ່ເຂດພູດອຍ“.