(vovworld) – ວັນທີ 12/03, ກອງທັບສປປ.ເກົາຫຼີ ຖະແຫຼງວ່າ ຈະໂຕ້ຕອບການຊ້ອມຮົບຮ່ວມສ.ເກົາຫຼີ - ອາເມລິກາ ທີ່ພວມດຳເນີນ. ສຳນັກຂ່າວສານສູນກາງສປປ.ເກົາຫຼີ (KCNA) ໄດ້ຄັດຄຳເວົ້າຂອງຫົວໜ້າເສນາທິການໃຫຍ່ກອງທັບປະຊາຊົນສປປ.ເກົາຫຼີ (KPA) ທີ່ເວົ້າວ່າ, KPA ມີແຜນການໂຕ້ຕອບບັນດາການຊ້ອມຮົບຮ່ວມ ສ.ເກົາຫຼີ - ອາເມລິກາ “ດ້ວຍຍຸດທະສາດປົດປ່ອຍທົ່ວສ.ເຫົາຫຼີ ຜ່ານບັນດາການບຸກໂຈມຕີຢ່າງໄວ ມີຄວາມຊັດເຈນສູງ”, ພ້ອມທັງໃຫ້ຮູ້ວ່າ, ບັນດາກຳລັງປະກອບອາວຸດປະຕິວັດຂອງສປປ.ເກົາຫຼີ ພວມ “ກຳແໜ້ນປືນ” ແລະ ລໍ້ຖາຄຳສັ່ງຂອງກະຊວງກອງບັນຊາການສູງສຸດ.
ຄຳຖະແຫຼງດັ່ງກ່າວຖືກຍົກອອກມາໃນສະພາບທີ່ ສ.ເກົາຫຼີ - ອາເມລິກາ ພວມດຳເນີນບັນດາການຊ້ອມຮົບຮ່ວມປະຈຳປີແຕ່ວັນທີ 07/03, ດ້ວຍຂອບຂະໜາດໃຫຍ່ກ່ວາໝູ່ນັບແຕ່ກ່ອນມາຮອດປະຈຸບັນ.