ກອງປະຊຸມຄະນະບໍລິຫານງານສະຫະພັນແມ່ຍິງຫວຽດນາມຊຸດທີ11
.jpg)
ກອງປະຊຸມຄັ້ງທີ 10 ຄະນະບໍລິຫານງານສູນກາງສະຫະພັນແມ່ຍິງ ຫວຽດນາມ ຊຸດທີ 11
|
(vovworld) – “ບັນດາເອກະສານທີ່ກອງປະຊຸມໃຫຍ່ຜູ້ແທນແມ່ຍິງທົ່ວປະເທດຄັ້ງທີ 12 ຕ້ອງສຸມໃສ່ເຂົ້າໃນບັນດາບັນຫາທີ່ແມ່ຍິງມີຄວາມສົນໃຈ, ລໍຄອຍ. ພ້ອມທັງ, ຕ້ອງຕອບໄດ້ຄຳຖາມ, ແມ່ຍິງຈະເຂົ້າຮ່ວມການແກ້ໄຂບັນຫາຫຍັງຂອງຊາດ, ແກ້ໄຂບັນຫາຫຍັງດ້ວຍບົດບາດເປັນສະມາຊິກຂອງແນວໂຮມປະເທດຊາດ ຫວຽດນາມ”. ນັ້ນແມ່ນຄຳເຫັນຂອງທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ທີ່ກອງປະຊຸມຄັ້ງທີ 10 ຄະນະບໍລິຫານງານສູນກາງສະຫະພັນແມ່ຍິງ ຫວຽດນາມ ຊຸດທີ 11, ເຊິ່ງຖືກຈັດຕັ້ງໃນວັນທີ 17/1, ຢູ່ຮ່າໂນ້ຍ. ທ່ານປະທານ ຫງວຽນທ້ຽນເຍີນ ສະເໜີວ່າ ໃນໄລຍະຈະມາເຖິງ, ບັນດາຂະບວນການຂອງສະຫະພັນຕ້ອງມຸ່ງໄປເຖິງເປົ້າໝາຍຄອບຄົວທຸກຍາກ ແລະ ບາງຄອບຄົວໄດ້ຫລຸດພົ້ນອອກຈາກຄວາມທຸກຍາກແຕ່ຕ້ອງຍົກສູງປະສິດທິຜົນແຫ່ງການພັດທະນາເສດຖະກິດ, ເພີ່ມທະວີສະມັດຕະພາບການອອກແຮງງານ. ສະເພາະສຳລັບແມ່ຍິງເຮັດວຽກໃນຂະແໜງກະສິກຳ, ນອກຈາກການໜູນຊ່ວຍກ່ຽວກັບດ້ານທຶນຮອນແລ້ວ, ຍັງຕ້ອງໜູນຊ່ວຍເຂົາເຈົ້າປ່ຽນແປງຮູບການຜະລິດ, ຫັນປ່ຽນຈາກຮູບການຜະລິດສ່ວນບຸກຄົນ ໄປສູ່ການຮ່ວມມື, ຫລຸດພົ້ນອອກຈາກການຜະລິດແບບກະແຈກກະຈາຍ.