(vovworld) - ໂດຍສືບຕໍ່ບັນດາການບັນດາການເຄື່ອນໄຫວໃນຂອບເຂດກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48 (AEM 48) ຖືກດຳເນີນຢູ່ນະຄອນຫຼວງ ວຽງຈັນ, ປະເທດລາວ, ໃນວາລະປະຊຸມຕອນບ່າຍວັນທີ 04/08, ບັນດາລັດຖະມົນຕີໄດ້ເຂົ້າຮ່ວມກອງປະຊຸມທາບທາມຄວາມເຫັນລັດຖະມົນຕີເສດຖະກິດອາຊຽນ ກັບອາເມລິກາ ແລະ ຈີນ.
ທີ່ກອງປະຊຸມທາບທາມຄວາມເຫັນລັດຖະມົນຕີເສດຖະກິດອາຊຽນ ກັບ ອາເມລິກາ (AEM - USTR), ບັນດາລັດຖະມົນຕີໄດ້ຮັບຮູ້ຄວາມກ້າວໜ້າທີ່ບັນລຸໄດ້ໃນການຮ່ວມມືດ້ານການຄ້າ ແລະ ການລົງທຶນ 2 ຝ່າຍອາຊຽນ - ອາເມລິກາ. ຍອດມູນຄ່າແລກປ່ຽນດ້ານການຄ້າລະຫວ່າງອາຊຽນ ແລະ ອາເມລິກາ ບັນລຸ 212,8 ຕື້ USD, ກວມເອົາ 9,3% ຍອດມູນຄ່າການຄ້າຂອງອາຊຽນ ແລະ ອາເມລິກາ ແມ່ນນັກລົງທຶນໃຫຍ່ອັນດັບ 3 ຢູ່ອາຊຽນ. ບັນດາລັດຖະມົນຕີໄດ້ຊົມເຊີຍບັນດາຄວາມຄືບໜ້າໃນການຈັດຕັ້ງປະຕິບັດກອບສັນຍານຮ່ວມມືດ້ານການຄ້າ ແລະ ການລົງທຶນລະຫວ່າງຫວຽດນາມ ແລະ ອາເມລິກາ (TIFA) ແລະ ພັດທະນາໂຄງການຮ່ວມມືເສດຖະກິດ (E3) ແລະ ການໜູນຊ່ວຍຕ່າງໆກ່ຽວກັບກົນໄກປະຕູດຽວໃນຂົງເຂດພາສີ…
ທີ່ກອງປະຊຸມທາບທາມຄວາມເຫັນລັດຖະມົນຕີເສດຖະກິດອາຊຽນ ກັບ ຈີນ ຄັ້ງທີ 15 (AEM – MOFCOM Consultations), ບັນດາລັດຖະມົນຕີໄດ້ຮັບຮູ້ຄວາມກ້າວໜ້າທີ່ບັນລຸໄດ້ໃນການຮ່ວມມືດ້ານການຄ້າ ແລະ ການລົງທຶນ 2 ຝ່າຍອາຊຽນ - ຈີນ. ປະຈຸບັນ, ຈີນ ຍັງຮັກສາທີ່ຕັ້ງເປັນນັກລົງທຶນໃຫຍ່ອັນອັບໜຶ່ງຢູ່ອາຊຽນ, ດ້ວຍຍອດມູນຄ່າແລດປ່ຽນການຄ້າບັນລຸ 364,4 ຕື້ USD, ກວມເອົາ 15,2% ຍອດມູນຄ່າການຄ້າຂອງອາຊຽນ. ການລົງທຶນໂດຍກົງຈາກປະເທດນີ້ເຂົ້າອາຊຽນ ໃນປີ 2015 ບັນລຸ 8,2 ຕື້ USD. ບັນດາລັດຖະມົນຕີໄດ້ຊົມເຊີຍເລື່ອງອະນຸສັນຍາທີ 3 ປັບປຸງ ສຳລັບສັນຍາການຄ້າເສລີອາຊຽນ - ຈີນ ໄດ້ມີຜົນສັກສິດແຕ່ເດືອນ 01/07/2016. ບັນດາລັດຖະມົນຕີສະແດງຄວາມຫວັງວ່າ, ເລື່ອງປັບປຸງອະນຸສັນຍາ ຈະສ້າງຄວາມສະດວກຕື່ມອີກໃຫ້ການແລກປ່ຽນການຄ້າລະຫວ່າງອາຊຽນ ແລະ ຈີນ.