ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທັງເໝີນ ໄດ້ຕີລາຄາສູງການປະກອບສ່ວນຢ່າງຕັ້ງໜ້າ ແລະ ມີປະສິດທິຜົນຂອງວົງການສື່ມວນຊົນ ແລະ ສະມາຄົມນັກຂ່າວຫວຽດນາມ ໃນການປົກປັກຮັກສາ ແລະ ສ້າງສາປະເທດຊາດ, ປົກປ້ອງຜົນປະໂຫຍດແຫ່ງຊາດ, ປົກປັກຮັກສາສິດ, ຜົນປະໂຫຍດອັນຊອບທຳຂອງປະຊາຊົນ ແລະ ຊຸກຍູ້ເສດຖະກິດ - ສັງຄົມ.

        ກ່ຽວກັບທິດທາງ ແລະ ໜ້າທີ່ໃນໄລຍະຈະມາເຖິງ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທັງເໝີນ, ຊີ້ແຈ້ງວ່າ.

        “ຂ້າພະເຈົ້າປາດຖະໜາວ່າ, ສື່ມວນຊົນຈະສືບຕໍ່ສ່ອງແສງວຽກງານຂົນຂວາຍ, ການເຕົ້າໂຮມ, ປັບປຸງການກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດຢ່າງເລິກເຊິ່ງ, ກວ້າງຂວາງກວ່າ; ສະໜອງຂໍ້ມູນຂ່າວສານຢ່າງທັນການກ່ຽວກັບສະພາບການຊີວິດການເປັນຢູ່ຂອງປະຊາຊົນ, ໂດຍສະເພາະແມ່ນປະຊາຊົນຢູ່ເຂດຫ່າງໄກຊອກຫຼີກ, ເຂດຊາຍແດນ, ເຂດທະເລ ໝູ່ເກາະ, ເຂດຖືກຜົນເສຍຫາຍຍ້ອນໄພທຳມະຊາດ; ຮ່ວມເດີນທາງພ້ອມກັບແນວໂຮມປະເທດຊາດຫວຽດນາມ ປະຕິບັດ, ເສີມຂະຫຍາຍປະຊາທິປະໄຕ, ປົກປັກຮັກສາສິດ ແລະ ຜົນປະໂຫຍດອັນຊອບທຳຖືກຕາມກົດໝາຍຂອງປະຊາຊົນ”.