(vovworld) – ກອງປະຊຸມສຳມະນາວ່າດ້ວຍຫົວຂໍ້ສິ່ງທ້າທາຍໃຫ້ແກ່ການພັດທະນາວິສາຫະກິດປີ 2015, ໂດຍຫ້ອງການການຄ້າ ແລະ ອຸດສາຫະກຳຫວຽດນາມ ຈັດຕັ້ງໃນວັນທີ 27/01, ຢູ່ຮ່າໂນ້ຍ. ບັນດາຜູ້ແທນໄດ້ໃຫ້ຂໍ້ສັງເກດວ່າ, ໃນປີ 2015 ຫວຽດນາມ ຈະສຳເລັດການເຈລະຈາ ແລະ ລົງນາມໃນສັນຍາຄູ່ຮ່ວມມືເສດຖະກິດຍຸດທະສາດຂ້າມປາຊີຟິກ (TPP), ສັນຍາການຄ້າເສລີ (FTA) ກັບບັນດາຄູ່ຮ່ວມມື ແລະ ກ້າວເຂົ້າສູ່ວິວັດທະນາການແກ່ງແຍ້ງ, ເຊື່ອມໂຍງເຂົ້າກັບສາກົນຢ່າງເປັນທາງການ. ນີ້ທັງແມ່ນກາລະໂອກາດແຕ່ຍັງມີຂໍ້ຂົງຄ້າງສິ່ງທ້າທາຍຫຼາຍຢ່າງສຳລັບວິສາຫະກິດ. ເພື່ອຍາດແຍ່ງກາລະໂອກາດໂດຍ TPP ແລ FTA ນຳມາໃຫ້ໄດ້, ກ່ອນອື່ນໝົດ ບັນດາວິສາຫະກິດຕ້ອງມີຄວາມເຂົ້າໃຈດ້ານກົດໝາຍ, ລະບຽບການເພື່ອປ້ອງກັນຕົນເອງຕໍ່ໜ້າການເຊື່ອມໂຍງ. ທ່ານນາງ ບຸຍທູຖຸຍ, ຮອງຫົວໜ້າກົມພັດທະນາວິສາຫະກິດ, ກະຊວງແຜນການ ແລະ ການລົງທຶນ ໃຫ້ຮູ້ວ່າ.
“ພວກຂ້າພະເຈົ້າໄດ້ສ້າງບັນດາລາຍການໜູນຊ່ວຍສົມທົບກັບຫົວໜ່ວຍ, ກະຊວງ, ຂະແໜງການອື່ນໆ ເພື່ອໜູນຊ່ວຍບັນດາກຸ່ມວິສາຫະກິດກ່ຽວກັບການກູ້ຢືມທຶນຜ່ານລະບົບທະນາຄານ. ນອກຈາກນັ້ນ, ກະຊວງແຜນການ ແລະ ການລົງທຶນ ກໍ່ພວມພິເຈລະຈາກັບ World Bank ກ່ຽວກັບໂຄງການໜູນຊ່ວຍຍົກສູງກຳລັງຄວາມສາມາດຂອງວິສາຫະກິດຂະໜາດກາງ ແລະ ນ້ອຍ. ພວກຂ້າພະເຈົ້າໄດ້ມີບັນດານະໂຍບາຍເພື່ອໃຫ້ວິສາຫະກິດຍົກສູງກຳລັງແກ່ງແຍ່ງຂອງຕົນ”.