(vovworld) – ທີ່ກອງປະຊຸມສຳມະນາກ່ຽວກັບທະເລຕາເວັນອອກຖືກດຳເນີນໄປຢູ່ນິວຢອກ, ປະເທດອາເມລິກາ ໃນວັນທີ 04/05, ມີນັກຮຽນຮູ້ທີ່ມີຊື່ສຽງຫຼາຍທ່ານ ພ້ອມກັບວົງການນັກການທູດຂອງປະເທດຕ່າງໆ, ກໍ່ຄືນັກຊ່ຽວຊານມາຈາກບາງສະຖາບັນ, ມະຫາວິທະຍາໄລອາເມລິກາ ໄດ້ສະເໜີບົດປະກອບຄວາມເຫັນທີ່ມີຄຸນຄ່າ. ກອງປະຊຸມສຳມະນາດ້ວຍຫົວຂໍ້ວ່າ “ການປະທະກັນຢູ່ທະເລຕາເວັນອອກ: ກົດໝາຍ, ການເມືອງ ແລະ ການທູດ” ໂດຍວາລະສານຄວາມສ່ຽງດ້ານການເມືອງ (JPR) ມີສຳນັກງານຕັ້ງຢູ່ນິວຢອກ ຈັດຕັ້ງ. ມີຫຼາຍແງ່ມູນໃນການຂັດແຍ້ງເຂດນ່ານນ້ຳຢູ່ທະເລຕາເວັນອອກໄດ້ນຳມາປຶກສາຫາລືຄື: ລັກສະນະຜິດກົດໝາຍຂອງການແຕ້ມເສັ້ນລິ້ນງົວໃນແຜນທີ່ຂອງຈີນ, ຜົນກະທົບເຖິງສິ່ງແວດລ້ອມ ແລະ ຜົນຮ້າຍຂອງຍຸດທະສາດກ່ຽວກັບເລື່ອງຈີນ ເຮັດໃຫ້ປ່ຽນແປງສະພາບເດີມຢູ່ບັນດາເກາະພວມຢຶດຄອງຢູ່ທະເລຕາເວັນອອກ. ບັນດານັກຮຽນຮູ້ກໍ່ປຶກສາຫາລືກ່ຽວກັບການຂັດເລືອກ ແລະ ກາລະໂອກາດທີ່ແຕກຕ່າງກັນ ເຊິ່ງບັນດາປະເທດມີການຂັດແຍ້ງຕ້ອງນຳໃຊ້ເພື່ອແກ້ໄຂບັນຫາທະເລຕາເວັນອອກໂດຍສັນຕິວິທີຕາມກົດໝາຍສາກົນ. ນັກຮຽນຮູ້ກໍ່ຍົກອອກບາງຂໍ້ສະເໜີມີລັກສະນະສ້າງສັນ ເພື່ອແກ້ໄຂການຂັດແຍ້ງໃນປະຈຸບັນ. ທ່ານປະລິຍາເອກ Anders Corr, ຫົວໜ້າຄະນະບັນນາທິການວາລະສານ JPR ໃຫ້ຮູ້ວ່າ, ບັນດາບົດປະກອບຄວາມເຫັນທີ່ກອງປະຊຸມສຳມະນາ ຈະໄດ້ຮຽບຮຽງເປັນປື້ມກ່ຽວກັບທະເລຕາເວັນອອກ ໂດຍໂຮງພິມຈຳໜ່ອຍທີ່ມີຊື່ສຽງຂອງອາເມລິກາ ຈຳໜ່າຍ.