ບັນດາຜູ້ແທນເຂົ້າຮ່ວມກອງປະຊຸມສຳມະນາ
|
(vovworld) - ເລື່ອງຮັກສາຄວາມໝັ້ນຄົງຢູ່ທະເລຕາເວັນອອກສວມບົດບາດສຳຄັນໃນການຮັກສາຄວາມເສລີໃນການເດີນເຮືອ, ຮັກສາການແລກປ່ຽນການຄ້າຂອງບັນດາປະເທດໃນໂລກ. ນີ້ແມ່ນເນື້ອໃນໄດ້ຍົກອອກມາໃນການທາບທາມຄວາມເຫັນຂອງບັນດານັກປາຖະກະຖາເຂົ້າຮ່ວມກອງປະຊຸມສຳມະນາຄວາມໝັ້ນຄົງທະເລຕາເວັນອອກ ເຊິ່ງໄດ້ດຳເນີນຢູ່ມະຫາວິທະຍາໄລ Civitas ຂອງນະຄອນຫຼວງ Warsaw ປະເທດ ໂປໂລຍ ຫວ່າງມໍ່ໆນີ້. ບັນດານັກປາຖະກະຖາ ກໍ່ໃຫ້ຂໍ້ສັງເກດວ່າບັນດາປະເທດກ່ຽວຂ້ອງບໍ່ຄວນນຳໃຊ້ກຳລັງອາວຸດເພື່ອແກ້ໄຂການຂັດແຍ້ງກັນຢູ່ທະເລຕາເວັນອອກ, ຫາກຕ້ອງແກ້ໄຂໂດຍສັນຕິວິທີ, ອີງໃສ່ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ. ທີ່ກອງປະຊຸມສຳມະນາ, ປະລິຍາເອກ ຫຼາດຶກຈູງ, ສັງກັດສະຖາບັນວິທະຍາສາດ ແລະ ວັດທະນະທຳ ຫວຽດນາມ (ມະຫາວິທະຍາໄລ Almamer) ໄດ້ແນະນຳໃຫ້ບັນດາຜູ້ແທນເຂົ້າຮ່ວມກ່ຽວກັບຊີວິດການເປັນຢູ່, ການດຳເນີນຊີວິດຂອງປະຊາຊົນ ແລະ ນັກຮົບກອງທັບປະຊາຊົນ ຫວຽດນາມ ຢູ່ໝູ່ເກາະເຈື່ອງຊາ, ຢ້ຳຄືນເລື່ອງຈີນ ນຳໃຊ້ກຳລັງອາວຸດຢຶດຄອງໝູ່ເກາະເຈື່ອງຊາ ແລະ ບາງເກາະຂອງໝູ່ເກາະ ເຈື່ອງຊາ, ຖົມດິນບູລະນະ ແລະ ນຳໃຊ້ກຳລັງການທະຫານຢູ່ບັນດາເກາະແຫ່ງນີ້ຢ່າງຜິດກົດໝາຍ.