ກອງປະຊຸມສຳມະນາວິທະຍາສາດ “ຫຼີກລ້ຽງສະພາບລາຍຮັບປານກາງບໍ່ເພີ່ມຂຶ້ນຢູ່ຫວຽດນາມ”
ທ່ານເວືອງດິ່ງເຫ້ວ, ຫົວໜ້າຄະນະເສດຖະກິດສູນກາງ
(ພາບ: qdnd.vn)
(vovworld) - ກອງປະຊຸມສຳມະນາວິທະຍາສາດ “ຫຼີກລ້ຽງສະພາບລາຍຮັບປານກາງບໍ່ເພີ່ມຂື້ນຢູ່ຫວຽດນາມ” ຖືກຈັດຂຶ້ນໃນຕອນເຊົ້າວັນທີ 15/04, ຢູ່ຮ່າໂນ້ຍ, ກອງປະຊຸມສຳມະນາໂດຍຄະນະກຳມະການເສດຖະກິດສູນກາງ ສົມທົບກັບຄະນະໂຄສະນາສຶກສາສູນກາງ ຈັດຕັ້ງ ເພື່ອແນໃສ່ສະໜອງບັນດາຫັຼກຖານວິທະຍາສາດເພື່ອໃຫ້ພັກ, ລັດ ວາງແຜນນະໂຍບາຍ, ມາດຕະການແກ້ໄຂສະພາບລາຍຮັບປານກາງບໍ່ເພີ່ມຂຶ້ນ, ສືບຕໍ່ພັດທະນາໃຫ້ກາຍເປັນປະເທດມີລາຍຮັບສູງໃນອະນາຄົດ. ກ່າວຄຳເຫັນທີ່ກອງປະຊຸມສຳມະນາ, ສາດສະດາຈານ, ປະລິຍາເອກ ເວືອງດິ່ງເຫ້ວ, ຫົວໜ້າຄະນະເສດຖະກິດສູນກາງ ເນັ້ນໜັກວ່າ, ເສດຖະກິດຫວຽດນາມ ໄດ້ຫຼຸດພົ້ນອອກຈາກສະພາບປະເທດດ້ອຍພັດທະນາ, ລະດັບການເຕີບໂຕເພີ່ມຂຶ້ນຢ່າງຕໍ່ເນື່ອງໃນລະດັບ 7%/ປີ. ແຕ່ຫວຽດນາມ ມີໄພຕົກເຂົ້າສູ່ສະພາບລາຍຮັບປານກາງບໍ່ເພີ່ມຂຶ້ນ, ເຮັດໃຫ້ລັກສະນະແກ່ງແຍ່ງຂອງພື້ນຖານເສດຖະກິດຖືກຫຼຸດລົງ. ສິ່ງດັ່ງກ່າວຈະກີດຂວາງການພັດທະນາເສດຖະກິດຂອງຫວຽດນາມ. ທ່ານ ເວືອງດິ່ງເຫ້ວ ເນັ້ນໜັກວ່າ.
“ສະພາບລາຍຮັບປານກາງບໍ່ເພີ່ມຂຶ້ນຈະເກີດຂຶ້ນເມື່ອລະດັບການພັດທະນາຖືກຢຸດໄວ້ ພາຍຫຼັງບັນລຸໄດ້ລາຍຮັບປານກາງ. ບັນຫານີ້ເຄີຍເກີດຂຶ້ນສຳລັບບັນດາພື້ນຖານເສດຖະກິດພວມພັດທະນາ ເມື່ອລະດັບເງິນເດືອນເພີ່ມຂຶ້ນ ໃນຂະນະທີ່ການແກ່ງແຍ່ງກ່ຽວກັບລາຄາສິນຄ້າຖືກຫຼຸດລົງ ຍາກທີ່ຈະແກ່ງແຍ່ງກັບບັນດາພື້ນຖານເສດຖະກິດພັດທະນາໄດ້. ສະນັ້ນ, ເພື່ອໃຫ້ພັດທະນາຢ່າງວ່ອງໄວ ແລະ ໝັ້ນຄົງຫຼີກລ້ຽງສະພາບລາຍຮັບປານກາງບໍ່ເພີ່ມຂຶ້ນ ແລະ ສືບຕໍ່ກາຍເປັນປະເທດມີລາຍຮັບສູງໃນອະນາຄົດ ຍາມໃດກໍ່ແມ່ນບັນຫາທີ່ໄດ້ຮັບຄວາມເອົາໃຈໃສ່ຢ່າງເລິກເຊິ່ງຈາກພັກ ແລະ ລັດ, ແລະ ບັນດາພະນັກງານວາງແຜນນະໂຍບາຍ ແລະ ບັນດານັກວິທະຍາສາດອີກດ້ວຍ”.