ການເຮັດວຽກລະຫວ່າງ 2 ຄະນະ
(ພາບ: Thế Duyệt/TTXVN)
(vovworld) – ວັນທີ 16/12, ທີ່ນະຄອນ ອຽນບ໋າຍ, ຄະນະຊີ້ນຳເຂດໄຕບັກ ຕາງໜ້າປະເທດແຫ່ງສາທາລະນະລັດສັງຄົມນິຍົມ ຫວຽດນາມ ແລະ ຄະນະປະຕິບັດງານຂອງປະເທດແຫ່ງສາທາລະນະລັດປະຊາທິປະໄຕປະຊາຊົນລາວ ໄດ້ຈັດຕັ້ງການເຈລະຈາ, ຕີລາຄາໝາກຜົນ “ການຮ່ວມມືກໍ່ສ້າງເສັ້ນຊາຍແດນ ຫວຽດນາມ-ລາວ ໝັ້ນຄົງ ແລະ ພັດທະນາຮອບດ້ານ”. 2 ຝ່າຍ ເປັນເອກະພາບກັນວ່າ: ໃນໄລຍະຈະມາເຖິງ, 2 ປະເທດ ຕັດສິນໃຈກ່ຽວກັບການຮ່ວມມືກໍ່ສ້າງເສັ້ນຊາຍແດນ ຫວຽດນາມ-ລາວ ໝັ້ນຄົງ ແລະ ພັດທະນາຮອບດ້ານ, ເພື່ອແນໃສ່ພັດທະນາເສດຖະກິດ-ສັງຄົມ, ຍົກສູງການດຳລົງຊີວິດຂອງປະຊາຊົນ 2 ຝ່າຍເຂດຊາຍແດນ ແລະ ເຮັດໃຫ້ທຸກກົນອຸບາຍທີ່ທຳລາຍການປະຕິວັດ 2 ປະເທດຂອງບັນດາອິດທິກຳລັງເປັນປໍລະປັກປະລາໄຊ. ໄປຄຽງຂ້າງນັ້ນ, ສູມໃສ່ປະຕິບັດສຳເລັດເພື່ອນຳໃຊ້ 2 ກຸ່ມບ້ານຢູ່ພາກເໜືອລາວ; ເພີ່ມທະວີສົມທົບຮັບປະກັນການປ້ອງກັນຄວາມສະຫງົບເຂດຊາຍແດນ; ແກ້ໄຂສະພາບການອົບພະຍົບໄປລາວຜິດກົດໝາຍ. ພ້ອມທັງ, ສືບຕໍ່ຜັນຂະຫຍາຍການເຄື່ອນໄຫວການຮ່ວມມື, ການລົງທຶນ ແລະ ການພັດທະນາ ລະຫວ່າງ 2 ປະເທດຢ່າງມີປະສິດທິຜົນ.
ສ່ວນທ່ານຮອງຫົວໜ້າຮັບຜິດຊອບຄະນະຊີ້ນຳເຂດໄຕບັກ ເຈືອງຊວນກື່ ຢືນຢັ້ນວ່າ: ຝ່າຍ ຫວຽດນາມ ຈະຜັນຂະຫຍາຍການເຄື່ອນໄຫວ, ການຮ່ວມມື, ການລົງທຶນ ແລະ ການພັດທະນາຢ່າງມີປະສິດທິຜົນ. ບັນດາແຂວງ ເຂດໄຕບັກ ຫວຽດນາມ ຈະສືບຕໍ່ໜູນຊ່ວຍບຳລຸງສ້າງໃຫ້ແກ່ບັນດາແຂວງພາກເໜືອລາວ; ສືບຕໍ່ຮັກສາກົນໄກສົມທົບ, ການເຈລະຈາເປັນປະຈຳປີ ລະຫວ່າງຄະນະຊີ້ນຳ ເຂດໄຕບັກ ແລະ ຄະນະພັດທະນາຊົນນະບົດ ແລະ ລົບລ້າງຄວາມອຶດຫິວ, ຫລຸດພົ້ນຄວາມທຸກຍາກສູນກາງລາວ.